ದಬಾಂಗ್ 3 ಸೆಟ್‌ನಿಂದ ಹೊರಬಿತ್ತು ಸುದೀಪ್ ಸಿಟ್ಟಿನ ಗುಟ್ಟು!
ಬಾಲಿವುಡ್ ಹಾಗೂ ಸ್ಯಾಂಡಲ್‌ವುಡ್‌ನಲ್ಲಿ ಧೂಳೆಬ್ಬಿಸಲು ಸಜ್ಜಾಗಿರುವ ದಬಾಂಗ್ 3 ಸೆಟ್‌ನಿಂದ ಅಚ್ಚರಿಯ ಸಂಗತಿಯೊಂದು ಹೊರಬಿದ್ದಿದೆ. ಸಲ್ಮಾನ್ ಖಾನ್ ಜೊತೆ ಬೆಳ್ಳಿ ತೆರೆಯಲ್ಲಿ ಮಿಂಚಲಿರುವ ಕಿಚ್ಚ ಸುದೀಪ್, ತಮ್ಮ ಸಿಟ್ಟನ್ನು ಹೊರಹಾಕಿದ್ದಾರೆ! ಅದೂ ಕೂಡಾ ಬಾಲಿವುಡ್ ಸ್ಟಾರ್ ನಟನ ವಿರುದ್ಧ!
ಕಿಚ್ಚನಿಗೆ ಹೃತಿಕ್ ರೋಷನ್ ಕಂಡ್ರೆ ಆಗಲ್ವಂತೆ! ಯಾಕೆ ಗೊತ್ತಾ?
ಡಿಸೆಂಬರ್ 20ರಂದು ರಿಲೀಸ್ ಆಗಲಿರುವ ಬಹುನಿರೀಕ್ಷಿತ ದಬಾಂಗ್ 3 ಚಿತ್ರದ ಪ್ರಚಾರ ಸಂದರ್ಶನದ ವೇಳೆ ಸುದೀಪ್ ಸಿಟ್ಟು ಹೊರಬಿದ್ದಿದೆ! ಕಿಚ್ಚನಿಗೆ ಹೃತಿಕ್ ರೋಷನ್ ಕಂಡ್ರೆ ಆಗೋದೇ ಇಲ್ವಂತೆ. ಅವರು ತಮ್ಮ ಜೀವನದಲ್ಲಿ ಹೃತಿಕ್ ಅಷ್ಟು ಇನ್ಯಾರ ವಿರುದ್ದವೂ ಸಿಟ್ಟಾಗಿಲ್ಲವಂತೆ! ಇದಕ್ಕೆ ಕಾರಣ ಸುದೀಪ್ ಪತ್ನಿ! ಎಂದಾದರೂ ಒಂದು ದಿನ ಕಿಚ್ಚ ಸುದೀಪ್ ಅವರು ಹೃತಿಕ್ ರೋಷನ್ ಜೊತೆಗೆ ಒಟ್ಟಿಗೆ ನಟಿಸಿದ್ರೆ, ಆ ಸಿನೆಮಾ ಸೆಟ್‌ಗೆ ಎಲ್ಲರಿಗಿಂತಾ ಮೊದಲು ಸುದೀಪ್ ಅವರ ಪತ್ನಿ ಬರುತ್ತಾರಂತೆ..!
ರಿಯಲ್ ಲೈಫ್‌ನಲ್ಲಿ ಸುದೀಪ್ ದೊಡ್ಡ ಹೀರೋ ಎಂದ ಸಲ್ಮಾನ್ ಖಾನ್
'ಕಹೋ ನಾ ಪ್ಯಾರ್ ಹೇ' 10 ಬಾರಿ ನೋಡಿದ್ದಾರಂತೆ ಕಿಚ್ಚ & ಫ್ಯಾಮಿಲಿ
ಸುದೀಪ್ ಅವರ ಪತ್ನಿ ಪ್ರಿಯಾ ಅವರು ಹೃತಿಕ್ ರೋಷನ್‌ಗೆ ಅದೆಷ್ಟು ದೊಡ್ಡ ಫ್ಯಾನ್ ಅಂದ್ರೆ, ಕಹೋ ನಾ ಪ್ಯಾರ್ ಹೇ ಸಿನೆಮಾವನ್ನು ಕನಿಷ್ಟ 10 ಬಾರಿಯಾದ್ರೂ ನೋಡಿದ್ದಾರಂತೆ! ಹೃತಿಕ್ ರೋಷನ್ ಮೊದಲ ಚಿತ್ರವಾದ ಕಹೋ ನಾ ಪ್ಯಾರ್ ಹೇ ಸೂಪರ್ ಹಿಟ್‌ ಆಗಿತ್ತು ಅನ್ನೋದು ಎಲ್ಲರಿಗೂ ಗೊತ್ತು. ಈ ಸಿನೆಮಾವನ್ನು ನೋಡಲು ಕಿಚ್ಚ ಸುದೀಪ್ ತಮ್ಮ ಪತ್ನಿ ಜೊತೆ ಹೋಗಲೇ ಬೇಕಿತ್ತಂತೆ. ಒಂದು ವೇಳೆ ಬರೋದಿಲ್ಲ ಅಂದ್ರೆ, ಬೇರೊಬ್ಬರ ಜೊತೆ ಹೋಗ್ತೀನಿ ಎಂದು ಬೆದರಿಕೆ ಹಾಕ್ತಿದ್ದರಂತೆ ಪ್ರಿಯಾ!
ಪತ್ನಿಗೆ ಅಚ್ಚುಮೆಚ್ಚು ಎಂಬ ಹೊಟ್ಟೆ ಉರಿ.. ಆದ್ರೂ ಸೀಕ್ರೆಟ್ ಫ್ಯಾನ್!
ಟಿವಿಯಲ್ಲಿ ಹೃತಿಕ್ ಡ್ಯಾನ್ಸ್‌ ಮಾಡುವ ದೃಶ್ಯ ಬಂದಿದ್ದೇ ತಡ ಅವರ ಪತ್ನಿ ಕೂಡಾ ಕುಣಿದಾಡುತ್ತಾರಂತೆ! ಹೃತಿಕ್ ರೋಷನ್‌ಗೆ ಅಷ್ಟು ದೊಡ್ಡ ಅಭಿಮಾನಿಯಾಗಿರುವ ಕಿಚ್ಚ ಸುದೀಪ್ ಅವರ ಪತ್ನಿ ಪ್ರಿಯಾ, ತಮ್ಮ ಪತಿ ಸುದೀಪ್ ಅವರ ಸಿನೆಮಾ ಜೀವನದ ಯಶಸ್ಸಿಗೂ ಕಾರಣಕರ್ತರು. ಈ ಮಾತನ್ನು ಸ್ವತಃ ಸುದೀಪ್ ಅವರೇ ಹೇಳಿಕೊಂಡಿದ್ದಾರೆ. ತಮ್ಮ ಪತ್ನಿ ಪ್ರಿಯಾ ಅವರಂತೆಯೇ ತಾವೂ ಕೂಡಾ ಹೃತಿಕ್ ರೋಷನ್ ಅವರ ಅಭಿಮಾನಿ ಎಂದಿರುವ ಕಿಚ್ಚ ಸುದೀಪ್, ಸೆಟ್‌ನಲ್ಲಿ ಹೃತಿಕ್ ಹಾಕುವ ಶ್ರಮಕ್ಕೆ ಶಹಬ್ಬಾಸ್ ಎಂದಿದ್ದಾರೆ.
ಎರಡನೇ ಸಲ ಕಪಿಲ್ ಶರ್ಮಾ ಶೋನಲ್ಲಿ ಕಿಚ್ಚ ಸುದೀಪ್
ಸಲ್ಲು ಎದುರು ಕಿಚ್ಚನ ಖದರ್ ನೋಡಲು ಮರೆಯದಿರಿ!
ಬಾಲಿವುಡ್‌ನ ಬಹು ನಿರೀಕ್ಷಿತ ದಬಾಂಗ್ 3 ಸಿನೆಮಾ ಡಿಸೆಂಬರ್ 20ರಂದು ವಿಶ್ವಾದ್ಯಂತ ರಿಲೀಸ್ ಆಗಲಿದೆ. ಹಿಂದಿ ಹಾಗೂ ಕನ್ನಡದಲ್ಲಿ ದಬಾಂಗ್ 3 ರಿಲೀಸ್ ಆಗಲಿದ್ದು, ಕಿಚ್ಚ ಸುದೀಪ್ ಖಳನಾಯಕನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.