ಜಾನುವಾರುಗಳಿಗೆ 15 ಲೋಡ್‌ ಮೇವಿನ ವ್ಯವಸ್ಥೆ ಮಾಡಿದ 'ಡಿ ಬಾಸ್‌' ದರ್ಶನ್!

ಮಂಡ್ಯ ಜಿಲ್ಲೆಯ ದೊಡ್ಡ ಬ್ಯಾಡರಹಳ್ಳಿಯಲ್ಲಿರುವ ಗೋಶಾಲೆಗೆ ದರ್ಶನ್‌ 15 ಟ್ರಾಕ್ಟರ್ ಲೋಡ್ ಮೇವನ್ನು ನೀಡಿದ್ದಾರೆ. ಅಲ್ಲದೆ, ತಾವೇ ಅಲ್ಲಿಗೆ ಖುದ್ದಾಗಿ ಅಲ್ಲಿಗೆ ಭೇಟಿ ನೀಡಿ, ಅದನ್ನು ವಿತರಣೆ ಮಾಡಿದ್ದಾರೆ. ಸದ್ಯ ಈ ವಿಡಿಯೋ, ಫೋಟೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿವೆ.

ದರ್ಶನ್ ಅವರಿಗೆ ಮೊದಲಿನಿಂದಲೂ ಪ್ರಾಣಿಗಳೆಂದರೆ, ಅಪಾರವಾದ ಪ್ರೀತಿ. ತಮ್ಮ ಫಾರ್ಮ್‌ ಹೌಸ್‌ನಲ್ಲಿ ನಾನಾ ಬಗೆಯ ಅನೇಕ ಪ್ರಾಣಿಗಳನ್ನು ಸಾಕಿಕೊಂಡಿದ್ದಾರೆ. ಜೊತೆಗೆ ವಿವಿಧ ಬಗೆಯ ಅನೇಕ ಪಕ್ಷಿಗಳು ಅಲ್ಲಿವೆ. ಮೈಸೂರಿನ ಮೃಗಾಲಯದಲ್ಲಿ ಪ್ರಾಣಿಗಳನ್ನು ಅವರು ದತ್ತು ಪಡೆದುಕೊಂಡಿದ್ದಾರೆ.

ಕಳೆದ ವರ್ಷ ಅದ್ದೂರಿಯಾಗಿ ಬರ್ತ್‌ಡೇ ಆಚರಿಸಿಕೊಳ್ಳದ ದರ್ಶನ್‌, ಕೇಕ್‌ ಹಾರ ತರಬೇಡಿ ಎಂದಿದ್ದರು. ಈ ಬಾರಿಯೂ ಅದನ್ನೇ ಮುಂದುವರಿಸಿರುವ ಅವರು, ಕೇರ್ ಹಾರದ ಬದಲು, ದವಸ-ಧಾನ್ಯ ತರುವಂತೆ ಸೂಚಿಸಿದ್ಧಾರೆ. ಈಗಾಗಲೇ ಅಭಿಮಾನಿಗಳು ಅದರ ಸಂಗ್ರಹಣೆಗೆ ಮುಂದಾಗಿದ್ದಾರೆ.