41 ಸಿನಿಮಾ ನಾಯಕಿ ಆದಮೇಲೆ ಶಿಕ್ಷಣದಲ್ಲಿ ಸಾಧನೆ ಮಾಡಿದ ದರ್ಶನ್ 'ಶಾಸ್ತ್ರೀ' ಸಿನಿಮಾ ನಟಿ ಮಾನ್ಯಾ ನಾಯ್ಡು!
ಶ್ರೀಮುರಳಿಯ 'ಶಂಭು', ದರ್ಶನ್ ನಟನೆಯ 'ಶಾಸ್ತ್ರಿ' ಸಿನಿಮಾದ ನಟಿ ಮಾನ್ಯಾ ನಾಯ್ಡು ಅವರು ನಟನೆಯಿಂದ ದೂರ ಸರಿದರೂ ಕೂಡ ಖಾಲಿ ಕೂತಿಲ್ಲ. ಶಿಕ್ಷಣ ಪೂರೈಸಿ ಈಗ ವಿದೇಶದಲ್ಲಿ ಒಳ್ಳೆಯ ಹುದ್ದೆಯಲ್ಲಿದ್ದಾರೆ.
Vijaya Karnataka Web 14 Oct 2020, 12:14 pm
ಕಲಾವಿದರು ಸಾಯುವವರೆಗೂ ನಟನೆಯೊಂದನ್ನೇ ಮಾಡಿಕೊಂಡಿರುತ್ತಾರೆ ಎಂದು ಹೇಳಲಾಗದು. ಕೆಲವರು ಅಕಾಸ್ಮಾತ್ ಆಗಿ ಚಿತ್ರರಂಗಕ್ಕೆ ಕಾಲಿಟ್ಟು ಒಂದಷ್ಟು ದಿನಗಳ ಕಾಲ ನಟಿಸಿ ಆಮೇಲೆ ಬೇರೆ ಕ್ಷೇತ್ರದತ್ತ ಮುಖ ಮಾಡಬಹುದು ಅಥವಾ ಕೊನೇತನಕ ಇದೇ ರಂಗದಲ್ಲಿಯೇ ಜೀವನ ಕಾಣಬಹುದು. ಎಲ್ಲವೂ ಅವರವರ ಆಸಕ್ತಿ ಮೇಲೆ ನಿರ್ಧರಿತವಾಗಿರುತ್ತದೆ. ಅಂದಹಾಗೆ ಶ್ರೀಮುರಳಿಯ 'ಶಂಭು', ದರ್ಶನ್ ನಟನೆಯ 'ಶಾಸ್ತ್ರಿ' ಸಿನಿಮಾದ ನಟಿ ಮಾನ್ಯಾ ಈಗ ನಟನೆಯಿಂದ ದೂರಸರಿದು, ಶಿಕ್ಷಣ ಪೂರೈಸಿ ದೊಡ್ಡ ಹುದ್ದೆಯಲ್ಲಿದ್ದಾರೆ. ಈ ಬಗ್ಗೆ ಅವರೇ ಹೇಳಿಕೊಂಡಿದ್ದಾರೆ.
ಕೊಲಂಬಿಯಾ ಯುನಿವರ್ಸಿಟಿಯಲ್ಲಿ ಮಾನ್ಯಾ ಶಿಕ್ಷಣ
'ಎಲ್ಲರಿಗೂ ಸ್ಫೂರ್ತಿ ತುಂಬುವ ಸಲುವಾಗಿ ನಾನು ಈ ಪೋಸ್ಟ್ ಹಾಕುತ್ತಿದ್ದೇನೆ. ನನ್ನ ಹತ್ತಿರ ಸಾಧ್ಯವಿದೆ ಅಂದರೆ ನಿಮ್ಮ ಹತ್ತಿರ ಸಾಧ್ಯವಿದೆ. ನಾನು ಪ್ರೌಢಾವಸ್ಥೆಗೆ ಬರುವ ವೇಳೆ ನನ್ನ ತಂದೆ ತೀರಿಕೊಂಡರು. ಕುಟುಂಬದ ಸಲುವಾಗಿ ನಾನು ಶಾಲೆ ಬಿಟ್ಟು ಕೆಲಸ ಮಾಡಲು ಆರಂಭಿಸಿದೆ. ಶಾಲೆಗೆ ಹೋಗೋದು ನನಗೆ ತುಂಬ ಇಷ್ಟವಾಗುತ್ತಿತ್ತು. ಹಸಿವು ಎನ್ನುವುದು ಏನು ಎಂದು ಗೊತ್ತಿದೆ. 41 ಸಿನಿಮಾಗಳಲ್ಲಿ ಹೀರೋಯಿನ್ ಆಗಿ ನಟಿಸಿದೆ. ಇದರಿಂದ ಬಂದ ಹಣವನ್ನು ನನ್ನ ತಾಯಿಗೆ ನೀಡಿದೆ, ಓದಲು ಶುರು ಮಾಡಿದೆ. ಕಷ್ಟಪಟ್ಟು ಓದಿ SAT ಪರೀಕ್ಷೆ ಬರೆದೆ. Ivy League ಶಿಕ್ಷಣ ಸಂಸ್ಥೆಯಲ್ಲಿ ನಾನು ಓದುತ್ತೇನೆ ಎಂದು ಕನಸು ಕೊಂಡಿರಲಿಲ್ಲ. ನ್ಯೂಯಾರ್ಕ್ನ ಕೊಲಂಬಿಯಾ ಯುನಿವರ್ಸಿಟಿಯಲ್ಲಿ ನನಗೆ ಅಡ್ಮಿಶನ್ ಸಿಕ್ಕಿತು. ಮೊದಲ ಬಾರಿಗೆ ಇಲ್ಲಿಗೆ ಹೋದಾಗ ನಾನು ಸಿಕ್ಕಾಪಟ್ಟೆ ಅತ್ತಿದ್ದೆ. ಆನಂದಭಾಷ್ಪ, ಭಯ, ಮಗುವಾಗಿ ಮತ್ತೆ ಓದುತ್ತಿದ್ದೇನೆ ಎಂಬ ಖುಷಿಯಿಂದ ಕಣ್ಣೀರು ಬಂತು' ಎಂದು ಮಾನ್ಯಾ ನಾಯ್ಡು ಸೋಶಿಯಲ್ ಮೀಡಿಯಾದಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.
ಹಠ ಬಿಡದೆ ಮಾನ್ಯಾ ಓದಿದರು!
'ಅಡ್ಮಿಶನ್ ಪಡೆದುಕೊಂಡಿದ್ದು ತುಂಬ ಸುಲಭವೇ. ಆದರೆ ಆಮೇಲೆ ಗಣಿತ-ದತ್ತಾಂಶ (4.0 GPA) ಅಭ್ಯಾಸ ಮಾಡಿ ಸ್ಕಾಲರ್ಶಿಪ್ ಪಡೆಯುವುದು ನನ್ನ ಜೀವನದ ತುಂಬ ಕಷ್ಟಕರವಾದ ಕೆಲಸವಾಗಿತ್ತು. ನನಗೆ ಆಗುತ್ತಿಲ್ಲ ಬಿಟ್ಟುಬಿಡೋಣ ಅಂತ ಅಂದುಕೊಂಡದ್ದಿದೆ. ನನಗೆ ವೈಯಕ್ತಿಕ ಹಾಗೂ ಆರೋಗ್ಯ ಸಮಸ್ಯೆಗಳಿದ್ದವು. ಆದರೆ ಹಠ ಬಿಡಲಿಲ್ಲ. ದೇವರಲ್ಲಿ ನಂಬಿಕೆ ಇಟ್ಟು ನನ್ನ ಹತ್ತಿರ ಸಾಧ್ಯವಾದ ಶ್ರಮ ಹಾಕಿದೆ. ಶಿಕ್ಷಣ ನಿಮಗೆ ಹಾರಾಡಲು ರೆಕ್ಕೆ ನೀಡುತ್ತದೆ. ಯಾರೂ ಕೂಡ ನನ್ನಲ್ಲಿರುವ ವಿದ್ಯೆಯನ್ನು ಕದಿಯಲು ಸಾಧ್ಯವಿಲ್ಲ. ನೀವು ಹೆಚ್ಚೆಚ್ಚು ಜ್ಞಾನ ಸಂಪಾದನೆ ಮಾಡುತ್ತ ಹೋದಮೇಲೆ ನೀವು ಈ ಜಗತ್ತಿನಲ್ಲಿ ಎಷ್ಟು ಚಿಕ್ಕವರು ಎಂದು ಅರಿವಾಗಿ ವಿಧೇಯರಾಗುತ್ತೀರಿ. ನಾವೆಲ್ಲರೂ ಅನನ್ಯವಾಗಿ ಜನಿಸಿದ್ದೇವೆ, ನೀವು ಕೂಡ ವಿಶೇಷ ವ್ಯಕ್ತಿಗಳೇ' ಎಂದು ನಟಿ ಮಾನ್ಯಾ ಅವರು ಸೋಶಿಯಲ್ ಮೀಡಿಯಾದಲ್ಲಿ ಅವರ ಅನುಭವವನ್ನು ಹಂಚಿಕೊಂಡಿದ್ದಾರೆ.
Also Read-ಅವಕಾಶಗಳಿದ್ದ ಟೈಮ್ನಲ್ಲೇ ಸಿನಿಮಾದಿಂದ ದೂರವಾದ ದರ್ಶನ್, ಶ್ರೀಮುರಳಿ ನಾಯಕಿ ಮಾನ್ಯಾ: ಮದುವೆ ಮುಳುವಾಯ್ತಾ?
ಮಾನ್ಯಾರನ್ನು ಹೊಗಳಿದ ಅನು ಪ್ರಭಾಕರ್
'ನನ್ನ ಸ್ನೇಹಿತೆಯ ಅದ್ಭುತ ಕಥೆ ಕೇಳಿ. 'ವರ್ಷ' ಚಿತ್ರದಲ್ಲಿ ನಾವಿಬ್ಬರೂ ಒಟ್ಟಾಗಿ ನಟಿಸಿದ್ದೆವು, ಸ್ನೇಹಿತೆಯರಾದೆವು. ಯಶಸ್ವಿ ನಟಿಯಿಂದ ಯಶಸ್ವಿ ಹುದ್ದೆಗೇರುವುದು (VP in CREDIT SUISSE) ಸಣ್ಣ ಮಾತಲ್ಲ. ಅಸಾಧ್ಯವಾದುದನ್ನು ಅವರು ಸಾಧ್ಯವಾಗುವಂತೆ ಮಾಡಿದ್ದಾರೆ. ಅವರ ಬುದ್ಧಿವಂತಿಕೆಯನ್ನು ಖಂಡಿಸುವ ವ್ಯಕ್ತಿಯಿಂದ ಮಾನ್ಯಾ ಓದಲು ಆರಂಭಿಸಿದರು, ಇದೇ ಅವರಿಗೆ ಪ್ರೇರೇಪಣೆಯಾಯಿತು ಅಂತ ನನಗೆ ಈ ಹಿಂದೆ ಮಾನ್ಯಾ ಹೇಳಿದ್ದರು. ಇದನ್ನು ಅವರು ನಿರೂಪಿಸಿದ್ದಾರೆ. ನಟಿಯರು ಕೇವಲ ಸೌಂದರ್ಯಕ್ಕೊಂದೇ ಅಲ್ಲ, ಬುದ್ಧಿವಂತಿಕೆಗೂ ಸೈ. ನಿಮಗೆ ಇನ್ನಷ್ಟು ಶಕ್ತಿ ಸಿಗಲಿ' ನಟಿ ಅನು ಪ್ರಭಾಕರ್ ಅವರು ಮಾನ್ಯಾ ಸ್ಟೋರಿಯನ್ನು ಅವರ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಮಾನ್ಯಾ ಸಾಧನೆಯನ್ನು ಅವರು ಮೆಚ್ಚಿದ್ದಾರೆ. ಮಾನ್ಯಾ ಅವರು ಈಗ ಪತಿ, ಮಗಳ ಜೊತೆ ನ್ಯೂಯಾರ್ಕ್ನಲ್ಲಿ ನೆಲೆಸಿ, ಅಲ್ಲಿಯೇ ಉದ್ಯೋಗ ಮಾಡುತ್ತಿದ್ದಾರೆ.
ಕೊಲಂಬಿಯಾ ಯುನಿವರ್ಸಿಟಿಯಲ್ಲಿ ಮಾನ್ಯಾ ಶಿಕ್ಷಣ
'ಎಲ್ಲರಿಗೂ ಸ್ಫೂರ್ತಿ ತುಂಬುವ ಸಲುವಾಗಿ ನಾನು ಈ ಪೋಸ್ಟ್ ಹಾಕುತ್ತಿದ್ದೇನೆ. ನನ್ನ ಹತ್ತಿರ ಸಾಧ್ಯವಿದೆ ಅಂದರೆ ನಿಮ್ಮ ಹತ್ತಿರ ಸಾಧ್ಯವಿದೆ. ನಾನು ಪ್ರೌಢಾವಸ್ಥೆಗೆ ಬರುವ ವೇಳೆ ನನ್ನ ತಂದೆ ತೀರಿಕೊಂಡರು. ಕುಟುಂಬದ ಸಲುವಾಗಿ ನಾನು ಶಾಲೆ ಬಿಟ್ಟು ಕೆಲಸ ಮಾಡಲು ಆರಂಭಿಸಿದೆ. ಶಾಲೆಗೆ ಹೋಗೋದು ನನಗೆ ತುಂಬ ಇಷ್ಟವಾಗುತ್ತಿತ್ತು. ಹಸಿವು ಎನ್ನುವುದು ಏನು ಎಂದು ಗೊತ್ತಿದೆ. 41 ಸಿನಿಮಾಗಳಲ್ಲಿ ಹೀರೋಯಿನ್ ಆಗಿ ನಟಿಸಿದೆ. ಇದರಿಂದ ಬಂದ ಹಣವನ್ನು ನನ್ನ ತಾಯಿಗೆ ನೀಡಿದೆ, ಓದಲು ಶುರು ಮಾಡಿದೆ. ಕಷ್ಟಪಟ್ಟು ಓದಿ SAT ಪರೀಕ್ಷೆ ಬರೆದೆ. Ivy League ಶಿಕ್ಷಣ ಸಂಸ್ಥೆಯಲ್ಲಿ ನಾನು ಓದುತ್ತೇನೆ ಎಂದು ಕನಸು ಕೊಂಡಿರಲಿಲ್ಲ. ನ್ಯೂಯಾರ್ಕ್ನ ಕೊಲಂಬಿಯಾ ಯುನಿವರ್ಸಿಟಿಯಲ್ಲಿ ನನಗೆ ಅಡ್ಮಿಶನ್ ಸಿಕ್ಕಿತು. ಮೊದಲ ಬಾರಿಗೆ ಇಲ್ಲಿಗೆ ಹೋದಾಗ ನಾನು ಸಿಕ್ಕಾಪಟ್ಟೆ ಅತ್ತಿದ್ದೆ. ಆನಂದಭಾಷ್ಪ, ಭಯ, ಮಗುವಾಗಿ ಮತ್ತೆ ಓದುತ್ತಿದ್ದೇನೆ ಎಂಬ ಖುಷಿಯಿಂದ ಕಣ್ಣೀರು ಬಂತು' ಎಂದು ಮಾನ್ಯಾ ನಾಯ್ಡು ಸೋಶಿಯಲ್ ಮೀಡಿಯಾದಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.
ಹಠ ಬಿಡದೆ ಮಾನ್ಯಾ ಓದಿದರು!
'ಅಡ್ಮಿಶನ್ ಪಡೆದುಕೊಂಡಿದ್ದು ತುಂಬ ಸುಲಭವೇ. ಆದರೆ ಆಮೇಲೆ ಗಣಿತ-ದತ್ತಾಂಶ (4.0 GPA) ಅಭ್ಯಾಸ ಮಾಡಿ ಸ್ಕಾಲರ್ಶಿಪ್ ಪಡೆಯುವುದು ನನ್ನ ಜೀವನದ ತುಂಬ ಕಷ್ಟಕರವಾದ ಕೆಲಸವಾಗಿತ್ತು. ನನಗೆ ಆಗುತ್ತಿಲ್ಲ ಬಿಟ್ಟುಬಿಡೋಣ ಅಂತ ಅಂದುಕೊಂಡದ್ದಿದೆ. ನನಗೆ ವೈಯಕ್ತಿಕ ಹಾಗೂ ಆರೋಗ್ಯ ಸಮಸ್ಯೆಗಳಿದ್ದವು. ಆದರೆ ಹಠ ಬಿಡಲಿಲ್ಲ. ದೇವರಲ್ಲಿ ನಂಬಿಕೆ ಇಟ್ಟು ನನ್ನ ಹತ್ತಿರ ಸಾಧ್ಯವಾದ ಶ್ರಮ ಹಾಕಿದೆ. ಶಿಕ್ಷಣ ನಿಮಗೆ ಹಾರಾಡಲು ರೆಕ್ಕೆ ನೀಡುತ್ತದೆ. ಯಾರೂ ಕೂಡ ನನ್ನಲ್ಲಿರುವ ವಿದ್ಯೆಯನ್ನು ಕದಿಯಲು ಸಾಧ್ಯವಿಲ್ಲ. ನೀವು ಹೆಚ್ಚೆಚ್ಚು ಜ್ಞಾನ ಸಂಪಾದನೆ ಮಾಡುತ್ತ ಹೋದಮೇಲೆ ನೀವು ಈ ಜಗತ್ತಿನಲ್ಲಿ ಎಷ್ಟು ಚಿಕ್ಕವರು ಎಂದು ಅರಿವಾಗಿ ವಿಧೇಯರಾಗುತ್ತೀರಿ. ನಾವೆಲ್ಲರೂ ಅನನ್ಯವಾಗಿ ಜನಿಸಿದ್ದೇವೆ, ನೀವು ಕೂಡ ವಿಶೇಷ ವ್ಯಕ್ತಿಗಳೇ' ಎಂದು ನಟಿ ಮಾನ್ಯಾ ಅವರು ಸೋಶಿಯಲ್ ಮೀಡಿಯಾದಲ್ಲಿ ಅವರ ಅನುಭವವನ್ನು ಹಂಚಿಕೊಂಡಿದ್ದಾರೆ.
Also Read-ಅವಕಾಶಗಳಿದ್ದ ಟೈಮ್ನಲ್ಲೇ ಸಿನಿಮಾದಿಂದ ದೂರವಾದ ದರ್ಶನ್, ಶ್ರೀಮುರಳಿ ನಾಯಕಿ ಮಾನ್ಯಾ: ಮದುವೆ ಮುಳುವಾಯ್ತಾ?
ಮಾನ್ಯಾರನ್ನು ಹೊಗಳಿದ ಅನು ಪ್ರಭಾಕರ್
'ನನ್ನ ಸ್ನೇಹಿತೆಯ ಅದ್ಭುತ ಕಥೆ ಕೇಳಿ. 'ವರ್ಷ' ಚಿತ್ರದಲ್ಲಿ ನಾವಿಬ್ಬರೂ ಒಟ್ಟಾಗಿ ನಟಿಸಿದ್ದೆವು, ಸ್ನೇಹಿತೆಯರಾದೆವು. ಯಶಸ್ವಿ ನಟಿಯಿಂದ ಯಶಸ್ವಿ ಹುದ್ದೆಗೇರುವುದು (VP in CREDIT SUISSE) ಸಣ್ಣ ಮಾತಲ್ಲ. ಅಸಾಧ್ಯವಾದುದನ್ನು ಅವರು ಸಾಧ್ಯವಾಗುವಂತೆ ಮಾಡಿದ್ದಾರೆ. ಅವರ ಬುದ್ಧಿವಂತಿಕೆಯನ್ನು ಖಂಡಿಸುವ ವ್ಯಕ್ತಿಯಿಂದ ಮಾನ್ಯಾ ಓದಲು ಆರಂಭಿಸಿದರು, ಇದೇ ಅವರಿಗೆ ಪ್ರೇರೇಪಣೆಯಾಯಿತು ಅಂತ ನನಗೆ ಈ ಹಿಂದೆ ಮಾನ್ಯಾ ಹೇಳಿದ್ದರು. ಇದನ್ನು ಅವರು ನಿರೂಪಿಸಿದ್ದಾರೆ. ನಟಿಯರು ಕೇವಲ ಸೌಂದರ್ಯಕ್ಕೊಂದೇ ಅಲ್ಲ, ಬುದ್ಧಿವಂತಿಕೆಗೂ ಸೈ. ನಿಮಗೆ ಇನ್ನಷ್ಟು ಶಕ್ತಿ ಸಿಗಲಿ' ನಟಿ ಅನು ಪ್ರಭಾಕರ್ ಅವರು ಮಾನ್ಯಾ ಸ್ಟೋರಿಯನ್ನು ಅವರ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಮಾನ್ಯಾ ಸಾಧನೆಯನ್ನು ಅವರು ಮೆಚ್ಚಿದ್ದಾರೆ. ಮಾನ್ಯಾ ಅವರು ಈಗ ಪತಿ, ಮಗಳ ಜೊತೆ ನ್ಯೂಯಾರ್ಕ್ನಲ್ಲಿ ನೆಲೆಸಿ, ಅಲ್ಲಿಯೇ ಉದ್ಯೋಗ ಮಾಡುತ್ತಿದ್ದಾರೆ.