ಸಂಕ್ರಾಂತಿ ಹಬ್ಬಕ್ಕೆ ರಾಬರ್ಟ್‌ ಪೋಸ್ಟರ್‌ ಜೊತೆಗೆ ಹೊಸ ಸುದ್ದಿ ಕೊಟ್ಟ ದರ್ಶನ್ ಚಿತ್ರದ ನಾಯಕಿ ಆಶಾ ಭಟ್

ದರ್ಶನ್ ಅಭಿನಯದ 'ರಾಬರ್ಟ್' ಸಿನಿಮಾದ ಪೋಸ್ಟರ್‌ ಈಗಾಗಲೇ ಅಭಿಮಾನಿಗಳಲ್ಲಿ ಸಾಕಷ್ಟು ಕುತೂಹಲವನ್ನುಂಟು ಮಾಡಿದೆ. ಅಷ್ಟೇ ಅಲ್ಲದೆ ಸಂಕ್ರಾಂತಿ ಹಬ್ಬಕ್ಕೆ ಇನ್ನೊಂದು ಪೋಸ್ಟರ್ ಬಿಡುವುದಾಗಿ ಚಿತ್ರತಂಡ ಹೇಳಿದೆ. ಹೀಗಾಗಿ 'ರಾಬರ್ಟ್'ನನ್ನು ನೋಡಲು ಅಭಿಮಾನಿಗಳು ಕಾತುರರಾಗಿದ್ದಾರೆ.

'ರಾಬರ್ಟ್‌' ಡಬ್ಬಿಂಗ್ ಶುರು ಮಾಡಿದ ಆಶಾ ಭಟ್
ನಾಯಕಿ ಆಶಾ ಭಟ್ 'ರಾಬರ್ಟ್‌' ಚಿತ್ರದ ಡಬ್ಬಿಂಗ್‌ನಲ್ಲಿ ಈಗಾಗಲೇ ಪಾಲ್ಗೊಂಡಿದ್ದಾರೆ. ಈ ಬಗ್ಗೆ ಶಿವಮೊಗ್ಗದ ಬೆಡಗಿ ಸೋಶಿಯಲ್ ಮೀಡಿಯಾದಲ್ಲಿ "ನೀವು ತುಂಬ ನಂಬುವ ಧ್ವನಿ ನಿಮ್ಮದೇ ಆಗಿರುತ್ತದೆ" ಎಂದು ಬರೆದುಕೊಂಡಿದ್ದಾರೆ. ಹೀಗಾಗಿ ಸಿನಿಮಾ ಕೂಡ ಬೇಗ ತೆರೆ ಮೇಲೆ ಬರುವ ಸಾಧ್ಯತೆಯಿದೆ. ಆಶಾಗೆ ಇದು ಎರಡನೇ ಸಿನಿಮಾ. ಆಶಾ ಮೊದಲ ಸಿನಿಮಾ ಹಿಂದಿ ಭಾಷೆಯ 'ಜಂಗ್ಲಿ'. ಇದಕ್ಕೆ ಅಮೆರಿಕನ್ ನಿರ್ಮಾಪಕ ಚುಕ್ ರುಸ್ಸೆಲ್ ನಿರ್ದೇಶನ ಮಾಡಿದ್ದರು. ವಿದ್ಯುತ್ ಜಮ್ವಾಲ್ ಈ ಚಿತ್ರದ ಹೀರೋ ಆಗಿದ್ದರು. 2019ರಲ್ಲಿ ತೆರೆ ಕಂಡ ಈ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಹೇಳುವಷ್ಟು ಕಮಾಲ್ ಮಾಡಿರಲಿಲ್ಲ.

'ರಾಬರ್ಟ್' ಅಡ್ಡಾದಿಂದ ಹೊರಬಿತ್ತು 'ಸ್ವಿಡ್ಜರ್‌ಲ್ಯಾಂಡ್' ಸುದ್ದಿ
ದರ್ಶನ್ 'ರಾಬರ್ಟ್‌'ಗೆ ಸಿಕ್ಕಳು ಶಿವಮೊಗ್ಗದ ಚೆಲುವೆ'

2014ರ 'ಮಿಸ್ ಸೂಪರ್ ನ್ಯಾಶನಲ್' ಆಶಾ ಭಟ್
2014ರ 'ಮಿಸ್ ಸೂಪರ್ ನ್ಯಾಶನಲ್' ಪಟ್ಟವನ್ನು ಆಶಾ ಭಟ್ ಮುಡಿಗೇರಿಸಿಕೊಂಡಿದ್ದಾರೆ. ಹಲವಾರು ಬ್ಯೂಟಿ ಕಂಟೆಸ್ಟ್‌ಗಳಲ್ಲಿ ಭಾಗವಹಿಸಿ, ಆಶಾ ಪ್ರಶಸ್ತಿಗಳನ್ನು ಪಡೆದುಕೊಂಡಿದ್ದಾರೆ. ಆಶಾ ಭಟ್ ಸ್ವಂತ ಎನ್‌ಜಿಒ ಹೊಂದಿದ್ದು ಇದರ ಮೂಲಕ ಸಾಮಾಜಿಕ ಕೆಲಸಗಳನ್ನು ಮಾಡುತ್ತಿರುತ್ತಾರೆ. ಹಿಂದಿ ಸಿನಿಮಾ ಮೂಲಕ ತಮ್ಮ ಸಿನೆಮಾ ಜೀವನ ಶುರು ಮಾಡಿದ ಆಶಾ ಭಟ್, ಈಗ ಕನ್ನಡದಲ್ಲಿ ತಮ್ಮ ಚೊಚ್ಚಲ ಸಿನೆಮಾವನ್ನು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಜೊತೆಗೆ ಮಾಡುತ್ತಿದ್ದಾರೆ. ಆಶಾ ಭಟ್ ಬಹುಮುಖ ಪ್ರತಿಭೆ. ಹಾಡುವ, ನೃತ್ಯ ಮಾಡುವ ಆಶಾ ಈ ಚಿತ್ರಕ್ಕಾಗಿ ಜಿಮ್‌ನಲ್ಲಿ ಸಾಕಷ್ಟು ವರ್ಕೌಟ್ ಮಾಡಿದ್ದಾರೆ.