ಕ್ರಿಸ್‌ಮಸ್‌ ಹಬ್ಬದ ಪ್ರಯುಕ್ತ 'ಡಿ ಬಾಸ್‌' ಅಭಿಮಾನಿಗಳಿಗೆ 'ರಾಬರ್ಟ್‌' ಕಡೆಯಿಂದ ಭರ್ಜರಿ ಗಿಫ್ಟ್!

ನಟ ದರ್ಶನ್ ಅಭಿಮಾನಿಗಳಿಗೆ ಸಂತಸದ ಸುದ್ದಿಯೊಂದು ಸಿಕ್ಕಿದೆ. ಬಹಳ ಕಾತರದಿಂದ ಕಾಯುತ್ತಿರುವ ದರ್ಶನ್ ಅಭಿನಯದ 'ರಾಬರ್ಟ್' ಚಿತ್ರತಂಡದಿಂದ ಮಹತ್ವದ ಪ್ರಕಟಣೆಯೊಂದು ಹೊರಬಿದ್ದಿದೆ. ಅಷ್ಟಕ್ಕೂ ಏನದು ಮಹತ್ವ ಸುದ್ದಿ? ಇಲ್ಲಿದೆ ಪೂರ್ಣ ಮಾಹಿತಿ.

ಕ್ರಿಸ್‌ಮಸ್‌ಗೆ ಫಸ್ಟ್‌ಲುಕ್‌
ಇದುವರೆಗೂ ಬರೀ ಎರಡೇ ಪೋಸ್ಟರ್‌ಗಳಷ್ಟೇ 'ರಾಬರ್ಟ್' ಚಿತ್ರತಂಡದಿಂದ ಹೊರಬಂದಿರುವುದು. ವಿನೋದ್ ಪ್ರಭಾಕರ್ ಜೊತೆಗಿನ ದರ್ಶನ್‌ ಅವರ ಲುಕ್‌ವೊಂದು ವೈರಲ್ ಆಗಿದ್ದು ಬಿಟ್ಟರೆ, ಬೇರೇನು ಮಾಹಿತಿ ಚಿತ್ರತಂಡದಿಂದ ಸಿಕ್ಕಿಲ್ಲ. ಇದೀಗ ಕ್ರಿಸ್‌ಮಸ್‌ ಹಬ್ಬಕ್ಕೆ ಫಸ್ಟ್‌ಲುಕ್ ಬರಲಿದೆ. 'ನೀವೆಲ್ಲರೂ ಕಾತುರದಿಂದ ಕಾಯುತ್ತಿರುವ 'ರಾಬರ್ಟ್' ಚಿತ್ರದ ಫಸ್ಟ್‌ಲುಕ್ ಪೋಸ್ಟರ್ ಅನ್ನು ಕ್ರಿಸ್‌ಮಸ್ ಹಬ್ಬದಂದು (ಡಿಸೆಂಬರ್ 25) ಬಿಡುಗಡೆ ಮಾಡಲಿದ್ದೇವೆ. ನಿಮ್ಮ ಪ್ರೀತಿ-ಪ್ರೋತ್ಸಾಹ ಸದಾ ಹೀಗೆ ಇರಲಿ' ಎಂದು ಚಿತ್ರದ ನಿರ್ದೇಶಕ ತರುಣ್ ಸುಧೀರ್ ಟ್ವೀಟ್‌ ಮಾಡಿದ್ದಾರೆ.

ವಾರಾಣಾಸಿಯಲ್ಲಿರುವ 'ರಾಬರ್ಟ್‌' ಬಳಗ
ಸದ್ಯ ಚಿತ್ರದ ಮಹತ್ವದ ದೃಶ್ಯಗಳ ಸಲುವಾಗಿ ಚಿತ್ರತಂಡ ವಾರಾಣಾಸಿಯಲ್ಲಿ ಬೀಡುಬಿಟ್ಟಿದೆ. ಇನ್ನೊಂದು ಹದಿನೈದು ದಿನ ಶೂಟಿಂಗ್ ಮುಗಿದರೆ ಸಿನಿಮಾ ಚಿತ್ರೀಕರ ಕಂಪ್ಲೀಟ್ ಆಗಲಿದೆ. ಆದಾದ ಮೇಲೆ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ಶುರುವಾಗಲಿದ್ದು, 2020ರ ಬೇಸಿಗೆಯಲ್ಲಿ ಸಿನಿಮಾ ತೆರೆಕಾಣುವ ನಿರೀಕ್ಷೆ ಇದೆ.

'ಹೆಬ್ಬುಲಿ' ಖ್ಯಾತಿಯ ನಿರ್ಮಾಪಕ ಉಮಾಪತಿ ಶ್ರೀನಿವಾಸ್‌ ಈ ಸಿನಿಮಾಕ್ಕೆ ಬಂಡವಾಳ ಹೂಡಿದ್ದು, ಸುಧಾಕರ್ ಎಸ್‌. ರಾಜ್‌ ಛಾಯಾಗ್ರಹಣ ಮಾಡುತ್ತಿದ್ದಾರೆ. ಅರ್ಜುನ್‌ ಜನ್ಯ ಸಂಗೀತ ಸಂಯೋಜನೆ ಮಾಡಲಿದ್ದಾರೆ. ವಿನೋದ್ ಪ್ರಭಾಕರ್ ಮಹತ್ವದ ಪಾತ್ರ ಮಾಡುತ್ತಿದ್ದರೆ, ಬಹುಭಾಷಾ ನಟ ಜಗಪತಿ ಬಾಬು ಈ ಸಿನಿಮಾದಲ್ಲಿದ್ದಾರೆ. ಭದ್ರಾವತಿ ಬೆಡಗಿ ಆಶಾ ಭಟ್ ಈ ಚಿತ್ರದ ನಾಯಕಿ.

'ರಾಬರ್ಟ್' ಅಡ್ಡಾದಿಂದ ಹೊರಬಿತ್ತು 'ಸ್ವಿಡ್ಜರ್‌ಲ್ಯಾಂಡ್' ಸುದ್ದಿ