ದರ್ಶನ್ ನಟನೆಯ 'ರಾಬರ್ಟ್‌' ಸಿನಿಮಾಕ್ಕೆ ಕೊನೆಗೂ ಮ್ಯೂಸಿಕ್ ಡೈರೆಕ್ಟರ್ ಫಿಕ್ಸ್ ಆದ್ರು!

'ಚಾಲೆಂಜಿಂಗ್ ಸ್ಟಾರ್' ದರ್ಶನ್ ಅಭಿನಯದ 'ರಾಬರ್ಟ್' ಚಿತ್ತವು ಶೂಟಿಂಗ್ ಆರಂಭವಾದ ದಿನದಿಂದಲೂ ಸಖತ್ ಸುದ್ದಿಯಲ್ಲಿದೆ. ಚಿತ್ರದ ಕುರಿತು ನಿರ್ದೇಶಕ ತರುಣ್ ಸುಧೀರ್ ಒಂದಾದ ಮೇಲೊಂದು ಅಚ್ಚರಿ ಸಂಗತಿಗಳನ್ನು ನೀಡುತ್ತಿದ್ದಾರೆ. ಈಗ 'ರಾಬರ್ಟ್‌' ಕುರಿತು ದೊಡ್ಡ ನ್ಯೂಸ್ ಅನ್ನೇ ನೀಡಿದ್ದಾರೆ. ಚಿತ್ರದ ಸಂಗೀತ ನಿರ್ದೇಶಕರ ಹೆಸರನ್ನು ಬಹಿರಂಗಗೊಳಿಸಿದ್ದಾರೆ.
ರಾಬರ್ಟ್ ಸಿನಿಮಾದ ಹಾಡುಗಳಿಗೆ ಬಂತು ಭರ್ಜರಿ ಬೇಡಿಕೆ! ಖರೀದಿ ಮೊತ್ತ ಎಷ್ಟು?

ಸಾಮಾನ್ಯವಾಗಿ ದರ್ಶನ್ ಸಿನಿಮಾಗಳಿಗೆ ವಿ. ಹರಿಕೃಷ್ಣ ಸಂಗೀತ ನಿರ್ದೇಶನ ಮಾಡುತ್ತಾರೆ. ಅವರು 25ಕ್ಕೂ ಅಧಿಕ ಸಿನಿಮಾಗಳಿಗೆ ಅವರದ್ದೇ ರಾಗ ಸಂಯೋಜನೆ ಇದೆ. ಆದರೆ, 'ರಾಬರ್ಟ್‌' ವಿಚಾರದಲ್ಲಿ ಕೊಂಚ ಬದಲಾವಣೆ ಆಗಿದೆ. ದರ್ಶನ್ ಸಿನಿಮಾಗೆ ಮತ್ತೊಮ್ಮೆ ಸಂಗೀತ ನೀಡುವ ಅವಕಾಶವನ್ನು ಅರ್ಜುನ್ ಜನ್ಯ ಪಡೆದುಕೊಂಡಿದ್ದಾರೆ. ಈ ಹಿಂದೆ 'ಚಾಲೆಂಜಿಂಗ್ ಸ್ಟಾರ್' ನಟಿಸಿದ್ದ 'ಚಕ್ರವರ್ತಿ', 'ತಾರಕ್', 'ಒಡೆಯ' ಸಿನಿಮಾಗಳಿಗೆ ಅರ್ಜುನ್ ಅವರದ್ದೇ ಸಂಗೀತವಿತ್ತು. ಈಗ ಬಹುನಿರೀಕ್ಷಿತ 'ರಾಬರ್ಟ್'ಗೂ ಅವರು ಕೈಜೋಡಿಸಿದ್ದಾರೆ.
'ರಾಬರ್ಟ್' ಅಡ್ಡಾದಿಂದ ಹೊರಬಿತ್ತು 'ಸ್ವಿಡ್ಜರ್‌ಲ್ಯಾಂಡ್' ಸುದ್ದಿ
ಅಂದಹಾಗೆ, ನಿರ್ದೇಶಕ ತರುಣ್ ಹಾಗೂ ಅರ್ಜುನ್ ಜನ್ಯ ಜೋಡಿಯೂ ಅನೇಕ ಹಿಟ್‌ ಗೀತೆಗಳಿಗೆ ಕೆಲಸ ಮಾಡಿದೆ. ತರುಣ್ ಮುಖ್ಯವಾಗಿ ಕೆಲಸ ಮಾಡಿದ್ದ 'ರ್ಯಾಂಬೋ', 'ವಿಕ್ಟರಿ', 'ಅಧ್ಯಕ್ಷ', 'ರ್ಯಾಂಬೋ 2','ವಿಕ್ಟರಿ 2' ಸಿನಿಮಾಗಳಿಗೆ ಹಿಟ್‌ ಹಾಡುಗಳನ್ನು ನೀಡಿದ್ದರು ಅರ್ಜುನ್. ಅಲ್ಲದೆ, ತರುಣ್ ಚೊಚ್ಚಲ ಬಾರಿಗೆ ನಿರ್ದೇಶನ ಮಾಡಿದ್ದ 'ಚೌಕ' ಚಿತ್ರದಲ್ಲಿ 'ಅಪ್ಪ ಐ ಲವ್ ಯು ಪಾ..' ಹಾಡಿಗೆ ಸಂಗೀತ ನೀಡಿದ್ದರು. ಇದೀಗ 'ರಾಬರ್ಟ್' ಅಂಗಳಕ್ಕೂ ಎಂಟ್ರಿ ನೀಡಿದ್ದಾರೆ.
ದರ್ಶನ್‌ 'ರಾಬರ್ಟ್' ಸೆಟ್‌ನಲ್ಲಿ ಒಟ್ಟಿಗೆ ಕಾಣಿಸಿಕೊಂಡ ನಾಲ್ಕು ಮಂದಿ ನಿರ್ದೇಶಕರು

ಇನ್ನು, ಈ ಚಿತ್ರದ ನಾಯಕಿಯಾಗಿ ಭದ್ರಾವತಿ ಮೂಲಕ ಆಶಾ ಭಟ್‌ ನಟಿಸುತ್ತಿದ್ದು, ಜಗಪತಿ ಬಾಬು ಪೋಷಕ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. 'ಹೆಬ್ಬುಲಿ'ಗೆ ಬಂಡವಾಳ ಹೂಡಿದ್ದ ಉಮಾ ಪತಿ ಶ್ರೀನಿವಾಸ್‌ಗೆ 'ರಾಬರ್ಟ್‌'ಗೆ ಹಣ ಹಾಕಿದ್ದಾರೆ.