ಮಾನ್ವಿತಾ-ಧೀರೇನ್ ರೊಮ್ಯಾಂಟಿಕ್‌ ಲುಕ್‌
ಧೀರೇನ್‌ಗೆ ನಾಯಕಿಯಾಗಿ ನಟಿ ಮಾನ್ವಿತಾ ಕಾಮತ್ ಕಾಣಿಸಿಕೊಂಡಿದ್ದಾರೆ. ಉಯ್ಯಾಲೆ ಮೇಲೆ ಮಗಲಿರುವ ಮಾನ್ವಿತಾಗೆ ಧೀರೇನ್ ಕಿಸ್ ಮಾಡುತ್ತಿರುವ ಫೋಸ್ಟರ್ ಈಗ ರಿಲೀಸ್ ಆಗಿದ್ದು, ಸಖತ್ ಸದ್ದು ಮಾಡುತ್ತಿದೆ. ಚಿತ್ರದಲ್ಲಿ ನಾಯಕನ ಪಾತ್ರ ರಗಡ್ ಆಗಿದೆ ಎಂಬುದು ಈ ಹಿಂದಿನ ಪೋಸ್ಟರ್‌ಗಳ ಮೂಲಕ ಗೊತ್ತಾಗಿತ್ತು. ಈಗ ರಿಲೀಸ್ ಆಗಿರುವ ಈ ಪೋಸ್ಟರ್‌ನಿಂದ 'ಶಿವ 143' ಸಖತ್ ರೊಮ್ಯಾಂಟಿಕ್‌ ಆಗಿಯೂ ಇರಲಿದೆ ಎಂಬುದನ್ನು ಬಹಿರಂಗಪಡಿಸಿದೆ.
ಮಾನ್ವಿತಾ ಬೋಲ್ಡ್ ಲುಕ್‌
ನಟಿ ಮಾನ್ವಿತಾ ಇದುವರೆಗೂ ಒಂದಕ್ಕಿಂತ ಒಂದು ಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಂಡು ಪ್ರೇಕ್ಷಕರನ್ನು ರಂಜಿಸಿದ್ದರು. 'ಕೆಂಡಸಂಪಿಗೆ', 'ಟಗರು', 'ಕನಕ', 'ಇಂಡಿಯಾ ವರ್ಸಸ್‌ ಇಂಗ್ಲೆಂಡ್' ಮುಂತಾದ ಸಿನಿಮಾಗಳಲ್ಲಿ ಅವರು ಬಣ್ಣ ಹಚ್ಚಿದ್ದಾರೆ. ಆದರೆ, ಈ ಬಾರಿ 'ಶಿವ 143' ಮೂಲಕ ಸಖತ್ ಬೋಲ್ಡ್ ಆಗಿರುವ ಪಾತ್ರ ಮಾಡಿದ್ದಾರೆ ಎನ್ನಬಹುದು. ಸದ್ಯ ಈಗ ಪೋಸ್ಟರ್ ಮಾತ್ರ ರಿಲೀಸ್ ಆಗಿದ್ದು, ಸಿನಿಮಾ ಯಾವಾಗ ರಿಲೀಸ್ ಆಗಲಿದೆ ಎಂಬ ಬಗ್ಗೆ ಮಾಹಿತಿ ಹೊರಬಿದ್ದಿಲ್ಲ.
Photos:'ಟಗರು ಪುಟ್ಟಿ' ಮಾನ್ವಿತಾ ಕಾಮತ್ ಹೊಸ ಫೋಟೋಶೂಟ್‌!
ಅನಿಲ್ ನಿರ್ದೇಶನದ ಸಿನಿಮಾ
'ಶಿವ 143'ಗೆ ಅನಿಲ್‌ಕುಮಾರ್ ನಿರ್ದೇಶನ ಮಾಡಿದ್ದಾರೆ. ಈ ಹಿಂದೆ 'ರ‍್ಯಾಂಬೋ 2' ಸೇರಿದಂತೆ ಸಾಕಷ್ಟು ಸಿನಿಮಾಗಳಿಗೆ ನಿರ್ದೇಶನ ಮಾಡಿರುವ ಅನುಭವ ಅನಿಲ್‌ಗೆ ಇದೆ. ಚರಣ್ ರಾಜ್, ಚಿಕ್ಕಣ್ಣ, ಸಾಧು ಕೋಕಿಲ, ಅವಿನಾಶ್‌ ಮುಂತಾದವರು ನಟಿಸಿದ್ದಾರೆ. ಆರಂಭದಲ್ಲಿ 'ದಾರಿ ತಪ್ಪಿದ ಮಗ' ಎಂದು ಶೀರ್ಷಿಕೆ ಇಡಲಾಗಿತ್ತು. ಅದು ಡಾ. ರಾಜ್‌ಕುಮಾರ್ ಅವರ ಯಶಸ್ವಿ ಚಿತ್ರದ ಶೀರ್ಷಿಕೆಯಾಗಿತ್ತು. ಆನಂತರ ಧೀರೇನ್ ಸಿನಿಮಾದ ಟೈಟಲ್‌ ಅನ್ನು 'ಶಿವ 143' ಎಂದು ಬದಲಾಯಿಸಲಾಗಿದೆ.
ಅಣ್ಣಾವ್ರ ಕುಟುಂಬದ ಮತ್ತೊಂದು ಕುಡಿ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ! ಇಲ್ಲಿದೆ ಫುಲ್‌ ಡಿಟೈಲ್ಸ್‌