"ನನ್ನ ಮದುವೆಯಲ್ಲಿ ಅಭಿಮಾನಿ ದೇವರುಗಳೇ ವಿಐಪಿ" ಎಂದ ಧ್ರುವ ಸರ್ಜಾ; ಧ್ರುವ ಮದುವೆ ಹೇಗಿರಲಿದೆ ಗೊತ್ತಾ?

ನಟ ಧ್ರುವ ಸರ್ಜಾ ಕೆಲ ತಿಂಗಳುಗಳ ಹಿಂದೆಯೇ ಪ್ರೇರಣಾ ಶಂಕರ್ ಜೊತೆ ಎಂಗೇಜ್‌ಮೆಂಟ್ ಮಾಡಿಕೊಂಡಿದ್ದರು. ನವೆಂಬರ್ 24ರಂದು ಅವರ ಮದುವೆ ನಡೆಯಲಿದ್ದು, ಈ ನಿಮಿತ್ತ ಅವರು ಸುದ್ದಿಗೋಷ್ಠಿ ಕರೆದು ಮದುವೆ ಹೇಗಿರಲಿದೆ, ಯಾರು ಯಾರು ಬರಲಿದ್ದಾರೆ ಎಂಬ ಬಗ್ಗೆ ಮಾಹಿತಿ ನೀಡಿದ್ದಾರೆ.

ಅಭಿಮಾನಿಗಳಿಗಾಗಿ ಔತಣಕೂಟ
"ನಮ್ಮ ಕುಟುಂಬದಲ್ಲಿ ಮತ್ತೊಂದು ಮದುವೆ ಸಂಭ್ರಮ ಇದೆ. ಇದೇ ನವೆಂಬರ್ 24ಕ್ಕೆ. ಧ್ರುವ ಸರ್ಜಾ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ನೀವೆಲ್ಲರೂ ಅವರ ಮದುವೆಗೆ ಬಂದು ಹಾರೈಸಬೇಕು, ಆಶೀರ್ವದಿಸಬೇಕು. ಧ್ರುವ ಸರ್ಜಾ ಅವರು ಅಭಿಮಾನಿಗಳನ್ನು ತುಂಬ ಪ್ರೀತಿಸುತ್ತಾರೆ, ಅವರಿಗೆ ಅಭಿಮಾನಿಗಳು ಅಂದ್ರೆ ಪ್ರಾಣ. ಅದ್ದೂರಿ, ಬಹದ್ದೂರ್, ಭರ್ಜರಿ ಸಿನಿಮಾಕ್ಕೆ ದೊಡ್ಡ ಯಶಸ್ಸು ಸಿಕ್ಕಿದೆ. ಇದಕ್ಕೆಲ್ಲ ಕಾರಣ ಡಾ.ರಾಜ್‌ಕುಮಾರ್ ಹೇಳಿದಂತೆ ಅಭಿಮಾನಿ ದೇವರುಗಳು. ಹೀಗಾಗಿ ಅದೇ ಛತ್ರದಲ್ಲಿ ನವೆಂಬರ್ 25ಕ್ಕೆ ಅಭಿಮಾನಿಗಳಿಗೆ ಔತಣಕೂಟವಿದೆ. ಅದು ಕೇವಲ ಅಭಿಮಾನಿಗಳಿಗೆ ಮಾತ್ರ. ಅಂದು ಅಭಿಮಾನಿಗಳು ಅವರ ಪ್ರೀತಿಯ ಹೀರೋ ಧ್ರುವ ಅವರ ಜೊತೆ ಖುಷಿಯಿಂದ ಕಾಲ ಕಳೆದು, ಊಟ ಮಾಡಿಕೊಂಡು ಹೋಗಬೇಕು. ಗೊತ್ತೋ ಗೊತ್ತಿಲ್ಲದೆ ಯಾರಿಗಾದರೂ ನಮ್ಮಿಂದ ಬೇಸರ ಆಗಿದ್ದರೆ ಕ್ಷಮಿಸಿ" ಎಂದಿದ್ದಾರೆ ಅರ್ಜುನ್ ಸರ್ಜಾ.
ಧ್ರುವ ಸರ್ಜಾ ಇಷ್ಟೊಂದು 'ಪೊಗರು' ತೋರಿಸೋಕೆ ಇವರೇ ಕಾರಣ!!!

ಧ್ರುವ ಸರ್ಜಾ ಹೇಳಿದ್ದೇನು?
"ನನ್ನ ಮದುವೆಗೆ ಬಂದು ಆಶೀರ್ವಾದ ಮಾಡಿ, ಹೊಟ್ಟೆತುಂಬ ಊಟ ಮಾಡಿಕೊಂಡು ಹೋಗಿ.ಅಭಿಮಾನಿ ದೇವರುಗಳೇ ವಿಐಪಿ. ನಿಶ್ಚಿತಾರ್ಥ, ಮದುವೆ ಆಹ್ವಾನ ಪತ್ರಿಕೆಯಲ್ಲಿ ಬ್ರಹ್ಮಚಾರಿ ಆಂಜನೇಯ ಇದ್ದಾರೆ, ಯಾಕೆ ಅಂತ ಹಲವರು ಪ್ರಶ್ನೆ ಮಾಡಿದ್ದರು. ಮದುವೆಯಲ್ಲೂ ಕೂಡ ಆಂಜನೇಯ ಇದ್ದೇ ಇರುತ್ತಾರೆ. ಅದು ನಮ್ಮ ನಂಬಿಕೆ, ಬಿಡೋಕೆ ಆಗಲ್ಲ. ಮದುವೆಯ ಥೀಮ್, ಕಾಸ್ಟ್ಯೂಮ್ ವಿಭಿನ್ನವಾಗಿ ಇರುತ್ತದೆ. ಅದನ್ನು ನೀವು ಮದುವೆ ದಿನವೇ ನೋಡಿ. ನವೆಂಬರ್ 25ರನಂತರ 'ಪೊಗರು' ಸಿನಿಮಾ ಶೂಟಿಂಗ್ ಇದೆ, ಪಾಲ್ಗೊಳ್ಳಬೇಕು" ಎಂದಿದ್ದಾರೆ ನಟ ಧ್ರುವ ಸರ್ಜಾ.
ನಟೋರಿಯಸ್ ಆಗಿದೆ 'ಪೊಗರು' ಚಿತ್ರದ ಪೋಸ್ಟರ್

ಧ್ರುವ ಸರ್ಜಾ ಮದುವೆ ನಡೆಯೋದು ಎಲ್ಲಿ?
ಅರ್ಜುನ್ ಸರ್ಜಾ ಬಹುಭಾಷಾ ನಟ. ಹೀಗಾಗಿ ಅವರು ಬೇರೆ ಭಾಷೆಯ ಕಲಾವಿದರಿಗೂ ಆಹ್ವಾನ ನೀಡಿದ್ದಾರಂತೆ. ಹೀಗಾಗಿ ಅವರೆಲ್ಲ ಬರುವ ಸಾಧ್ಯತೆ ಇದೆ. 24ನೇ ತಾರೀಖು ಭಾನುವಾರ ಬೆಳಿಗ್ಗೆ 7.15ರಿಂದ 7.45ರವರೆಗೆ ಸಲ್ಲುವ ಶುಭ ವೃಶ್ಚಿಕ ಲಗ್ನದಲ್ಲಿ ಧ್ರುವ ಸರ್ಜಾ ಮತ್ತು ಪ್ರೇರಣಾ ಶಂಕರ್ ಮದುವೆ ನಡೆಯಲಿದೆ. ಜೆಪಿ ನಗರದಲ್ಲಿ ಇರುವ 'ಸಂಸ್ಕೃತಿ ಬೃಂದಾವನ ಕನ್ವೆನ್‌ಷನ್ ಹಾಲ್‌'ನಲ್ಲಿ ಇವರಿಬ್ಬರ ಮದುವೆ ಕಾರ್ಯ ನಡೆಯಲಿದೆ. ಸಂಜೆ 7.30ಕ್ಕೆ ಆರತಕ್ಷತೆ ಕಾರ್ಯಕ್ರಮ ನಡೆಯಲಿದೆ.
ಧ್ರುವ ಸರ್ಜಾಗೆ ಚಾಮಯ್ಯ ಮೇಷ್ಟ್ರಾದ ರಾಘವೇಂದ್ರ ರಾಜ್ ಕುಮಾರ್!