ಹೊಸ ಕಾರ್ ಖರೀದಿಸಿದ ಧ್ರುವ ಸರ್ಜಾ
ಮುಖ್ಯವಾಗಿ ಇಂದು ಹನುಮಜಯಂತಿ. ಹೀಗಾಗಿ ಇದೇ ಸಂದರ್ಭದಲ್ಲಿ ಪೋಶೆ ಕಾರ್‌ನ್ನು ಧ್ರುವ ಖರೀದಿಸಿದ್ದಾರೆ. ಈ ಕಾರಿಗೆ ಸರಿಸುಮಾರು 80 ಲಕ್ಷ ರೂಪಾಯಿ ಮಾರುಕಟ್ಟೆ ಮೌಲ್ಯವಿದೆ. ನವೆಂಬರ್ 24ರಂದು ಧ್ರುವ ಮತ್ತು ಪ್ರೇರಣಾ ವಿವಾಹ ಬೆಂಗಳೂರಿನ ಸಂಸ್ಕೃತಿ ಬೃಂದಾವನ ಕನ್ವೆನ್ಶನ್ ಹಾಲ್‌ನಲ್ಲಿ ನೆರವೇರಿತ್ತು. ಈ ಮದುವೆಗೆ ಸ್ಯಾಂಡಲ್‌ವುಡ್ ಕಲಾವಿದರು, ಬಂಧುಮಿತ್ರರು ಅಪಾರ ಪ್ರಮಾಣದಲ್ಲಿ ಧ್ರುವ ಅಭಿಮಾನಿಗಳು ಆಗಮಿಸಿ ನವಜೋಡಿಗೆ ಶುಭ ಕೋರಿದ್ದರು.
Twitter-ಒಂದೇ ದಿನ ಹಲವು ವಿಶೇಷತೆಗಳಿದ್ದಾಗ ನಿಮ್ಮೊಡನೆ ಹಂಚಿಕೊಳ್ಳೋ...
ಧ್ರುವ ಮದುವೆಯಲ್ಲಿ ಅಭಿಮಾನಿಗಳಿಗೆಂದೇ ಔತಣಕೂಟ
ಧ್ರುವ ಮದುವೆಗೆ ನವೆಂಬರ್ 25ಕ್ಕೆ ಅಭಿಮಾನಿಗಳಿಗೆಂದೇ ಔತಣಕೂಟ ಏರ್ಪಡಿಸಲಾಗಿತ್ತು. ಅಂದು ಕೇವಲ ಅಭಿಮಾನಿಗಳಿಗೆ ಮಾತ್ರ ಕರೆಯಲಾಗಿತ್ತು. ಅಂದು ಅಭಿಮಾನಿಗಳು ಅವರ ಪ್ರೀತಿಯ ಹೀರೋ ಧ್ರುವ ಅವರ ಜೊತೆ ಖುಷಿಯಿಂದ ಕಾಲ ಕಳೆದು, ಊಟ ಮಾಡಿಕೊಂಡು ಹೋಗಿದ್ದರು.
Twitter-ಜೈ ಆಂಜನೇಯ 😊🙏 https://t.co/cS8xT0Ize6
ಜನವರಿಯಲ್ಲಿ ತೆರೆ ಕಾಣಲಿದೆ 'ಪೊಗರು'
ಧ್ರುವ ಸರ್ಜಾ 'ಪೊಗರು' ಸಿನಿಮಾದಲ್ಲಿ ಬಿಜಿಯಿದ್ದಾರೆ. ಡಿಸೆಂಬರ್ ತಿಂಗಳಲ್ಲಿ ಆಡಿಯೋ ಬಿಡುಗಡೆ ಮಾಡಿ, ಜನವರಿ ತಿಂಗಳಲ್ಲಿ ಸಿನಿಮಾ ಬಿಡುಗಡೆ ಮಾಡುವ ಆಲೋಚನೆ ಚಿತ್ರತಂಡದ್ದಾಗಿದೆ. ಈ ಚಿತ್ರದಲ್ಲಿ ಧ್ರುವಗೆ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ಕಾಣಿಸಿಕೊಳ್ಳಲಿದ್ದಾರೆ. ಅಷ್ಟೇ ಅಲ್ಲದೆ ಇದು ಧ್ರುವ ನಟನೆಯ ನಾಲ್ಕನೇ ಚಿತ್ರ. ಈ ಹಿಂದೆ ಅವರು ಅದ್ದೂರಿ, ಬಹದ್ದೂರ್, ಭರ್ಜರಿ ಸಿನಿಮಾಗಳಲ್ಲಿ ನಟಿಸಿದ್ದರು.
'ಪೊಗರು' ಸಿನಿಮಾದಲ್ಲಿ ಸೂಪರ್ ಬಾಡಿಬಿಲ್ಡರ್, ಕ್ರೀಡಾಪಟು
15 ದಿನಗಳ ಕಾಲ ಹೈದರಾಬಾದ್‌ನ ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಕ್ಲೈಮ್ಯಾಕ್ಸ್ ಚಿತ್ರೀಕರಣ ನಡೆದಿದ್ದು, ಅದರಲ್ಲಿ ಜಾಗತಿಕ ಮಟ್ಟದ ನಾಲ್ವರು ಬಾಡಿ ಬಿಲ್ಡರ್‌ಗಳು, ಕ್ರೀಡಾಪಟುಗಳು ಕಾಣಿಸಿಕೊಂಡಿದ್ದಾರೆ. ಬಿಗ್‌ ರಾಖ್ ಎಂದೇ ಖ್ಯಾತಿ ಪಡೆದಿರುವ ಫ್ರಾನ್ಸ್‌ನ ಮೋರ್ಗನ್ ಆಸ್ಟೆ, ಕಾಯ್ ಗ್ರೀನ್ ಜಾನ್ ಲ್ಯೂಕಾಸ್, ಜೋ ಲಿಂಡರ್ ಸಹ ಧ್ರುವ ಜೊತೆ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ಮಿಸ್ಟರ್ ಓಲಂಪಿಯಾದಲ್ಲಿ ಮೂರು ಬಾರಿ ರನ್ನರ್-ಅಪ್ ಆಗಿರುವ ಯುಎಸ್‌ಎ ವೃತ್ತಿಪರ ಬಾಡಿ ಬಿಲ್ಡರ್ ಗ್ರೀನ್ ಕೆಲವು ಅಮೇರಿಕನ್ ಚಿತ್ರಗಳಲ್ಲಿ ನಟಿಸಿದ್ದಾರೆ.