ರಶ್ಮಿಕಾ ಮಂದಣ್ಣ ಜತೆಗೆ ಟಾಲಿವುಡ್‌ಗೆ ಹಾರಿದ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ

ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ 'ಪೊಗರು' ಚಿತ್ರತಂಡದಿಂದ ಹೊಸ ಸುದ್ದಿ ಹೊರಬಿದ್ದಿದೆ. ಈ ಚಿತ್ರವನ್ನು ಏಕಕಾಲಕ್ಕೆ ಕನ್ನಡ ಮತ್ತು ತೆಲುಗಿನಲ್ಲಿ ರಿಲೀಸ್ ಮಾಡಲು ನಿರ್ಮಾಪಕರು ನಿರ್ಧರಿಸಿದ್ದಾರೆ. ಈ ಚಿತ್ರದಲ್ಲಿನ ಮಾಸ್ ಕಂಟೆಂಟ್ ತೆಲುಗು ಪ್ರೇಕ್ಷಕರನ್ನೂ ಖಂಡಿತ ಸೆಳೆಯುತ್ತದೆ ಎಂಬ ವಿಶ್ವಾಸದಲ್ಲಿದ್ದಾರೆ ನಿರ್ಮಾಪಕರು. ನಂದ ಕಿಶೋರ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಸಿನಿಮಾ ಇದಾಗಿದೆ.

ಇದಕ್ಕೂ ಮುನ್ನ ಚಿತ್ರತಂಡ ವಿಶೇಷ ಟ್ರೇಲರನ್ನು ಹೊರತರಲು ಸಿದ್ಧತೆಗಳನ್ನು ಮಾಡಿಕೊಂಡಿದೆ. ಅಕ್ಟೋಬರ್ 24ರಂದು ಟ್ರೇಲರ್ ರಿಲೀಸ್ ಆಗುತ್ತಿದೆ. ಇದಾದ ಹದಿನೈದು ದಿನಗಳ ಬಳಿಕ ತೆಲುಗು ಟ್ರೇಲರ್ ರಿಲೀಸ್ ಮಾಡಲು ಚಿತ್ರತಂಡ ನಿರ್ಧರಿಸಿದೆ. ಧ್ರುವ ಸರ್ಜಾ ಕಾರು ಅಪಘಾತದ ಬಗ್ಗೆ ಟ್ವೀಟ್ ಮಾಡಿದ ಕಿಚ್ಚ

ಈಗಾಗಲೆ ಚಿತ್ರದ ಮಾತಿನ ಭಾಗ ಪೂರ್ಣಗೊಂಡಿದ್ದು ಧ್ರುವ ಸರ್ಜಾ ಪಾತ್ರ ನಟೋರಿಯಸ್ ಆಗಿ ಮೂಡಿಬಂದಿದೆ ಎಂದಿದ್ದಾರೆ ಚಿತ್ರದ ನಿರ್ಮಾಪಕ ಬಿಕೆ ಗಂಗಾಧರ್. ಉಳಿದಂತೆ ಧ್ರುವ ಸರ್ಜಾ ಮದುವೆ ಇದೇ ನವೆಂಬರ್‌‍ನಲ್ಲಿ ನಡೆಯಲಿದ್ದು ಅದಕ್ಕೂ ಮುನ್ನ ಹಾಡಿನ ಭಾಗ ಹಾಗೂ ಕೆಲವೊಂದು ಭಾಗದ ಚಿತ್ರೀಕರಣ ಮುಗಿಸಿಕೊಳ್ಳಬೇಕಾಗಿದೆ.

ಚಿತ್ರದ ಪಾತ್ರವರ್ಗದಲ್ಲಿ ರವಿಶಂಕರ್, ಧನಂಜಯ್, ಸಾಧು ಕೋಕಿಲ ಅಭಿನಯಿಸಿದ್ದು ಮುಖ್ಯವಾದ ಪಾತ್ರದಲ್ಲಿ ರಾಘವೇಂದ್ರ ರಾಜ್‌ಕುಮಾರ್ ಕಾಣಿಸಿಕೊಳ್ಳಲಿದ್ದಾರೆ. ರಶ್ಮಿಕಾ ಮಂದಣ್ಣ ಚಿತ್ರದ ಹೀರೋಯಿನ್. ರಶ್ಮಿಕಾರಿಗೆ ತೆಲುಗಿನಲ್ಲೂ ಒಳ್ಳೆಯ ಫ್ಯಾನ್ ಫಾಲೋಯಿಂಗ್ ಇದ್ದು ಚಿತ್ರಕ್ಕೆ ಇನ್ನಷ್ಟು ಲಾಭವಾಗಲಿದೆ. ಧ್ರುವ ಸರ್ಜಾ ಮದುವೆ ದಿನಾಂಕ ಫಿಕ್ಸ್! 'ಪೊಗರು' ಹುಡುಗನ ಮದುವೆ

ಇನ್ನೊಂದು ಮುಖ್ಯವಾದ ಸಂಗತಿ ಎಂದರೆ ಈ ಚಿತ್ರದ ಕ್ಲೈಮ್ಯಾಕ್ಸ್. ಅಂತಾರಾಷ್ಟ್ರೀಯ ಖ್ಯಾತಿ ಬಾಡಿ ಬಿಲ್ಡರ್ ಮೋರ್ಗನ್ ಆಸ್ಟೆ, ಕೈ ಗ್ರೀನೆ, ಜಾನ್ ಲುಕಾಸ್ ಹಾಗು ಜೋ ಲಿಂಡರ್ ಕಾಣಿಸಿಕೊಂಡಿದ್ದು ಚಿತ್ರದ ಕುತೂಹಲ ಮೂಡಿಸಿದ್ದಾರೆ. ವಿ ಹರಿಕೃಷ್ಣ ಸಂಗೀತ, ವಿಜಯ್ ಮಿಲ್ಟನ್ ಕ್ಯಾಮೆರಾ ವರ್ಕ್ ಚಿತ್ರಕ್ಕಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಡಿಸೆಂಬರ್ 27ಕ್ಕೆ ಪೊಗರು ಪ್ರೇಕ್ಷಕರ ಮುಂದೆ ಬರಲಿದೆ. ರಶ್ಮಿಕಾ ಮಂದಣ್ಣ ಬ್ಯಾಕ್‌ಲೆಸ್ ಟಾಪ್‌ ನೋಡಿ ಲಕ್ಷಾಂತರ ಮಂದಿ ಫಿದಾ