ಮದುವೆ ಬಗ್ಗೆ ಡಿಂಪಲ್ ಕ್ವೀನ್ ಎಕ್ಸ್ಕ್ಲೂಸಿವ್ ಮಾತು; ರಚಿತಾ ರಾಮ್ ಸಂದರ್ಶನ
ಲೇಖನ :- (ಪದ್ಮಾ ಶಿವಮೊಗ್ಗ) ನಟಿ ರಚಿತಾ ರಾಮ್ ಸಹೋದರಿ ನಿತ್ಯಾ ರಾಮ್ ಮದುವೆ ಇತ್ತೀಚೆಗಷ್ಟೇ ಅದ್ಧೂರಿಯಾಗಿ ನಡೆದಿದೆ. ಈಗ ರಚಿತಾ ತೆಲುಗು ಚಿತ್ರದ ಶೂಟಿಂಗ್ನಲ್ಲಿಬಿಝಿಯಾಗಿದ್ದಾರೆ. ಈ ಮಧ್ಯೆ ರಚಿತಾ, ಮದುವೆ ಯಾವಾಗ ಎಂಬ ಪ್ರಶ್ನೆಗೆ ಉತ್ತರಿಸುತ್ತಾ 'ಮದುವೆ ನಂತರ ನಟಿಸುವುದಿಲ್ಲ' ಎಂದಿದ್ದಾರೆ.
ನಿಮ್ಮ ಮದುವೆ ಯಾವಾಗ?
"ಅದು ಗೊತ್ತಿಲ್ಲ. ಯಾವಾಗ ಬೇಕಾದರೂ ಆಗಬಹುದು. ಅದಕ್ಕೆ ಕಾಲ ಕೂಡಿಬರಬೇಕು. ಈಗ ನನಗೆ ಯಾವುದೇ ಐಡಿಯಾ ಇಲ್ಲ. ಆದರೆ ಒಂದಂತೂ ನಿಜ. ಒಳ್ಳೆ ಹುಡುಗ ಸಿಕ್ಕಿದ ತಕ್ಷಣ ಮದುವೆಯಾಗ್ತೀನಿ. ನಟಿಯರು ಮದುವೆ ನಂತರವೂ ನಟಿಸ್ತಿದ್ದಾರೆ" ಎಂದಿದ್ದಾರೆ.
ಸ್ಯಾಂಡಲ್ವುಡ್ನಲ್ಲಿ ಬದಲಾವಣೆ ಗಾಳಿ ಬೀಸಿದೆ.. ಹೌದು.. ಕೆಲವರು ನಟಿಸೋಕೆ ಇಷ್ಟಪಡ್ತಾರೆ.
ಇದು ಮನೆಯವರ ಮೇಲೆ ಡಿಪೆಂಡ್ ಆಗುತ್ತೆ. ಗಂಡ, ಫ್ಯಾಮಿಲಿ ಸಪೋರ್ಟ್ ಮಾಡ್ತಾರೆ. ಹಾಗಾಗಿ ನಟಿಸೋಕೆ ಸಾಧ್ಯವಾಗುತ್ತೆ. ಇದು ಅವರವರ ಇಷ್ಟ.
ನೀವು ಮದುವೆ ನಂತರವೂ ನಟನೆಯನ್ನು ಮುಂದುವರಿಸುತ್ತೀರಾ?
ಖಂಡಿತ ಇಲ್ಲ. ಮದುವೆ ನಂತರ ಸಿನಿಮಾದಲ್ಲಿಆ್ಯಕ್ಟಿಂಗ್ ಮುಂದುವರಿಸುವುದು ನನಗೆ ಇಷ್ಟ ಇಲ್ಲ. ಆರಾಮಾಗಿ ಇರೋಕೆ ಇಷ್ಟಪಡ್ತೀನಿ.
ಯಾಕೆ ನಟಿಸೋಕೆ ಇಷ್ಟ ಇಲ್ಲ? ಸೆಟ್ಗೆ ಹೋದಾಗ ಮನೆಯ ಯೋಚನೆ ಇರಬಾರದು. ಯಾವುದೇ ರೀತಿ ಮೈಂಡ್ ಡೈವರ್ಟ್ ಆಗಬಾರದು. ನಟನೆಯಲ್ಲಿ ಪೂರ್ಣವಾಗಿ ಕಾನ್ಸಂಟ್ರೇಟ್ ಮಾಡಬೇಕು. ಮದುವೆಯಾದ ನಂತರ ಜವಾಬ್ದಾರಿ ಹೆಚ್ಚುತ್ತೆ. ನನ್ನ ಕಾನ್ಸಂಟ್ರೇಷನ್ ಕುಟುಂಬದ ಕಡೆ ಇರಬೇಕು ಅಂತ ಬಯಸುತ್ತೇನೆ. ಅದು ಸೆಕೆಂಡ್ ಲೈಫ್. ನಟನೆ ಮುಂದುವರಿಸೋಕೆ ನನಗೆ ಸ್ವಲ್ಪವೂ ಇಷ್ಟ ಇಲ್ಲ. ಮದುವೆ ಆಗೋವರೆಗೂ ಒಳ್ಳೊಳ್ಳೆ ಸಿನಿಮಾಗಳಲ್ಲಿನಟಿಸೋದು. ಮದುವೆಯಾಗಿ ಒಂದು 10 ವರ್ಷ ಆದ ಮೇಲೆ ಬಾಹುಬಲಿಯಂಥ ಸಿನಿಮಾ ಸಿಕ್ಕರೆ, ಅದರಲ್ಲಿ ರಮ್ಯಕೃಷ್ಣ ನಟಿಸಿದಂಥ ಪಾತ್ರ ಸಿಕ್ಕರೆ ನಟಿಸ್ತೀನೇನೋ.. ಇಲ್ಲಿಯವರೆಗೆ ನಾನು ಮಾಡಿರುವ ಪಾತ್ರಗಳು, ಸಿನಿಮಾಗಳು ತೃಪ್ತಿ ನೀಡಿವೆ.
ಹಾಗಾದ್ರೆ ಮದುವೆ ನಂತರ ಚಿತ್ರರಂಗದೊಂದಿಗೆ ಪೂರ್ತಿ ನಂಟು ಕಡಿದುಕೊಳ್ತೀರಾ?
ಇಲ್ಲ.. ಬಹುಶಃ ನಾನು ಪ್ರೊಡಕ್ಷನ್ನಲ್ಲಿ ತೊಡಗಿಕೊಳ್ತೀನಿ ಅನ್ಸುತ್ತೆ. ಬ್ಯಾಕ್ಸ್ಟೇಜ್ ವರ್ಕ್. ಸಿನಿಮಾ ನಿರ್ಮಾಣ ಮಾಡಬಹುದು.
ನಿರ್ದೇಶನ ಮಾಡಲು ಮನಸ್ಸಿದೆಯಾ?
ಇಲ್ಲ.. ಅಷ್ಟೊಂದು ಸಿನಿಮಾ ನಾಲೆಜ್ ನನಗಿಲ್ಲ. ಅದು ರಿಸ್ಕಿ ಕೆಲಸ. ಬಹಳ ತಾಳ್ಮೆ ಇರಬೇಕು. ಈಗ ಶೂಟಿಂಗ್ನಲ್ಲಿನಿರ್ದೇಶಕರ ಕೆಲಸ ನೋಡಿದಾಗ ಇದಕ್ಕೆ ಬಹಳ ಎನರ್ಜಿ ಬೇಕು, ಆ್ಯಕ್ಟಿವ್ ಆಗಿರಬೇಕು ಎಂದು ಅನಿಸಿದೆ. ನನಗೆ ಒಳ್ಳೆಯ ಸಿನಿಮಾ ನಿರ್ಮಾಣ ಮಾಡಬೇಕೆಂಬ ಆಸೆ ಇದೆ.