ಅಪಾರ್ಟ್‌ಮೆಂಟ್‌ನಲ್ಲಿ ನಟಿ ದಿವ್ಯಾ ಉರುಡುಗಗೆ ವಿಚಿತ್ರ ಅನುಭವಗಳು!

ಹುಲಿರಾಯ ಚಿತ್ರದಲ್ಲಿ ನಟಿಸಿದ್ದ ದಿವ್ಯಾ ಉರುಡುಗ ಇದೀಗ ವಿಜಯ್‌ ರಾಘವೇಂದ್ರ ಜತೆಗಿನ ಸಿನಿಮಾವೊಂದನ್ನು ಒಪ್ಪಿಕೊಂಡಿದ್ದಾರೆ. ಈ ಚಿತ್ರವನ್ನು ರವಿ ಮತ್ತು ಚೇತನ್‌ ಎಂಬುವವರು ನಿರ್ದೇಶನ ಮಾಡುತ್ತಿದ್ದಾರೆ. ಮೊನ್ನೆಯಷ್ಟೇ ಹಾರರ್‌ ಚಿತ್ರದಲ್ಲಿ ನಟಿಸುತ್ತಾರೆ ಎಂದು ಸುದ್ದಿಯಾಗಿತ್ತು. ಇದೇ ಚಿತ್ರವನ್ನು ದಿವ್ಯಾ ಈಗ ಒಪ್ಪಿಕೊಂಡಿರುವುದಂತೆ.

'ಈ ಚಿತ್ರದಲ್ಲಿ ನಾನು ವಿಜಯ್‌ ರಾಘವೇಂದ್ರ ಅವರ ಪತ್ನಿಯ ರೋಲ್‌ನಲ್ಲಿ ನಟಿಸುತ್ತಿದ್ದೇನೆ. ಹೊಸದಾಗಿ ಮದುವೆಯಾಗಿ ಅಪಾರ್ಟ್‌ಮೆಂಟ್‌ಗೆ ಬಂದಾಗ ವಿಚಿತ್ರ ಅನುಭವಗಳು ಆಗುತ್ತಿರುತ್ತವೆ. ಆದರೆ ಅಲ್ಲಿ ದೆವ್ವಗಳಿರುವುದಿಲ್ಲ. ಈ ವಿಚಿತ್ರ ಘಟನೆಗಳೇ ಪ್ರೇಕ್ಷಕನನ್ನು ಸೀಟಿನ ತುದಿಗೆ ಕೂರಿಸುತ್ತವೆ" ಎಂದಿದ್ದಾರೆ.

ಹುಲಿರಾಯನ ಘರ್ಜನೆಗೆ ಬೆಚ್ಚಿಬಿದ್ದ ದಿವ್ಯಾ

ಚಿತ್ರದ ನಿರ್ದೇಶಕರಿಬ್ಬರೂ ಕಥೆಯನ್ನು ಬಹಳ ಚೆನ್ನಾಗಿ ಮಾಡಿಕೊಂಡಿದ್ದಾರೆ. ಹಾಗಾಗಿ ನಾನು ಸಿನಿಮಾವನ್ನು ಒಪ್ಪಿಕೊಂಡಿದ್ದೇನೆ ಜತಗೆ ಕನ್ನಡ ಚಿತ್ರರಂಗದ ಪ್ರತಿಭಾವಂತ ನಟರಲ್ಲಿ ಒಬ್ಬರಾದ ವಿಜಯ್‌ ರಾಘವೇಂದ್ರ ಅವರ ಜತೆ ನಟಿಸುತ್ತಿರುವುದಕ್ಕೆ ನನಗೆ ಖುಷಿಯಿದೆ. ಕೊರೊನಾ ವೈರಸ್‌ನ ತಾಪತ್ರಯಗಳೆಲ್ಲವೂ ನಿಂತ ಮೇಲೆ ಚಿತ್ರೀಕರಣ ಆರಂಭವಾಗಲಿದೆ' ಎಂದು ಹೇಳುತ್ತಾರೆ ದಿವ್ಯ ಉರುಡುಗ.

ಕಾರ್ನಾಡರಿಗೆ ಹೊಡೆದು ನಟನಾದ ಬಾಲು ನಾಗೇಂದ್ರ