ಶ್ಯಾಮಲಾ ಭಾವೆ ಅವರಿಗಿತ್ತು ಸಿನಿಮಾ ನಂಟು; 'ಪುಟ್ನಂಜ'ದ ಈ ಪ್ಯಾಥೋ ಹಾಡಿಗೆ ದನಿಯಾಗಿದ್ದರು

ಖ್ಯಾತ ಹಿಂದೂಸ್ತಾನಿ ಗಾಯಕಿ ಡಾ. ಶ್ಯಾಮಲಾ ಜಿ ಭಾವೆ ಅವರು ಶುಕ್ರವಾರ ಬೆಳಗ್ಗೆ ನಿಧನರಾದರು. ಕರ್ನಾಟಿಕ್ ಹಾಗೂ ಹಿಂದೂಸ್ತಾನಿ ಪ್ರಕಾರಗಳಲ್ಲಿ ಹಾಡುವ ಕಲೆಯನ್ನು ಹೊಂದಿದ್ದ ಅವರನ್ನು 'ಉಭಯ ಗಾನ ವಿಶಾರದೆ' ಎಂದು ಕರೆಯುತ್ತಿದ್ದರು. ಭಜನೆ, ಸುಗಮ ಸಂಗೀತ ಹಾಗೂ ಸಂಗೀತ ಸಂಯೋಜನೆಯನ್ನೂ ಅವರು ಮಾಡಿದ್ದರು. ಅಂದಹಾಗೆ, ಇದೆಲ್ಲದರ ಜೊತೆಗೆ ಅವರು ಸಿನಿಮಾ ಹಾಡಿಗೂ ಧ್ವನಿ ನೀಡಿದ್ದರು. ಅಷ್ಟಕ್ಕೂ ಆ ಹಾಡು ಯಾವುದು ಗೊತ್ತಾ? 'ಪುಟ್ನಂಜ' ಚಿತ್ರದ್ದು.

1995ರಲ್ಲಿ 'ಕ್ರೇಜಿ ಸ್ಟಾರ್‌' ರವಿಚಂದ್ರನ್ ನಟಿಸಿ, ನಿರ್ದೇಶನ ಮಾಡಿದ್ದ 'ಪುಟ್ನಂಜ' ಚಿತ್ರವು ಬ್ಲಾಕ್ ಬಸ್ಟರ್ ಹಿಟ್ ಆಗಿತ್ತು. ಅದೇ ಥರ ಹಂಸಲೇಖ ಅವರ ಸಾಹಿತ್ಯ-ಸಂಗೀತದಲ್ಲಿ ಆ ಚಿತ್ರದ ಹಾಡುಗಳು ಟ್ರೆಂಡ್ ಸೆಟ್ ಮಾಡಿದ್ದವು. ಅದರಲ್ಲೂ 'ಪುಟ್ಟಮಲ್ಲಿ ಪುಟ್ಟಮಲ್ಲಿ..' ಹಾಡು ಕೇಳುಗರ ಫೇವರಿಟ್‌ ಗೀತೆಯಾಗಿತ್ತು. ಇದೇ ಗೀತೆ ಪ್ಯಾಥೋ ವರ್ಷನ್ ಕೂಡ ಸಿನಿ ಮಾದಲ್ಲಿ ಇದೆ. ಆ ಫ್ಯಾಥೋ ವರ್ಷನ್‌ಗೆ ಧ್ವನಿ ನೀಡಿರುವುದು ಮನು ಮತ್ತು ಶ್ಯಾಮಲಾ ಭಾವೆ ಅವರು. 'ಬ್ಯಾಸರಾ ಮಾಡಿಕುಂತ್ರೆ ಗ್ರಾಚಾರ ಬಿಡದು.. ನೇಸರ ಸುಟ್ಟನೆಂದು ಭೂಮ್ತಾಯಿ ಅಳದು.. ಅಡಿಕೆಗೆ ಹೋದ ಮಾನ ಆನೆಗೂ ಸಿಗದು.. ಮಡಿಕೆಯ ಒಡೆಯುವ ಕೈಲಿ ಸಂಸಾರ ಇರದು..' ಹೀಗೆ ಆ ಹಾಡಿಗಾಗಿ ಹಂಸಲೇಖ ಬರೆದ ಸಾಲುಗಳನ್ನು ಅದ್ಭುತವಾಗಿ ಹಾಡಿದ್ದರು ಶ್ಯಾಮಲಾ ಅವರು.

1941ರ ಮಾರ್ಚ್ 14ರಂದು ಬೆಂಗಳೂರಿನಲ್ಲಿ ಜನಿಸಿದ ಶ್ಯಾಮಲಾ ಅವರಿಗೆ ಪೋಷಕರೇ ಮೊದಲ ಸಂಗೀತ ಗುರುಗಳಾಗಿದ್ದರು. ತಮ್ಮ 6ನೇ ವಯಸ್ಸಿನಿಂದಲೇ ಗಾಯಕಿಯಾಗಿ ಗುರುತಿಸಿಕೊಂಡ ಅವರು, 12ನೇ ವಯಸ್ಸಿಗೆ ಸಾರ್ವಜನಿಕ ಸಂಗೀತ ಕಛೇರಿ ನೀಡಿದ್ದು ವಿಶೇಷ. ಶ್ಯಾಮಲಾ ಭಾವೆ ಅವರು ವಿವಿಧ ದೇಶಗಳಲ್ಲಿ ಸಂಗೀತ ಕಛೇರಿ ನೀಡಿದ್ದಾರೆ. ಆ ಮೂಲಕ ಭಾರತೀಯ ಸಂಗೀತ ಕ್ಷೇತ್ರಕ್ಕೆ ರಾಷ್ಟ್ರೀಯ ಮನ್ನಣೆ ತಂದುಕೊಟ್ಟಿದ್ದಾರೆ.

'ಅಂದು ರವಿಚಂದ್ರನ್ ಅಣ್ಣಯ್ಯ-ಇಂದು ರಜನಿಕಾಂತ್ ಅಣ್ಣಯ್ಯ'-ಏನಿದು ಹೊಸ ಸಮಾಚಾರ!