120 ಪೋಸ್ಟರ್ ರೆಡಿ ಮಾಡಿದ ಫ್ಯಾನ್ಸ್
ಪುನೀತ್ ರಾಜಕುಮಾರ್‌ ಅಭಿಮಾನಿಗಳು ತಮ್ಮ ಮೆಚ್ಚಿನ ನಟನ ಈ ಚಿತ್ರದ ಪೋಸ್ಟರ್ ಅನ್ನು ತಾವೇ ಸಿದ್ಧಪಡಿಸುತ್ತಿದ್ದಾರೆ. ಇದು 'ಜೇಮ್ಸ್' ಚಿತ್ರ ಅವರಲ್ಲಿಹುಟ್ಟುಹಾಕಿರುವ ಕ್ರೇಜ್‌ ಅನ್ನು ತೋರಿಸುತ್ತಿದೆ. ಇಲ್ಲಿಯವರೆಗೆ ಸುಮಾರು 120ಕ್ಕೂ ಹೆಚ್ಚು ಪೋಸ್ಟರ್‌ಗಳನ್ನು ತಮಗೆ ಕಳಿಸಿರುವುದಾಗಿ ನಿರ್ದೇಶಕ ಚೇತನ್ ತಿಳಿಸಿದ್ದಾರೆ.
ಕ್ರಿಯೇಟಿವ್ ಆಗಿ ಪೋಸ್ಟರ್ಸ್ ರೆಡಿ ಮಾಡಿದ ಅಭಿಮಾನಿಗಳು
'ತುಂಬಾ ಕ್ರಿಯೇಟಿವ್ ಆಗಿ ಪೋಸ್ಟರ್ಸ್ ಮಾಡಿದ್ದಾರೆ. ಚಿತ್ರದ ಮೋಷನ್‌ ಪೋಸ್ಟರ್ ರಿಲೀಸ್‌ ಮಾಡಿದಾಗಿನಿಂದ ಬರುತ್ತಲೇ ಇದೆ. ವಿಭಿನ್ನವಾಗಿ ಪೋಸ್ಟರ್ ಮಾಡಿದ್ದಾರೆ. ಇದು ಸಿನಿಮಾಗೆ ಸಿಕ್ಕ ದೊಡ್ಡ ರೆಸ್ಪಾನ್ಸ್‌' ಎಂದಿದ್ದಾರೆ ನಿರ್ದೇಶಕ ಚೇತನ್.
20 ದಿನದಲ್ಲಿ ಬರಲಿದೆ 'ಜೇಮ್ಸ್' ಪೋಸ್ಟರ್ಸ್
ಬಾಂಡ್‌ ಸ್ಟೈಲಲ್ಲಿ ಪುನೀತ್‌ರನ್ನು ನೋಡಲು ಅವರ ಅಭಿಮಾನಿಗಳು ಕಾತುರರಾಗಿರುವುದು ಈ ಪೋಸ್ಟರ್‌ಗಳಿಂದ ತಿಳಿದುಬರುತ್ತಿದೆ. 'ಪುನೀತ್‌ರನ್ನು ಬಾಂಡ್‌ ಸ್ಟೈಲ್‌ನಲ್ಲಿನೋಡಲು ತುಂಬಾ ಜನ ಇಷ್ಟಪಡುತ್ತಿದ್ದಾರೆ. ಇದು ಅವರಿಗೆ ಪೋಸ್ಟರ್ಸ್ ಮಾಡಲು ಪ್ರೋತ್ಸಾಹಿಸುತ್ತಿದೆ. ಇನ್ನು 20 ದಿನಗಳಲ್ಲಿ ಚಿತ್ರದ ಅಧಿಕೃತ ಪೋಸ್ಟರ್ ರಿಲೀಸ್‌ ಮಾಡಲಿದ್ದೇವೆ' ಎಂದಿದ್ದಾರೆ ಚೇತನ್.
ಪವರಸ್ಟಾರ್ ಪುನೀತ್‌ರಿಂದ ಮಾಸ್ ಡೈಲಾಗ್
ಈಗಾಗಲೇ ಚಿತ್ರದ ಮೋಷನ್‌ ಪೋಸ್ಟರ್ ರಿಲೀಸ್‌ ಆಗಿದೆ. ಇದರಲ್ಲಿ ಪುನೀತ್ ಮೆಷಿನ್‌ ಗನ್‌ ಹಿಡಿದಿದ್ದಾರೆ. 'ನಾನು ಯಾವತ್ತೂ ರೇಸ್‌ಗಿಳಿಯೋಲ್ಲ. ರೇಸ್‌ಗಿಳಿದ್ರೆ ಅದು ರೇಸೇ ಅಲ್ಲ. ಒನ್‌ ಮ್ಯಾನ್‌ ಶೋ ಎಂಬ ಡೈಲಾಗ್ ಇದೆ.
ದೊಡ್ಡ ನಿರೀಕ್ಷೆಯನ್ನು ಹುಟ್ಟುಹಾಕಿದ 'ಜೇಮ್ಸ್'
ಚಿತ್ರ ಈಗಾಗಲೇ ದೊಡ್ಡ ನಿರೀಕ್ಷೆಯನ್ನು ಹುಟ್ಟುಹಾಕಿದೆ. ಹೈ ಎಕ್ಸ್‌ಪೆಕ್ಟೇಷನ್‌ ಇದೆ. ಪುನೀತ್ ರಾಜ್ಕುಮಾರ್ ಅವರಿಗೆ ಬಹಳ ಹಿಂದೆಯೇ ಕಥೆ ಬಹಳ ಇಷ್ಟವಾಗಿತ್ತು. ಬಹದ್ದೂರ್‌ ಚಿತ್ರದ ನಂತರವೇ ನಾನು ಈ ಚಿತ್ರ ಮಾಡಬೇಕಿತ್ತು. ಆದರೆ, ಪುನೀತ್ ಬೇರೆ ಚಿತ್ರದಲ್ಲಿಬಿಝಿ ಇದ್ದರು. ಈಗ ಕಾಲ ಕೂಡಿಬಂದಿದೆ' ಎಂದಿದ್ದಾರೆ ಚೇತನ್
'ಜೇಮ್ಸ್' ಚಿತ್ರದ ನಿರ್ದೇಶಕ್ 'ಭರ್ಜರಿ' ಖ್ಯಾತಿಯ ಚೇತನ್
ಚೇತನ್ ಕುಮಾರ್‌ ಮೊದಲ ಬಾರಿಗೆ ಪುನೀತ್ ರಾಜ್ಕುಮಾರ್ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರಕ್ಕೆ ಚರಣ್‌ ರಾಜ್‌ ಸಂಗೀತ ನೀಡಲಿದ್ದಾರೆ. ಮೊದಲ ಬಾರಿಗೆ ಈ ಮೂವರ ಕಾಂಬಿನೇಷನ್‌ನಲ್ಲಿಚಿತ್ರ ಮೂಡಿಬರಲಿದೆ.
ಫ್ರೆಶ್ ಆಗಿರತ್ತೆ ಪುನೀತ್ 'ಜೇಮ್ಸ್' ಲುಕ್
ಜೇಮ್ಸ್ ಚಿತ್ರದಲ್ಲಿ ಪುನೀತ್ ರಾಜ್ಕುಮಾರ್ ಲುಕ್ ಬಹಳ ಫ್ರೆಶ್ ಆಗಿರಲಿದೆ. ಅವರ ಪಾತ್ರವೂ ವಿಭಿನ್ನ. ಸ್ಟನ್ನಿಂಗ್‌ ಆಗಿ ಕಾಣಿಸಿಕೊಳ್ಳಲಿದ್ದಾರೆ.