ಮಲಯಾಳಂ ಹಾಗೂ ತಮಿಳು ಸಿನಿಮಾಗಳಲ್ಲಿ ಗುರುತಿಸಿಕೊಂಡಿದ್ದ ಜನಪ್ರಿಯ ನಟ ಅನಿಲ್ ಮುರಳಿ ಅವರು ಕೊಚ್ಚಿಯ ಖಾಸಗಿ ಆಸ್ಪತ್ರೆಯೊಂದರಲ್ಲಿ ಗುರುವಾರ (ಜುಲೈ 30) ನಿಧನರಾಗಿದ್ದಾರೆ. ಅವರಿಗೆ 56 ವರ್ಷ ವಯಸ್ಸಾಗಿತ್ತು. ಅವರು ಲಿವರ್ಗೆ ಸಂಬಂಧಪಟ್ಟ ಕಾಯಿಲೆಗಳಿಂದ ಬಳಲುತ್ತಿದ್ದರು ಎಂದು ತಿಳಿದುಬಂದಿದೆ. ಮಲಯಾಳಂ, ತಮಿಳು, ತೆಲುಗು ಭಾಷೆಗಳ ಸುಮಾರು 200ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ ಅನುಭವ ಅವರಿಗೆ ಇತ್ತು. ಪತ್ನಿ ಸುಮಾ ಹಾಗೂ ಮಗ ಆದಿತ್ಯ, ಮಗಳು ಅರುಂಧತಿ ಅವರನ್ನು ಅಗಲಿದ್ದಾರೆ.
1993ರಲ್ಲಿ ಮಲಯಾಳಂನಲ್ಲಿ ತೆರೆಕಂಡ 'ಕನ್ಯಾಕುಮಾರಿಯಿಲ್ ಒರು ಕವಿತಾ' ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಅನಿಲ್ ಮುರಳಿ ಎಂಟ್ರಿ ನೀಡಿದರು. ಖಡಕ್ ವಿಲನ್ ಪಾತ್ರಗಳಿಗೆ ಫೇಮಸ್ ಆಗಿದ್ದ ಅವರು, ಆನಂತರ ಪೊಲೀಸ್ ಪಾತ್ರ ಮಾಡುವುದರಲ್ಲೂ ಸಾಕಷ್ಟು ಜನಪ್ರಿಯರಾಗಿದ್ದರು. ಲಯನ್, ಬಲರಾಮ್ ವರ್ಸಸ್ ತಾರಾದಾಸ್, ಮಹಾಸಮುದ್ರಂ, ನೆರರಿಯನ್ ಸಿಬಿಐ, ಜುಲೈ 4, ರನ್ ಬೇಬಿ ರನ್, ಅಮೆನ್, ಡಾಲ್ಫಿನ್ ಬಾರ್, ರಾಮಲೀಲಾ, ಜೋಸೆಫ್, ಥನಿ ಒರುವನ್, ಕೊಡಿ ಸೇರಿದಂತೆ ಸಾಕಷ್ಟು ಸಿನಿಮಾಗಳಲ್ಲಿ ಅವರು ನಟಿಸಿದ್ದರು.
2013ರಲ್ಲಿ '6' ಚಿತ್ರದ ಮೂಲಕ ತಮಿಳಿಗೂ ಅವರು ಎಂಟ್ರಿ ನೀಡಿದ್ದರು. ಈಚೆಗೆ ತೆರೆಕಂಡಿದ್ದ ವಾಲ್ಟರ್ ಮತ್ತು ನಾಡೋಡಿಗಳ್ 2 ಸಿನಿಮಾಗಳಲ್ಲೂ ಅವರು ಬಣ್ಣ ಹಚ್ಚಿದ್ದರು. ತೆಲುಗಿನಲ್ಲಿ 'ರಗಿಲೆ ಕಾಸಿ', 'ಜಂಡ ಪೈ ಕಪಿರಾಜು' ಚಿತ್ರಗಳಲ್ಲಿ ಅವರು ನಟಿಸಿದ್ದರು. ಮಲಯಾಳಂನಲ್ಲಿ ಅವರು ನಟಿಸಿದ ಕೊನೆಯ ಸಿನಿಮಾ 'ಪ್ರೊಫೆಸರ್ ಡಿಂಕನ್'. 3ಡಿ ರೂಪದಲ್ಲಿ ಮೂಡಿಬಂದಿರುವ ಈ ಸಿನಿಮಾದಲ್ಲಿ ದಿಲೀಪ್, ನಮಿತಾ ಪ್ರಸಾದ್, ವಿಷ್ಣು ಉನ್ನಿಕೃಷ್ಣನ್, ಅಜು ವರ್ಗೀಸ್ ಮುಂತಾದವರು ನಟಿಸಿದ್ದಾರೆ. ರಾಮಚಂದ್ರ ಬಾಬು, ರವಿ ಕೆ. ಚಂದ್ರನ್ ನಿರ್ದೇಶನದ ಈ ಸಿನಿಮಾ ಇನ್ನಷ್ಟೇ ತೆರೆಗೆ ಬರಬೇಕಿದೆ.
ನಟ ಹುಲಿವಾನ ಗಂಗಾಧರ್ ನಿಧನ! 'ಪ್ರೇಮಲೋಕ' ಧಾರಾವಾಹಿಯಲ್ಲಿ ನಟಿಸುವಾಗ ತಗುಲಿತ್ತು ಕೊರೊನಾ!
ಇನ್ನು, ಅನಿಲ್ ನಿಧನಕ್ಕೆ ಮಲಯಾಳಂ ಚಿತ್ರರಂಗದ ಮೋಹನ್ಲಾಲ್, ಪೃಥ್ವಿರಾಜ್ ಸುಕುಮಾರನ್, ಟೋವಿನೋ ಥಾಮಸ್ ಸೇರಿದಂತೆ ಅನೇಕರು ಸಂತಾಪ ಸೂಚಿಸಿದ್ದಾರೆ.
ಜನಪ್ರಿಯ ಹಾಸ್ಯ ನಟ ಮೈಕೆಲ್ ಮಧು ನಿಧನ! ಕಂಬನಿ ಮಿಡಿದ ಕನ್ನಡ ಚಿತ್ರರಂಗದ ಸೆಲೆಬ್ರಿಟಿಗಳು
1993ರಲ್ಲಿ ಮಲಯಾಳಂನಲ್ಲಿ ತೆರೆಕಂಡ 'ಕನ್ಯಾಕುಮಾರಿಯಿಲ್ ಒರು ಕವಿತಾ' ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಅನಿಲ್ ಮುರಳಿ ಎಂಟ್ರಿ ನೀಡಿದರು. ಖಡಕ್ ವಿಲನ್ ಪಾತ್ರಗಳಿಗೆ ಫೇಮಸ್ ಆಗಿದ್ದ ಅವರು, ಆನಂತರ ಪೊಲೀಸ್ ಪಾತ್ರ ಮಾಡುವುದರಲ್ಲೂ ಸಾಕಷ್ಟು ಜನಪ್ರಿಯರಾಗಿದ್ದರು. ಲಯನ್, ಬಲರಾಮ್ ವರ್ಸಸ್ ತಾರಾದಾಸ್, ಮಹಾಸಮುದ್ರಂ, ನೆರರಿಯನ್ ಸಿಬಿಐ, ಜುಲೈ 4, ರನ್ ಬೇಬಿ ರನ್, ಅಮೆನ್, ಡಾಲ್ಫಿನ್ ಬಾರ್, ರಾಮಲೀಲಾ, ಜೋಸೆಫ್, ಥನಿ ಒರುವನ್, ಕೊಡಿ ಸೇರಿದಂತೆ ಸಾಕಷ್ಟು ಸಿನಿಮಾಗಳಲ್ಲಿ ಅವರು ನಟಿಸಿದ್ದರು.
2013ರಲ್ಲಿ '6' ಚಿತ್ರದ ಮೂಲಕ ತಮಿಳಿಗೂ ಅವರು ಎಂಟ್ರಿ ನೀಡಿದ್ದರು. ಈಚೆಗೆ ತೆರೆಕಂಡಿದ್ದ ವಾಲ್ಟರ್ ಮತ್ತು ನಾಡೋಡಿಗಳ್ 2 ಸಿನಿಮಾಗಳಲ್ಲೂ ಅವರು ಬಣ್ಣ ಹಚ್ಚಿದ್ದರು. ತೆಲುಗಿನಲ್ಲಿ 'ರಗಿಲೆ ಕಾಸಿ', 'ಜಂಡ ಪೈ ಕಪಿರಾಜು' ಚಿತ್ರಗಳಲ್ಲಿ ಅವರು ನಟಿಸಿದ್ದರು. ಮಲಯಾಳಂನಲ್ಲಿ ಅವರು ನಟಿಸಿದ ಕೊನೆಯ ಸಿನಿಮಾ 'ಪ್ರೊಫೆಸರ್ ಡಿಂಕನ್'. 3ಡಿ ರೂಪದಲ್ಲಿ ಮೂಡಿಬಂದಿರುವ ಈ ಸಿನಿಮಾದಲ್ಲಿ ದಿಲೀಪ್, ನಮಿತಾ ಪ್ರಸಾದ್, ವಿಷ್ಣು ಉನ್ನಿಕೃಷ್ಣನ್, ಅಜು ವರ್ಗೀಸ್ ಮುಂತಾದವರು ನಟಿಸಿದ್ದಾರೆ. ರಾಮಚಂದ್ರ ಬಾಬು, ರವಿ ಕೆ. ಚಂದ್ರನ್ ನಿರ್ದೇಶನದ ಈ ಸಿನಿಮಾ ಇನ್ನಷ್ಟೇ ತೆರೆಗೆ ಬರಬೇಕಿದೆ.
ನಟ ಹುಲಿವಾನ ಗಂಗಾಧರ್ ನಿಧನ! 'ಪ್ರೇಮಲೋಕ' ಧಾರಾವಾಹಿಯಲ್ಲಿ ನಟಿಸುವಾಗ ತಗುಲಿತ್ತು ಕೊರೊನಾ!
ಇನ್ನು, ಅನಿಲ್ ನಿಧನಕ್ಕೆ ಮಲಯಾಳಂ ಚಿತ್ರರಂಗದ ಮೋಹನ್ಲಾಲ್, ಪೃಥ್ವಿರಾಜ್ ಸುಕುಮಾರನ್, ಟೋವಿನೋ ಥಾಮಸ್ ಸೇರಿದಂತೆ ಅನೇಕರು ಸಂತಾಪ ಸೂಚಿಸಿದ್ದಾರೆ.
ಜನಪ್ರಿಯ ಹಾಸ್ಯ ನಟ ಮೈಕೆಲ್ ಮಧು ನಿಧನ! ಕಂಬನಿ ಮಿಡಿದ ಕನ್ನಡ ಚಿತ್ರರಂಗದ ಸೆಲೆಬ್ರಿಟಿಗಳು