'ದಬಾಂಗ್‌-3'ಗೆ ಕನ್ನಡ ಡೈಲಾಗ್‌ ಬರಿತಾ ಇದ್ದಾರೆ ಗುರುದತ್‌ ಗಾಣಿಗ

ಸಲ್ಮಾನ್‌ ಖಾನ್‌ ಮತ್ತು ಸುದೀಪ್‌ ನಟನೆಯ 'ದಬಾಂಗ್‌-3' ಚಿತ್ರದ ಕನ್ನಡ ಅವತರಿಣಿಕೆಗೆ ಅಂಬಿ ನಿಂಗೆ ವಯಸ್ಸಾಯ್ತೋ ಸಿನಿಮಾದ ನಿರ್ದೇಶಕ ಗುರುದತ್‌ ಗಾಣಿಗ ಸಂಭಾಷಣೆ ಬರೆಯುತ್ತಿದ್ದಾರೆ.

ಸಹ ನಿರ್ದೇಶಕರಾಗಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಗುರುದತ್‌, ಸುದೀಪ್‌ ಅವರ ಬಳಗದಲ್ಲಿ ಬರಹಗಾರರಾಗಿ, ಸಹಾಯಕ ನಿರ್ದೇಶಕರಾಗಿ ಗುರುತಿಸಿಕೊಂಡರು. ರನ್ನ, ಮುಕುಂದ ಮುರಾರಿ ಸೇರಿದಂತೆ ಸಾಕಷ್ಟು ಸಿನಿಮಾಗಳಿಗೆ ಅವರು ಕೆಲಸ ಮಾಡಿದ್ದಾರೆ. ಅದಾದ ಮೇಲೆ ಸುದೀಪ್‌ ನಿರ್ಮಾಣದ ಅಂಬಿ ನಿಂಗೆ ವಯಸ್ಸಾಯ್ತೋ ಸಿನಿಮಾದ ನಿರ್ದೇಶಕರಾದರು. ಬಾಕ್ಸ್ ಆಫೀಸ್‌ನಲ್ಲಿ ಮುಖಾಮುಖಿ ಆಗಲಿದ್ದಾರೆ ದರ್ಶನ್-ಸುದೀಪ್‌?

ಸದ್ಯ ಎರಡನೇ ಸಿನಿಮಾದ ತಯಾರಿಯಲ್ಲಿರುವ ಅವರಿಗೆ, ದಬಾಂಗ್‌-3 ಚಿತ್ರದ ಕನ್ನಡ ಡೈಲಾಗ್‌ಗಳನ್ನು ಬರೆಯುವ ಕೆಲಸವನ್ನು ವಿತರಕ ಮಂಜು ವಹಿಸಿದ್ದಾರೆ. 'ಗುರುದತ್‌ ಗಾಣಿಗ ಒಬ್ಬ ಒಳ್ಳೆ ಬರಹಗಾರ. ಅವರ ಜತೆ ಕೆಲಸ ಮಾಡಿದ್ದೇನೆ ಹಾಗಾಗಿ ಈ ಜವಬ್ದಾರಿಯನ್ನು ಅವರಿಗೆ ವಹಿಸಿದ್ದೇನೆ'ಎಂದು ಹೇಳಿದರು. ದಬಾಂಗ್‌ 3: ಕನ್ನಡ ಕಲಿಯುತ್ತಿದ್ದಾರೆ ಸಲ್ಮಾನ್‌ ಖಾನ್‌

'ಸದ್ಯಕ್ಕೆ ನಾನು ಡೈಲಾಗ್‌ಗಳನ್ನು ಬರೆಯುತ್ತಿದ್ದೇನೆ. ಹಾಡುಗಳನ್ನು ಅನೂಪ್‌ ಭಂಡಾರಿ ಬರೆಯುತ್ತಿದ್ದಾರೆ. ಹಿಂದಿಯ ದೊಡ್ಡ ಪ್ರಾಜೆಕ್ಟ್‌ನಲ್ಲಿ ನಾನು ಕೆಲಸ ಮಾಡುತ್ತಿರುವು ನನಗೆ ಖುಷಿಯ ವಿಚಾರ. ಕನ್ನಡದ ನೇಟಿವಿಟಿ ಮತ್ತು ಕನ್ನಡಿಗರಿಗೆ ಇಷ್ಟವಾಗುವಂತಹ ಡೈಲಾಗ್‌ಗಳನ್ನು ಬರೆಯುತ್ತಿದ್ದೇನೆ'ಎನ್ನುತ್ತಾರೆ ಗುರುದತ್‌ ಗಾಣಿಗ. ಸೈರಾ ನರಸಿಂಹ ರೆಡ್ಡಿ ಕನ್ನಡ ವರ್ಷನ್‌ ಹಿಟ್‌ ಆದ ಮೇಲೆ ಕ್ವಾಲಿಟಿ ಇರುವ ಡಬ್ಬಿಂಗ್‌ ಸಿನಿಮಾಗಳನ್ನು ರಿಲೀಸ್‌ ಮಾಡುವತ್ತ ಗಮನ ಹರಿಸಿದ್ದಾರೆ ವಿತರಕರು. ಕಿಚ್ಚನ 'ದಬಾಂಗ್' ಲುಕ್ ರಿವೀಲ್ ಮಾಡಿದ ಚುಲ್‌ಬುಲ್ ಪಾಂಡೆ