ಇಂಟರ್‌ನೆಟ್‌ನಲ್ಲಿ ಅಮಲಾ ಪೌಲ್‌ ಫೋಟೋ ದುರ್ಬಳಕೆ! ಮಾಜಿ ಬಾಯ್‌ ಫ್ರೆಂಡ್‌ ವಿರುದ್ಧ ಕೇಸ್‌

ಸಿನಿಮಾಗಳಿಗಿಂತಲೂ ಖಾಸಗಿ ವಿಚಾರದಿಂದಲೇ ನಟಿ ಅಮಲಾ ಪೌಲ್‌ ಸುದ್ದಿ ಆಗುತ್ತಿದ್ದಾರೆ. ಬಹುಬೇಡಿಕೆಯ ಹೀರೋಯಿನ್‌ ಆಗಿದ್ದ ಅವರ ಖಾಸಗಿ ಬದುಕು ಹಳಿ ತಪ್ಪಿದೆ. ಈಗ ತಮ್ಮ ಕೆಲವು ಫೋಟೋಗಳು ದುರ್ಬಳಕೆ ಆಗಿವೆ ಎಂದು ಅವರು ಕೋರ್ಟ್‌ ಮೆಟ್ಟಿಲು ಏರಿದ್ದಾರೆ. ಮಾಜಿ ಪ್ರಿಯತಮನ ವಿರುದ್ಧವೇ ಕೇಸ್‌ ಹಾಕಿದ್ದಾರೆ.

ಕಳೆದ ವರ್ಷ ಅಮಲಾ ಪೌಲ್‌ ಮತ್ತು ಗಾಯಕ ಭವನಿಂದರ್ ಸಿಂಗ್ ವಿವಾಹ ಆಗಿದ್ದಾರೆ ಎನ್ನಲಾದ ಫೋಟೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದ್ದವು. ಅದನ್ನು ನೋಡಿದವರು ನಿಜಕ್ಕೂ ಅಮಲಾ-ಭವನಿಂದರ್ ದಾಂಪತ್ಯ ಜೀವನ ಆರಂಭಿಸಿದ್ದಾರೆ ಎಂದುಕೊಳ್ಳುವಂತಿತ್ತು. ಆದರೆ ತಾವು ಮದುವೆ ಆಗಿಲ್ಲ ಎಂದು ಅಮಲಾ ಸ್ಪಷ್ಟನೆ ನೀಡಿದರು ಮತ್ತು ಆ ಫೋಟೋಗಳನ್ನು ಭವನಿಂದರ್‌ ಕೂಡ ಡಿಲೀಟ್‌ ಮಾಡಿದರು. ಆ ಫೋಟೋಗಳೇ ಈಗ ಕಿರಿಕ್‌ಗೆ ಕಾರಣ ಆಗಿವೆ.

ವೃತ್ತಿಪರ ಉದ್ದೇಶದಿಂದ ಮಾಡಿಸಿದ ಆ ಫೋಟೋಶೂಟ್‌ ಅನ್ನು ಭವನಿಂದರ್‌ ದುರ್ಬಳಕೆ ಮಾಡಿಕೊಂಡಿದ್ದಾರೆ ಎಂದು ಅಮಲಾ ಆರೋಪಿಸಿದ್ದಾರೆ. ತಪ್ಪಾದ ಕ್ಯಾಪ್ಷನ್‌ಗಳೊಂದಿಗೆ ಅವುಗಳನ್ನು ಪೋಸ್ಟ್‌ ಮಾಡಲಾಗಿದೆ ಎಂಬುದು ಅಮಲಾ ಅಸಮಾಧಾನಕ್ಕೆ ಕಾರಣ ಆಗಿದೆ. ಹಾಗಾಗಿ ಅವರು ಭವನಿಂದರ್ ವಿರುದ್ಧ ಚೆನ್ನೈ ಹೈಕೋರ್ಟ್‌ ಮೆಟ್ಟಿಲೇರಿದ್ದಾರೆ. ಆ ಫೋಟೋಗಳನ್ನು ಬಳಸದಂತೆ ತಡೆಯಾಜ್ಞೆ ನೀಡಬೇಕು ಎಂದು ಮನವಿ ಮಾಡಿಕೊಂಡಿದ್ದಾರೆ.

also read: 2ನೇ ಮದುವೆ ಬಗ್ಗೆ ಕಡೆಗೂ ಬಾಯಿಬಿಟ್ಟ ನಟಿ ಅಮಲಾ ಪೌಲ್‌; ಎಲ್ಲ ಪ್ರಶ್ನೆಗಳಿಗೂ ಸಿಕ್ತು ಉತ್ತರ!

ಕೇರಳ ಮೂಲದ ಅಮಲಾ ಪೌಲ್‌ ಬಹುಭಾಷೆಯಲ್ಲಿ ಗುರುತಿಸಿಕೊಂಡಿದ್ದಾರೆ. ತೆಲುಗು, ಮಲಯಾಳಂ, ತಮಿಳು ಬಳಿಕ ಅವರು ಕನ್ನಡದಲ್ಲೂ ನಟಿಸಿದರು. ಸುದೀಪ್‌ ಜೊತೆ 'ಹೆಬ್ಬುಲಿ' ಚಿತ್ರದಲ್ಲಿ ತೆರೆಹಂಚಿಕೊಂಡರು. 2014ರಲ್ಲಿ ನಿರ್ದೇಶಕ ಎ.ಎಲ್‌. ವಿಜಯ್‌ ಜೊತೆ ಅಮಲಾ ಮದುವೆ ಆಗಿತ್ತು. ಆದರೆ ಇಬ್ಬರ ನಡುವೆ ವೈಮನಸ್ಸು ಮೂಡಿ, 2017ರಲ್ಲಿ ವಿಚ್ಛೇದನ ಪಡೆದುಕೊಂಡರು. ಆ ಬಳಿಕ ಅವರ ಹೆಸರು ಭವನಿಂದರ್ ಸಿಂಗ್ ಜೊತೆ ತಳುಕುಹಾಕಿಕೊಂಡಿತು.

also read: ಲಿಪ್-ಲಾಕ್ ಫೋಟೋ ಬಳಿಕ ನಟಿ ಅಮಲಾ ಪೌಲ್ ಕ್ವಾರಂಟೈನ್ ವಿಡಿಯೋ ವೈರಲ್