ಇಹಲೋಕ ತ್ಯಜಿಸಿದ 100 ಸಿನಿಮಾ ಹಾಗೂ ಧಾರಾವಾಹಿ ನಟಿ ಆಶಾಲತಾ!

ಕೊರೊನಾ ವೈರಸ್‌ನಿಂದಾಗಿ ನಟಿ ಆಶಾಲತಾ ವಾಬ್‌ಗಾಂವ್ಕರ್ ನಿಧನರಾಗಿದ್ದಾರೆ. ಅವರಿಗೆ 79 ವರ್ಷ ವಯಸ್ಸಾಗಿತ್ತು. ಕೆಲ ದಿನಗಳ ಹಿಂದೆಯೇ ಕೊರೊನಾ ಸೋಂಕು ಕಾಣಿಸಿಕೊಂಡಿದ್ದು, ಅವರನ್ನು ಮಹಾರಾಷ್ಟ್ರದ ಸತಾರಾದಲ್ಲಿನ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಅವರು ಇಹಲೋಕ ತ್ಯಜಿಸಿದ್ದಾರೆ.

ಇಂದು ಬೆಳಗ್ಗೆ 4.45ಕ್ಕೆ ಆಶಾಲತಾ ನಿಧನರಾಗಿದ್ದಾರೆ. ಮರಾಠಿ ಭಾಷೆಯ ಸಿನಿಮಾ ಹಾಗೂ ಧಾರಾವಾಹಿಗಳಲ್ಲಿ ಇವರು ನಟಿಸಿದ್ದಾರೆ. ಸತಾರದಲ್ಲಿನ 'ಆಯ್‌ ಮಜಿ ಕಲುಬಾಯಿ' ಎಂಬ ಪೌರಾಣಿಕ ಶೋನಲ್ಲಿ ಭಾಗವಹಿಸಿದ್ದರು. ಅಲ್ಲಿದ್ದವರಿಗೆ ಕೊರೊನಾ ಬಂದಿತ್ತು, ಹೀಗಾಗಿ ಆಶಾಲತಾ ಕೂಡ ಕೊರೊನಾ ಪರೀಕ್ಷೆ ಮಾಡಿಸಿಕೊಂಡಿದ್ದರು. ಆಗ ಅವರಿಗೆ ಕೋವಿಡ್ ಪಾಸಿಟಿವ್ ಬಂದಿತ್ತು. ಈ ಶೂಟಿಂಗ್‌ನಲ್ಲಿ ಭಾಗವಹಿಸಿದ್ದ 20 ಜನರಿಗೆ ಕೊರೊನಾ ಬಂದಿದ್ದು, ಆಶಾಲತಾ ಸ್ಥಿತಿ ಗಂಭೀರವಾಗಿತ್ತು.

100ಕ್ಕೂ ಅಧಿಕ ಮರಾಠಿ ಹಾಗೂ ಹಿಂದಿ ಸಿನಿಮಾಗಳಲ್ಲಿ ಆಶಾಲತಾ ನಟಿಸಿದ್ದರು. ಇವರ ನಿಧನಕ್ಕೆ ನಟ ಅನಿಲ್ ಕುಮಾರ್ ಮುಂತಾದವರು ಸೋಶಿಯಲ್ ಮೀಡಿಯಾದಲ್ಲಿ ಸಂತಾಪ ಸೂಚಿಸಿದ್ದಾರೆ. ಕೊಂಕಣಿ ಹಾಗೂ ಮರಾಠಿ ಭಾಷೆಯ ನಾಟಕಗಳಲ್ಲಿ ಅಭಿನಯಿಸುತ್ತಿದ್ದ ಅವರು, ಆಮೇಲೆ ಚಿತ್ರರಂಗಕ್ಕೆ ಕಾಲಿಟ್ಟರು. Gard Sabhowati ಎಂಬ ಪುಸ್ತಕವನ್ನು ಇವರು ಬರೆದಿದ್ದಾರೆ.

Also Read-ನಟ ಅರ್ಜುನ್ ಕಪೂರ್ ನಂತರ ನಟಿ ಮಲೈಕಾ ಅರೋರಾಗೂ ಕೊರೊನಾ ಪಾಸಿಟಿವ್!

Sunrise, Police Force: An Inside Story, ಪ್ರೇಮ ದಿವಾನೆ, ಭೇಟಿ ನಂಬರ್ 1, ದಾವಾ, ಜೂತಿ ಶಾನ್ ಮುಂತಾದ ಸಿನಿಮಾಗಳಲ್ಲಿ ಆಶಾಲತಾ ನಟಿಸಿದ್ದರು.