ಆರ್‌ಆರ್‌ಆರ್‌ನಲ್ಲಿ ರಂಗಭೂಮಿ ನಟಿ
ರಂಗಭೂಮಿ ನಟಿಯಾಗಿರುವ ಒಲಿವಿಯಾ ಮೋರಿಸ್ 'ಆರ್ಆರ್ಆರ್'ನಲ್ಲಿ ಜೆನ್ನಿಫರ್ ಅನ್ನೋ ಪಾತ್ರ ಮಾಡಿದ್ದಾರೆ. ಈ ಮೊದಲು ಈ ಪಾತ್ರಕ್ಕೆ ಎಮ್ಮಾ ರಾಬರ್ಟ್ಸ್ ಆಯ್ಕೆ ಆಗಿದ್ದರು.
ಬ್ರಿಟಿಷ್ ವಿಲನ್ ಆಗಿ ಸ್ಟೀವನ್‌ಸನ್‌
ಹಾಲಿವುಡ್ ನಟ ರೇ ಸ್ಟೀವನ್‌ಸನ್‌ ಈ ಸಿನಿಮಾದಲ್ಲಿ ಬ್ರಿಟಿಷ್ ಖಳನಾಗಿ ಕಾಣಿಸಿಕೊಂಡಿದ್ದಾರೆ. ಚಿತ್ರದಲ್ಲಿ ಅವರದ್ದು ಸ್ಕಾಟ್ ಎಂಬ ಪಾತ್ರ. 'ಥೋರ್', 'ದಿ ಟ್ರಾನ್ಸ್‌ಪೋರ್ಟರ್' ಮುಂತಾದ ಹಾಲಿವುಡ್ ಸಿನಿಮಾಗಳಲ್ಲಿ ಅವರು ನಟಿಸಿದ್ದಾರೆ.
ಲೇಡಿ ವಿಲನ್ ಆಗಿ ಅಲಿಸನ್
ಮತ್ತೋರ್ವ ಹಾಲಿವುಡ್ ನಟಿ ಅಲಿಸನ್ ಡೂಡಿ 'ಆರ್ಆರ್ಆರ್'ನಲ್ಲಿ ಲೇಡಿ ವಿಲನ್ ಆಗಿ ಕಾಣಿಸಿಕೊಳ್ಳಲಿದ್ಧಾರೆ. 53ರ ಹರೆಯದ ಈ ನಟಿಗೆ ಚಿತ್ರದಲ್ಲಿ ಲೇಡಿ ಸ್ಕಾಟ್ ಪಾತ್ರವಿದೆ.
ರಾಮ್ ಚರಣ್‌ಗೆ ಜೋಡಿಯಾದ ಆಲಿಯಾ
ಬಾಲಿವುಡ್ ನಟಿ ಆಲಿಯಾ ಭಟ್ ಈ ಸಿನಿಮಾದಲ್ಲಿ ರಾಮ್ ಚರಣ್‌ಗೆ ಜೋಡಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ಮೂಲಕ ಇದೇ ಮೊದಲ ಬಾರಿಗೆ ಅವರಿಗೆ ತೆಲುಗು ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ.
ಮಹತ್ವದ ಪಾತ್ರದಲ್ಲಿ ಅಜಯ್ ದೇವ್‌ಗನ್‌
ನಟ ಅಜಯ್ ದೇವ್‌ಗನ್‌ 'ಆರ್ಆರ್ಆರ್'ನಲ್ಲಿ ಮಹತ್ವದ ಪಾತ್ರಕ್ಕೆ ಬಣ್ಣ ಹಚ್ಚುವ ಮೂಲಕ ಟಾಲಿವುಡ್‌ಗೆ ಕಾಲಿಟ್ಟಿದ್ದಾರೆ.
ರಾಜಮೌಳಿ ಮೇಲೆ ಹೆಚ್ಚಿದ ನಿರೀಕ್ಷೆ
'ಬಾಹುಬಲಿ' ನಂತರ ರಾಜಮೌಳಿ 'ಆರ್ಆರ್ಆರ್' ಚಿತ್ರವನ್ನು ಕೈಗೆತ್ತಿಕೊಂಡಿರುವುದರಿಂದ ದೊಡ್ಡ ಮಟ್ಟದಲ್ಲಿ ನಿರೀಕ್ಷೆ ಹುಟ್ಟಿಕೊಂಡಿದೆ. ಬಹುಭಾಷೆಯಲ್ಲಿ ಈ ಸಿನಿಮಾ ನಿರ್ಮಾಣಗೊಳ್ಳಲಿದೆ.