ಕೋಲ್ಕತ್ತಾ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಪ್ರದರ್ಶನಕ್ಕೆ ಆಯ್ಕೆಯಾದ ಕನ್ನಡದ ಒಂದು ಟಿಟಿ ಸಿನಿಮಾ ಕಥೆ

ಇತ್ತೀಚಿನ ದಿನಗಳಲ್ಲಿ ಸಾಕಷ್ಟು ಹೊಸಬರ ಸಿನಿಮಾಗಳು ಅಂತಾರಾಷ್ಟ್ರೀಯ ಚಲನ ಚಿತ್ರೋತ್ಸವದಲ್ಲಿಸದ್ದು ಮಾಡುತ್ತಿವೆ ಆ ಸಾಲಿಗೆ ಐ 1 ಎಂಬ ಸಿನಿಮಾ ಕೂಡಾ ಸೇರ್ಪಡೆಯಾಗಿದೆ.

ಐ 1 ಎಂಬ ಸಿನಿಮಾ ಕೋಲ್ಕತ್ತಾ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದ ಪ್ರದರ್ಶನಕ್ಕೆ ಆಯ್ಕೆಯಾಗಿದೆ. ಈ ಸಿನಿಮಾವನ್ನು ಶೈಲಜಾ ಪ್ರಕಾಶ್‌ ಎನ್ನುವವರು ನಿರ್ಮಾಣ ಮಾಡಿದ್ದಾರೆ. ಈಗಾಗಲೇ ಚಿತ್ರತಂಡಕ್ಕೆ ಕೊಲ್ಕತ್ತಾಗೆ ಬರಲು ಆಹ್ವಾನ ಬಂದಿದ್ದು, ನವೆಂಬರ್‌ 8 ರಿಂದ ಆರಂಭವಾಗಲಿರುವ ಚಿತ್ರೋತ್ಸವದಲ್ಲಿ ಚಿತ್ರತಂಡ ಪಾಲ್ಗೊಳ್ಳಲಿದೆ.

ಕನ್ನಡ ರಾಜ್ಯೋತ್ಸವದಂದು ಐ1 ಚಿತ್ರ ಟೀಸರ್‌ ಬಿಡುಗಡೆಯಾಗಿ ಸೋಷಿಯಲ್‌ ಮಿಡಿಯಾದಲ್ಲಿಕೊಂಚ ಸದ್ದು ಮಾಡುತ್ತಿದೆ. ಈ ಟೀಸರ್‌ನಲ್ಲಿಸಿನಿಮಾದ ಇಂಟೆನ್ಸಿಟಿ ರಿವೀಲ್‌ ಆಗಿದೆ. ಈ ಸಿನಿಮಾದಲ್ಲಿ ರಂಜನ್‌, ದೀರಜ್‌, ಪ್ರಸಾದ್‌, ಕಿಶೋರ್‌, ಸೇರಿದಂತೆ ಸಾಕಷ್ಟು ಮಂದಿ ಹೊಸಬರು ನಟಿಸಿದ್ದಾರೆ. ಸೈಕಾಲಾಜಿಕಲ್‌ ಥ್ರಿಲ್ಲರ್‌ ಕಥೆ ಹೊಂದಿರುವ ಈ ಸಿನಿಮಾವನ್ನು ರಾಜ್‌ಕುಮಾರ್‌ ಎಂಬ ಹೊಸ ಪ್ರತಿಭೆ ನಿರ್ದೇಶನ ಮಾಡಿದ್ದಾರೆ. ಒಟ್ಟಿನಲ್ಲಿ ಬಿಡುಗಡೆಗೂ ಮುನ್ನವೇ ಸಿನಿಮಾ ಅಂತಾರಾಷ್ಟ್ರೀಯ ಚಿತ್ರೋತ್ಸವಕ್ಕೆ ಆಯ್ಕೆಯಾಗಿರುವುದಕ್ಕೆ ಚಿತ್ರತಂಡ ಸಂತಸ ವ್ಯಕ್ತಪಡಿಸಿದೆ.

"ಈ ಹಿಂದೆ ಫಿಲಂ ಕೋರ್ಸ್ ಮಾಡಿದ್ದೆ, ಧಾರಾವಾಹಿಯಲ್ಲೂ ಅಭಿನಯಿಸಿದ್ದೆ, ಕೊರಿಯನ್ ಪ್ಯಾಟರ್ನ್ ರೀತಿಯ ಸಿನಿಮಾವಿದು, ಅನಿರೀಕ್ಷಿತ ಅನುಭವ ಆಯಿತು ಈ ಸಿನಿಮಾದಲ್ಲಿ, ಟ್ರೇಲರ್‌ನಲ್ಲಿ ಏನು ಅನುಭವ ಅನ್ನೋದು ತಿಳಿಯಲಿದೆ" ಎಂದಿದ್ದಾರೆ ನಟ ಕಿಶೋರ್.

"ಧೀರಜ್ ಪ್ರಸಾದ್ ಅವರು ಮೂಲತಃ ರಂಗಭೂಮಿ ಕಲಾವಿದ, ಇವರ ನಾಟಕ ನೋಡಿ ನಿರ್ದೇಶಕರು ಸಿನಿಮಾಕ್ಕೆ ಇವರನ್ನು ಆಯ್ಕೆ ಮಾಡಿಕೊಂಡಿದ್ದಾರಂತೆ.

ಒಂದು ಗಾಡಿಯೊಳಗೆ ಮೂವರು ಸಿಲುಕಿಕೊಳ್ಳುತ್ತಾರೆ, ಈ ವಿಚಾರವಾಗಿಯೇ ಕಥೆ ಸಾಗುತ್ತದೆ, ಇದನ್ನೆಲ್ಲ ಯಾರು ಮಾಡ್ತಾರೆ? ಟಿಟಿಯೊಳಗೆ ಯಾಕೆ ಸಿಲುಕಿಕೊಂಡರು ಅನ್ನೋದು ತಿಳಿಯಲು ಸಿನಿಮಾ ನೋಡಬೇಕು. ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾವಿದು. ಟಿಟಿಯನ್ನು ಸ್ಪೆಷಲ್ ಆಗಿ ತಯಾರಿಸಲಾಗಿದೆ. ಹೀರೋಯಿನ್ ಇದ್ದಾರೆ, ಆದರೆ ಅವರಾರು ಎಂದು ತಿಳಿದುಕೊಳ್ಳಲು ಸಿನಿಮಾ ನೋಡಬೇಕಂತೆ. ಈ ಚಿತ್ರಕ್ಕೆ ಯು ಸೆಟಿ೯ಫಿಕೇಟ್ ಬಂದಿದೆ