ಚಿತ್ರೀಕರಣದಲ್ಲೇ ದಾಖಲೆ ಬರೆದಿದೆ 'ಐ1' ಚಿತ್ರತಂಡ!

ಒಂದಿಡೀ ಸಿನಿಮಾ ಕಥೆ ಮನೆಯೊಳಗೆ ನಡೆಯುವಂತಹ, ಸ್ಟುಡಿಯೋ ಒಳಗೆ ನಡೆಯುವಂತಹ ಸಿನಿಮಾಗಳನ್ನು ಈಗಾಗಲೇ ನೋಡಿದ್ದೇವೆ. ಆದರೆ, ಇಲ್ಲೊಂದು ತಂಡ, ಕೊಂಚ ವಿಭಿನ್ನ ಪ್ರಯತ್ನ ಮಾಡಿದೆ. ಇಡೀ ಸಿನಿಮಾವನ್ನು ಟೆಂಪೋ ಟ್ರಾವೆಲರ್ ಒಳಗೆ ಶೂಟಿಂಗ್ ಮಾಡಲಾಗಿದೆ!

ಕಪಟನಾಟಕ ಪಾತ್ರಧಾರಿ ಚಿತ್ರ ವಿಮರ್ಶೆ

ಟೆಂಪೋ ಟ್ರಾವೆಲರ್‌ (ಟಿಟಿ) ಒಳಗಡೆ ನಡೆಯುವ ಈ ಕಥೆಗೆ 'ಐ 1' ಎಂದು ಹೆಸರಿಡಲಾಗಿದೆ. ಇತ್ತೀಚಿನ ದಿನಗಳಲ್ಲಿತಂತ್ರಜ್ಞಾನವನ್ನು ಬಳಸಿಕೊಂಡು ಹೊಸ ಬಗೆಯ ಕಥೆಗಳನ್ನು ಯುವ ನಿರ್ದೇಶಕರು ಸಿನಿಮಾವಾಗಿಸುತ್ತಿದ್ದಾರೆ. ಈ ಸಾಲಿಗೆ ಈ 'ಐ 1' ಸಹ ಸೇರಿಕೊಂಡಿದೆ. ಈ ಸಿನಿಮಾ ನಡೆಯುವುದು ಒಂದು ಟೆಂಪೋಟ್ರಾವಲ್‌ (ಟಿಟಿ)ನಲ್ಲಿ. ಸಿನಿಮಾದ ಮುಖ್ಯ ಪಾತ್ರಧಾರಿಗಳು ಒಂದೇ ಟಿಟಿಯಲ್ಲಿ ಬಂದಿಯಾಗುತ್ತಾರೆ. ಇವರು ಇಲ್ಲಿ ಬಂದಿಯಾಗಿದ್ದೇಕೆ? ಆನಂತರ ಏನಾಗುತ್ತದೆ ಎಂಬುದೇ ಈ ಚಿತ್ರದ ಕಥೆ. ಈ ಮೂಲಕ ಸಮಾಜಕ್ಕೆ ಒಂದು ಸಂದೇಶವನ್ನು ಸಹ ನೀಡಿದ್ದಾರೆ.

ರಶ್ಮಿಕಾ ಮಂದಣ್ಣ ಅವರ ಬಾಲ್ಯದ ಫೊಟೋಗೆ ಅಶ್ಲೀಲ ಪದ ಬಳಸಿ ಟ್ರೋಲ್‌! ಗರಂ ಆದ ನಟಿ ಮತ್ತು ಚಿತ್ರರಂಗ!!

ಚಿತ್ರದಲ್ಲಿ ಪ್ರತಿ ಹತ್ತು ನಿಮಿಷಕ್ಕೆ ನೋಡುಗನಿಗೆ ಥ್ರಿಲ್‌ ಎನಿಸುವಂತಹ ದೃಶ್ಯಗಳಿರುತ್ತವೆಯಂತೆ. ಈ ಸಿನಿಮಾದಲ್ಲಿ ನಾಯಕಿ ಇದ್ದಾರೆ. ಜತೆಗೆ ಮುಖ್ಯ ಪಾತ್ರಧಾರಿಗಳನ್ನು ಕೂಡಿ ಹಾಕುವ ವ್ಯಕ್ತಿಯೂ ಸಿನಿಮಾದಲ್ಲಿಇರಲಿದ್ದಾರೆ. ಆದರೆ ಅವರಾರ‍ಯರು ಎಂಬುದನ್ನು ಚಿತ್ರತಂಡ ಸದ್ಯಕ್ಕೆ ಹೇಳುವುದಿಲ್ಲವಂತೆ. ಶೈಲಜಾ ಪ್ರಕಾಶ್‌ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಆರ್‌.ಎಸ್‌. ರಾಜ್‌ಕುಮಾರ್‌ ಮೊದಲ ಬಾರಿಗೆ ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ. ಕಿಶೋರ್‌, ಖಡಕ್‌ ಹಾಗೂ ಮುಗಧ್ದನಾಗಿ ರಂಜನ್‌ ಧೀರಜ್‌ಪ್ರಸಾದ್‌ ಕಾಣಿಸಿಕೊಂಡಿದ್ದಾರೆ.