ತರಕಾರಿ ಮಾರುತ್ತ, ಕುರಿ ಕಾಯುತ್ತಿದ್ದಾರೆ ರಶ್ಮಿಕಾ ಮಂದಣ್ಣ !!!

'ಕಿರಿಕ್ ಪಾರ್ಟಿ' ಚಿತ್ರ ತೆರೆ ಕಂಡ ನಂತರ ರಶ್ಮಿಕಾ ಮಂದಣ್ಣ ತೆಲುಗಿನಲ್ಲಿ ಬಿಜಿಯಾದರು. ದರ್ಶನ್ ನಟನೆಯ 'ಯಜಮಾನ' ಸಿನಿಮಾದಲ್ಲಿ ಕಾಣಿಸಿಕೊಂಡ ನಂತರ ಅವರ ಕನ್ನಡ ಚಿತ್ರಗಳು ತೆರೆ ಕಂಡಲಿಲ್ಲ. ಆದರೆ ಧ್ರುವ ಸರ್ಜಾ ನಾಯಕ ನಟನಾಗಿ ಕಾಣಿಸಿಕೊಂಡಿರುವ 'ಪೊಗರು' ಸಿನಿಮಾದಲ್ಲೂ ಕಿರಿಕ್ ಹುಡುಗಿ ನಟಿಸಿದ್ದಾರೆ. ಅದು ಇನ್ನೇನು ತೆರೆ ಕಾಣಬೇಕಿದೆ.

ರಶ್ಮಿಕಾ ಮಂದಣ್ಣ ನಟನೆಯ 'ಪೊಗರು' ಚಿತ್ರದ ಟ್ರೇಲರ್ ಇನ್ನು ನಾಲ್ಕು ದಿನಗಳಲ್ಲಿ ರಿಲೀಸ್ ಆಗಲಿದೆ. ಒಟ್ಟಿನಲ್ಲಿ ಕನ್ನಡಕ್ಕಿಂತ ಉಳಿದ ಭಾಷೆಗಳಲ್ಲಿಯೇ ರಶ್ಮಿಕಾ ಸಿನಿಮಾ ಮಾಡುತ್ತಿದ್ದಾರೆ. ಬಾಲಿವುಡ್‌ನಿಂದಲೂ ಕೂಡ ರಶ್ಮಿಕಾಗೆ ಆಫರ್ ಬರುತ್ತಿದ್ದು, ಮುಂದಿನ ದಿನಗಳಲ್ಲಿ ಅವರು ಹಿಂದಿ ಚಿತ್ರದಲ್ಲಿ ಅಭಿನಯಿಸುವ ಸಾಧ್ಯತೆಯಿದೆ.

ದಕ್ಷಿಣದ ಮೂರು ಭಾಷೆಗಳಲ್ಲಿ ಬಿಝಿ: ಕನ್ನಡ ನಟಿಯಾಗಿ ಹೆಮ್ಮೆಯಾಗಿದೆ ಎಂದ ರಶ್ಮಿಕಾ

ರಶ್ಮಿಕಾ ತಮಿಳು ಚಿತ್ರದಲ್ಲಿ ನಟಿಸುತ್ತಿರುವುದು ಹಳೆಯ ವಿಚಾರ. ನಟ ಕಾರ್ತಿ ಅಭಿನಯದ 'ಸುಲ್ತಾನ್' ಸಿನಿಮಾದಲ್ಲಿ ಅವರು ಹಳ್ಳಿ ಹುಡುಗಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ. ಈ ಚಿತ್ರದಲ್ಲಿ ಇವರ ಲುಕ್‌ ಹೇಗಿರಲಿದೆ ಎಂಬ ಕುತೂಹಲ ಇತ್ತು.

ರಶ್ಮಿಕಾ ಮಂದಣ್ಣ ಚಿತ್ರದಲ್ಲಿ ತಮನ್ನಾಗೆ ಏನು ಕೆಲಸ?

'ಸುಲ್ತಾನ್' ಚಿತ್ರತಂಡ ಈಗ ಈ ಲುಕ್ ರಿವೀಲ್ ಮಾಡಿದೆ. ತರಕಾರಿ ಮಾರುತ್ತಿರುವ, ಕುರಿ ಕಾಯುತ್ತಿರುವ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ. ಈ ಸಿನಿಮಾವನ್ನು ಭಾಗ್ಯರಾಜ್‌ ಕಣ್ಣನ್‌ ನಿರ್ದೇಶನ ಮಾಡುತ್ತಿದ್ದಾರೆ. ಸುಲ್ತಾನ್‌ ಎಂಬ ಟೈಟಲ್‌ನಲ್ಲಿ ರಜಿನಿಕಾಂತ್‌ ಆ್ಯನಿಮೇಟೆಡ್‌ ಸಿನಿಮಾ ಅನೌನ್ಸ್‌ ಆಗಿತ್ತು. ಆದರೆ ಈಗ ಆ ಟೈಟಲ್‌ನಲ್ಲಿಯೇ ಕಾರ್ತಿ ಮತ್ತು ರಶ್ಮಿಕಾ ಸಿನಿಮಾ ಸೆಟ್ಟೇರಿದೆ.

'ಕರ್ನಾಟಕದ ಕ್ರಶ್' ರಶ್ಮಿಕಾ ಮಂದಣ್ಣ ಮುಡಿಗೆ ಪ್ರಶಸ್ತಿಯ ಗರಿ

'ಕರ್ನಾಟಕದ ಕ್ರಶ್' ರಶ್ಮಿಕಾ ಮಂದಣ್ಣ ಮುಡಿಗೆ ಪ್ರಶಸ್ತಿಯ ಗರಿ

ರಶ್ಮಿಕಾ ಮಂದಣ್ಣ ಕೈಯಲ್ಲಿ ಆರು ಸಿನಿಮಾಗಳಿವೆ. ಮಹೇಶ್ ಬಾಬು, ಅಲ್ಲು ಅರ್ಜುನ್ ಜೊತೆಯೂ ಅವರು ತೆಲುಗಿನಲ್ಲಿ ನಟಿಸುತ್ತಿದ್ದಾರೆ. ರಶ್ಮಿಕಾ ಅಭಿನಯದ 'ಭೀಷ್ಮ', 'ಸರಿಲೇರು ನೀಕೆವ್ವರು' 'ಪೊಗರು', 'ಎಎ20' ಚಿತ್ರಗಳು ತೆರೆ ಕಾಣಬೇಕಿದೆ.
ಒಟ್ಟಿನಲ್ಲಿ ದಕ್ಷಿಣ ಭಾರತದ ಬಹುಬೇಡಿಕೆಯ ನಟಿಯಾಗಿ ಕನ್ನಡತಿ ರಶ್ಮಿಕಾ ಮಂದಣ್ಣ ಬೆಳೆದಿದ್ದಾರೆ.



ಟಾಲಿವುಡ್‌ ನಿರ್ಮಾಪಕ ನೀಡಿದ ಆಫರ್ ರಿಜೆಕ್ಟ್ ಮಾಡಿದ ರಶ್ಮಿಕಾ ಮಂದಣ್ಣ! ಎನಿದು ವಿಚಾರ?