Sean Connery Death: 'ಜೇಮ್ಸ್ ಬಾಂಡ್' ಪಾತ್ರ ಮಾಡಿದ್ದ ಮೊದಲ ನಟ ಶಾನ್‌ ಕಾನರಿ ನಿಧನ!
ನಾಲ್ಕು ದಶಕಗಳಿಗೂ ಹೆಚ್ಚು ಕಾಲ ಚಿತ್ರರಂಗದಲ್ಲಿ ಸಕ್ರಿಯವಾಗಿದ್ದ ಸ್ಕಾಟ್‌ಲ್ಯಾಂಡ್‌ ಮೂಲದ ನಟ ಶಾನ್‌ ಕಾನರಿ ಶನಿವಾರ (ಆ.31) ನಿಧನರಾದರು. 'ಜೇಮ್ಸ್ ಬಾಂಡ್' ಸಿನಿಮಾಗಳ ಮೂಲಕ ಅವರು ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದರು.
Vijaya Karnataka Web31 Oct 2020, 7:39 pm
ಜನಪ್ರಿಯ 'ಜೇಮ್ಸ್ ಬಾಂಡ್' ಸರಣಿ ಸಿನಿಮಾಗಳಲ್ಲಿ ನಾಯಕನಾಗಿ ನಟಿಸಿದ್ದ ಶಾನ್‌ ಕಾನರಿ ಶನಿವಾರ (ಆ.31) ಕೊನೆಯುಸಿರೆಳೆದರು. ಅವರಿಗೆ 90 ವರ್ಷ ವಯಸ್ಸಾಗಿತ್ತು. 1962ರಿಂದ 1971ರವರೆಗೆ ಮೂಡಿಬಂದ 6 ಜೇಮ್ಸ್ ಬಾಂಡ್ ಸಿನಿಮಾಗಳಲ್ಲಿ ಶಾನ್‌ ಕಾನರಿ ಹೀರೋ ಆಗಿ ನಟಿಸಿದ್ದರು. ಆ ಮೂಲಕ ಅವರು ಸ್ಟಾರ್‌ ನಟನಾಗಿ ಮಿಂಚಿದರು.
Vijaya Karnataka Web
ಜೇಮ್ಸ್ ಬಾಂಡ್ ಸಿರೀಸ್‌ನ ಮೊದಲ ಚಿತ್ರವಾಗಿ ಮೂಡಿಬಂದಿದ್ದ 'Dr. No' ಸಿನಿಮಾದಲ್ಲಿ ಶಾನ್‌ ಕಾನರಿ ಅವರು ಜೇಮ್ಸ್ ಬಾಂಡ್ ಪಾತ್ರ ಮಾಡಿದ್ದರು. ಈವರೆಗೂ ಬಾಂಡ್ ಪಾತ್ರವನ್ನು ಮಾಡಿದ ನಟರ ಪೈಕಿ ದಿ ಬೆಸ್ಟ್‌ ನಟ ಎಂದೇ ಅವರು ಅಭಿಮಾನಿಗಳ ಮನದಲ್ಲಿ ಸ್ಥಾನ ಪಡೆದುಕೊಂಡಿದ್ದರು. ಶಾನ್‌ ಕಾನರಿ ಅಗಲಿಕೆಗೆ ಜಗತ್ತಿನಾದ್ಯಂತ ಇರುವ ಅಭಿಮಾನಿಗಳು ಸಂತಾಪ ಸೂಚಿಸುತ್ತಿದ್ದಾರೆ.
'ದಿ ಅನ್‌ಟಚಬಲ್ಸ್‌' ಚಿತ್ರದಲ್ಲಿನ ಅಭಿನಯಕ್ಕಾಗಿ ಶಾನ್‌ ಕಾನರಿ ಅವರು 1988ರಲ್ಲಿ ಅತ್ಯುತ್ತಮ ಪೋಷಕ ನಟ ಆಸ್ಕರ್‌ ಪ್ರಶಸ್ತಿ ಪಡೆದುಕೊಂಡಿದ್ದರು. ಮೂರು ಬಾರಿ 'ಗೋಲ್ಡನ್‌ ಬ್ಲೋಬ್‌' ಅವಾರ್ಡ್‌ ಪಡೆದುಕೊಂಡಿದ್ದು ಅವರು ಹೆಚ್ಚುಗಾರಿಕೆ. 'ಮರ್ಡರ್‌ ಆನ್‌ ದಿ ಓರಿಯಂಟ್‌ ಎಕ್ಸ್‌ಪ್ರೆಸ್‌', 'ದ ಮ್ಯಾನ್‌ ಹೂ ವುಡ್‌ ಬಿ ಕಿಂಗ್‌', 'ದ ನೇಮ್‌ ಆಫ್‌ ದ ರೋಸ್‌' ಮುಂತಾದವು ಶಾನ್‌ ಕಾನರಿ ನಟನೆಯ ಇತರೆ ಪ್ರಮುಖ ಸಿನಿಮಾಗಳು.
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
