ನಾನು ತಾಯಿಯಾಗಲಾರೆ ಎಂದ ಪ್ರಖ್ಯಾತ ಕನ್ನಡ ನಟಿ ಪಾರುಲ್ ಯಾದವ್!

ದೆಹಲಿಯಿಂದ 200 ಕಿಮೀ ದೂರದಲ್ಲಿರುವ ಹತ್ರಾಸ್ ಎಂಬ ಹಳ್ಳಿಯಲ್ಲಿ 19 ವರ್ಷದ ಹುಡುಗಿ ಮೇಲೆ 4 ಜನ ಕಾಮುಕರು ಗ್ಯಾಂಗ್‌ರೇಪ್ ಮಾಡಿದ್ದಾರೆ. ಅತ್ಯಾಚಾರ ಮಾಡುವುದರ ಜೊತೆಗೆ ಆ ಹುಡುಗಿಯ ಬೆನ್ನುಮೂಳೆ ಮುರಿದು, ನಾಲಿಗೆ ಕತ್ತರಿಸಿ, ಅನೇಕ ಗಾಯಗಳಾಗುವಂತೆ ಮಾಡಿದ್ದಾರೆ. ಈ ಬಗ್ಗೆ ಪಾರುಲ್ ಯಾದವ್ ಮೌನ ಮುರಿದಿದ್ದಾರೆ, ಅದರ ಜೊತೆಗೆ ಅವರ ತಾಯ್ತನವನ್ನು ತ್ಯಾಗ ಮಾಡಲಿದ್ದಾರಂತೆ.

ಪಾರುಲ್ ಯಾದವ್ ಯಾಕೆ ತಾಯ್ತನ ತ್ಯಾಗ ಮಾಡಲಿದ್ದಾರೆ?
'ಹೆಣ್ತನದ ಸಾರವೇ ತಾಯ್ತನ. ಆದರೆ ಇಂದು ನಾನು ತಾಯಿಯಾಗಲು ಬಯಸುವುದಿಲ್ಲ. ಹುಡುಗಿಯಾಗಿ ಈ ಮಾತು ಹೇಳುವುದು ತುಂಬ ಕಷ್ಟ. ಆದರೆ ನಿಜಕ್ಕೂ ನಾನು ತಾಯ್ತನವನ್ನು ತ್ಯಾಗ ಮಾಡುತ್ತಿದ್ದೇನೆ. ನನ್ನ ಮಗು ಹೆಣ್ಣಾದರೆ ಏನು ಗತಿ? ಈ ದೇಶ ಮಹಿಳೆಯರಿಗೆ ಕ್ರೂರಿಯಾಗಿದೆ. ಹತ್ರಾಸ್‌ನಲ್ಲಿ ನಡೆದ ಭಯಂಕರ ಘಟನೆ ಇತ್ತೀಚೆಗಿನ ಉದಾಹರಣೆ' ಎಂದು ಪಾರುಲ್ ಯಾದವ್ ಟ್ವೀಟ್ ಮಾಡಿದ್ದಾರೆ.

ಏನಿದು ಘಟನೆ?
ಮೇಲ್ವರ್ಗದ 4 ಜನರು ಹೊಲದಲ್ಲಿ ಕೆಲಸ ಮಾಡುತ್ತಿದ್ದ 19 ವರ್ಷದ ದಲಿತ ಹುಡುಗಿಯನ್ನು ಹೊತ್ತೊಯ್ದು ಹಲ್ಲೆ ಮಾಡಿ ರೇಪ್ ಮಾಡಿದ್ದರು. ಆಮೇಲೆ ಹೊಲದ ಬಳಿಯೇ ರಕ್ತಸಿಕ್ತವಾಗಿ ಆ ಹುಡುಗಿಯನ್ನು ಅವಳ ತಾಯಿ, ಸಹೋದರರಿಗೆ ಸಿಕ್ಕಿದ್ದಳು. ಈ ಘಟನೆ ನಡೆದ 4 ದಿನದ ನಂತರ ಪೊಲೀಸರು ಕ್ರಮ ಕೈಗೊಂಡಿದ್ದಾಗಿ ಆ ಹುಡುಗಿಯ ಸಹೋದರ ಮಾಧ್ಯಮಗಳಿಗೆ ಹೇಳಿಕೆ ನೀಡಿದ್ದಾರೆ. ಆರೋಗ್ಯ ತಪಾಸಣೆಯಿಂದ ಅತ್ಯಾಚಾರಕ್ಕೆ ಸಂಬಂಧಪಟ್ಟಂತೆ ಯಾವ ವಿಷಯವೂ ಹೊರಗೆ ಬಂದಿಲ್ಲ. ಈಗಾಗಲೇ ಅತ್ಯಾಚಾರ ಮಾಡಿದ 4 ಅಪರಾಧಿಗಳನ್ನು ಪೊಲೀಸರು ಈಗಾಗಲೇ ಬಂಧಿಸಿದ್ದಾರೆ. ಅದರ ಜೊತೆಗೆ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದ ಆ ಮಹಿಳೆಯನ್ನು ಮಧ್ಯರಾತ್ರಿ ಪೊಲೀಸರು ಮನೆಯವರಿಗೂ ಹೇಳದೆ ಅಂತ್ಯಕ್ರಿಯೆ ಮಾಡಿದ್ದಾರೆ.

Also Read-ಕಬ್ಬನ್ ಪಾರ್ಕ್‌ನಲ್ಲಿ ನಟಿ ಪಾರುಲ್ ಯಾದವ್ ಸೈಕಲ್ ಸವಾರಿ

ಡ್ರಗ್ ಮಾಫಿಯಾ ಬಗ್ಗೆ ಪ್ರಶ್ನೆ ಮಾಡಿದ್ದ ಪಾರುಲ್ ಯಾದವ್!
ಡ್ರಗ್ ಮಾಫಿಯಾ ವಿಚಾರವಾಗಿ ಪಾರುಲ್ ಒಂದಾದ ಮೇಲೆ ಒಂದರಂತೆ ಟ್ವೀಟ್ ಮಾಡಿದ್ದಾರೆ. ಈ ಬಗ್ಗೆ ತನಿಖೆ ಆರಂಭವಾಗಿ ಹಲವು ದಿನಗಳೇ ಕಳೆದಿದೆ. ಆದರೆ ಈವರೆಗೂ ಯಾವುದೇ ದೊಡ್ಡ ಸ್ಟಾರ್‌ ನಟನ ಹೆಸರು ಹೊರಬಂದಿಲ್ಲ. ನಟರ ಬಗ್ಗೆ ಕೆಲವು ಮಾಹಿತಿ ಹರಿದಾಡುತ್ತಿದ್ದರೂ ಅವರನ್ನು ಪೊಲೀಸರು ಬಂಧಿಸಿಲ್ಲ. ಅದನ್ನೇ ಪಾರುಲ್‌ ಯಾದವ್ ಪ್ರಶ್ನೆ ಮಾಡಿದ್ದರು.

Also Read-ಗಂಡಸರು ಡ್ರಗ್ಸ್‌ ತೆಗೆದುಕೊಳ್ಳುವುದಿಲ್ಲ: ಸಿಟ್ಟಿನಿಂದ ಯಾಕೆ ಹೀಗೆ ಹೇಳಿದ್ರು ನಟಿ ಪಾರುಲ್‌ ಯಾದವ್‌?