ಆರು ತಿಂಗಳು ತಯಾರಿ
ನಟ ಯಶ್ ಈ ಚಿತ್ರಕ್ಕಾಗಿ ಸಾಕಷ್ಟು ಸಮಯ ಮೀಸಲಿಟ್ಟಿದ್ದಾರೆ. 2016ರಿಂದಲೂ ಅವರು 'ಕೆಜಿಎಫ್‌' ಸಿನಿಮಾದಲ್ಲಿ ಭಾಗಿಯಾಗಿದ್ದಾರೆ. 'ಕೆಜಿಎಫ್‌ ಚಾಪ್ಟರ್ 1' ತೆರೆಕಾಣುತ್ತಿದ್ದಂತೆಯೇ, ಅದರ ಪಾರ್ಟ್ 2ರಲ್ಲಿ ಅವರು ಬ್ಯುಸಿ. ಇನ್ನು, ಸಿನಿಮಾಗಾಗಿ ಎಷ್ಟೊಂದು ತನ್ಮಯತೆಯಿಂದ ಅವರು ಕೆಲಸ ಮಾಡುತ್ತಿದ್ದಾರೆಂದರೆ, ಕೇವಲ 10 ನಿಮಿಷದ ದೃಶ್ಯಕ್ಕೆ 6 ತಿಂಗಳು ತಯಾರಿ ಮಾಡಿಕೊಳ್ಳುತ್ತಾರಂತೆ. ತೆರೆಮೇಲೆ ಎಲ್ಲವೂ ಪರಿಪೂರ್ಣತೆಯಿಂದ ಕೂಡಿರಬೇಕು ಎಂಬ ಉದ್ದೇಶದಿಂದ ಅವರು, ಇಷ್ಟೊಂದು ಶ್ರಮ ಹಾಕುತ್ತಿದ್ದಾರಂತೆ.
ಭರದಿಂದ ನಡೆಯುತ್ತಿದೆ ಚಿತ್ರೀಕರಣ
ಮೈಸೂರು, ಬೆಂಗಳೂರು, ಕೋಲಾರ, ಹೈದರಾಬಾದ್ ಮುಂತಾದ ಕಡೆಗಳಲ್ಲಿ ಪಾರ್ಟ್ 2ಕ್ಕೆ ಭರ್ಜರಿ ಚಿತ್ರೀಕರಣ ನಡೆದಿದೆ. ಈಗಾಗಲೇ ಚಿತ್ರತಂಡ ಕ್ಲೈಮ್ಯಾಕ್ಸ್ ಹಂತ ತಲುಪಿದೆ. ಅದಕ್ಕಾಗಿ ಚಿತ್ರತಂಡ ಅದ್ದೂರಿಯಾದ ಕ್ಲೈಮ್ಯಾಕ್ಸ್ ಅನ್ನು ಪ್ಲ್ಯಾನ್ ಮಾಡಿದೆ. ಕೋಟಿ ಕೋಟಿ ವೆಚ್ಚದಲ್ಲಿ ಸೆಟ್ ಹಾಕಿಸಿ, ಭರ್ಜರಿಯಾಗಿ ಕ್ಲೈಮ್ಯಾಕ್ಸ್ ಶೂಟಿಂಗ್ ಮಾಡುವುದಕ್ಕೆ ಯೋಜನೆ ರೂಪಿಸಲಾಗಿದೆ ಎಂಬುದು ಮೂಲಗಳ ಮಾಹಿತಿ. ಇನ್ನು, ಈ ಕ್ಲೈಮ್ಯಾಕ್ಸ್‌ನಲ್ಲಿ ಯಶ್ ಮತ್ತು ಸಂಜಯ್ ದತ್ ನಡುವಿನ ಫೈಟ್ ರೋಚಕವಾಗಿ ಇರಲಿದೆಯಂತೆ.
ರಾಕಿಂಗ್ ಸ್ಟಾರ್ ಯಶ್ ಸಿನಿಮಾ ಬಗ್ಗೆ ಕಾಮೆಂಟ್‌ ಮಾಡಿದ 'ಉಪೇಂದ್ರ'ನ ನಾಯಕಿ!
ಬೇರ್ ಬಾಡಿಯಲ್ಲಿ ಯಶ್ ಮತ್ತು ಸಂಜು ಫೈಟ್
'ಕೆಜಿಎಫ್‌ ಚಾಪ್ಟರ್ 2' ಚಿತ್ರದಲ್ಲಿ ಅಧೀರ ಪಾತ್ರದಲ್ಲಿ ಸಂಜಯ್ ದತ್ ನಟಿಸಲಿದ್ದಾರೆ ಎಂದಾಗಲೇ ಸಿನಿಪ್ರಿಯರಲ್ಲಿ ದೊಡ್ಡಮಟ್ಟದ ಕುತೂಹಲ ಮನೆ ಮಾಡಿತ್ತು. ಇದೀಗ ಕ್ಲೈಮ್ಯಾಕ್ಸ್‌ನಲ್ಲಿ ಯಶ್ ಜೊತೆ ಅವರು ಶರ್ಟ್ ಲೆಸ್‌ ಆಗಿ ಹೊಡೆದಾಡಲಿದ್ದಾರೆ ಎಂಬ ಮಾಹಿತಿ ಬಿದ್ದಿದೆ. ಆದರೆ, ಈ ಬಗ್ಗೆ ಚಿತ್ರತಂಡ ಅಧಿಕೃತವಾಗಿ ಎಲ್ಲಿಯೂ ಹೇಳಿಕೊಂಡಿಲ್ಲ. ಈ ಆ್ಯಕ್ಷನ್ ದೃಶ್ಯಕ್ಕಾಗಿ ಇಬ್ಬರೂ ದೇಹ ಹುರಿಗೊಳಿಸಿಕೊಳ್ಳುತ್ತಿದ್ದು, ಭರ್ಜರಿ ಸಿದ್ಧತೆ ನಡೆಸಿದ್ದಾರೆ ಎನ್ನಲಾಗಿದೆ. ಅಲ್ಲದೆ, ಅಧೀರನಾಗಿ ಸಂಜು ಅವರ ಗೆಟಪ್‌ ಹೇಗಿರಲಿದೆ ಎಂಬ ಕುತೂಹಲವೂ ಅಭಿಮಾನಿಗಳಲ್ಲಿದೆ.
ರಾಕಿ ಭಾಯ್ ಅಡ್ಡಕ್ಕೆ ಪ್ರಧಾನಿಗೂ ಎಂಟ್ರಿ ಇಲ್ಲ! 'ಕೆಜಿಎಫ್‌ ಚಾಪ್ಟರ್ 2' ಕಥೆಯ ಎಳೆ ಬಿಟ್ಟುಕೊಟ್ಟರಾ ಯಶ್?
ಅನುಭವಿ ಕಲಾವಿದರ ದಂಡು
ಪಾರ್ಟ್ 1ರಲ್ಲೇ ಅನಂತ್ ನಾಗ್, ಮಾಳವಿಕಾ ಅವಿನಾಶ್‌, ಬಿ. ಸುರೇಶ್‌, ವಸಿಷ್ಠ ಸಿಂಹ ಮುಂತಾದವರಿದ್ದರು. ಇದೀಗ ಪಾರ್ಟ್ 2ರಲ್ಲಿ ಬಾಲಿವುಡ್‌ನ ಸಂಜಯ್ ದತ್, ರವೀನಾ ಟಂಡನ್‌ ಕಾಣಿಸಿಕೊಂಡಿದ್ದಾರೆ. ತೆಲುಗಿನ ರಾವ್ ರಮೇಶ್ ಕೂಡ ಹಾಜರಿ ಹಾಕಿದ್ದಾರೆ. ಸಿನಿಮಾ ಮುಗಿಯುವುದರೊಳಗೆ ಇನ್ನೂ ಯಾರಾದರೂ ಕಲಾವಿದರು ಚಿತ್ರತಂಡ ಸೇರಿಕೊಂಡರೆ ಅಚ್ಚರಿ ಇಲ್ಲ.