ಎಲ್ಲರ ಎದುರಿಗೆ ಗಳಗಳನೆ ಅತ್ತ 'KGF' ಗಾಯಕಿ! ಈ ನೋವಿಗೆ ಕಾರಣ ಬ್ರೇಕಪ್‌!

'ರಾಕಿಂಗ್‌ ಸ್ಟಾರ್‌' ಯಶ್‌ ನಟನೆಯ 'ಕೆಜಿಎಫ್‌ ಚಾಪ್ಟರ್‌ 1' ಚಿತ್ರದ ಹಿಂದಿ ಅವತರಣಿಕೆಯಲ್ಲಿನ 'ಗಲಿ ಗಲಿ...' ಹಾಡು ಸಖತ್‌ ಹಿಟ್‌ ಆಯಿತು. ಅದಕ್ಕೆ ಧ್ವನಿ ನೀಡಿದವರು ಜನಪ್ರಿಯ ಗಾಯಕಿ ನೇಹಾ ಕಕ್ಕಡ್‌. ಇತ್ತೀಚೆಗೆ ಅವರು ಸಾಮಾಜಿಕ ಜಾಲತಾಣದಲ್ಲಿ ಕಣ್ಣೀರು ಹಾಕಿದ್ದಾರೆ. ಅದರ ಹಿಂದೆ ಒಂದು ಒಳ್ಳೆಯ ಉದ್ದೇಶ ಕೂಡ ಇದೆ.

ಅಂದಹಾಗೆ, ನೇಹಾ ಈ ರೀತಿ ಮಾಡುವುದಕ್ಕೆ ಕಾರಣ #MoveOnChallenge. ಅಂದರೆ, 'ಈಗಾಗಲೇ ನೀವು ಪ್ರೀತಿಯಲ್ಲಿ ಸೋತು ಬ್ರೇಕಪ್‌ ಮಾಡಿಕೊಂಡಿದ್ದರೆ ಅದಕ್ಕಾಗಿ ಅಳಬೇಡಿ. ಅದನ್ನು ಮರೆತು ಮುಂದೆ ಸಾಗಿರಿ' ಎಂಬ ಸಂದೇಶ ಸಾರುವ ರೀತಿಯಲ್ಲಿ ಈ ಚಾಲೆಂಜ್‌ ಶುರು ಮಾಡಲಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್‌ ಆಗುತ್ತಿದೆ.

ಈ ಚಾಲೆಂಜ್‌ನ ನಿಯಮ ಏನು ಎಂದರೆ, ಮೊದಲು ಅತ್ತಂತೆ ನಟಿಸಬೇಕು, ನಂತರ ಕಣ್ಣೀರು ಒರೆಸಿಕೊಂಡು ನಗುತ್ತಾ ಪೋಸ್‌ ನೀಡಬೇಕು. ಆ ಮೂಲಕ ಬ್ರೇಕಪ್‌ ನೋವು ಮರೆತು ನಾವು ಮುಂದೆ ಸಾಗುತ್ತೇವೆ ಎಂದ ಸಂದೇಶವನ್ನು ರವಾನಿಸಬೇಕು. ಇದನ್ನು ನೇಹಾ ಶುರುಮಾಡಿದ್ದಾರೆ. ವಿಶೇಷ ಏನೆಂದರೆ, ರಿಯಲ್‌ ಲೈಫ್‌ನಲ್ಲಿ ಅವರು ಕೂಡ ಬ್ರೇಕಪ್‌ ನೋವಿನಲ್ಲಿ ಮುಳುಗಿ ಎದ್ದವರು!

'ಕೆಜಿಎಫ್' ಬೆಡಗಿಗೆ ವೇದಿಕೆ ಮೇಲೆಯೇ ಬಲವಂತದ ಕಿಸ್; ವಿಡಿಯೋ ನೋಡಿ

ಹೌದು, ಕಿರುತೆರೆ ನಟ ಹಿಮಾಂಶ್‌ ಕೊಯ್ಲಿ ಜೊತೆ ನೇಹಾ ಕಕ್ಕಡ್‌ ಪ್ರೀತಿಯಲ್ಲಿ ಬಿದ್ದಿದ್ದರು. ಅದನ್ನು ಅವರಿಬ್ಬರು ಬಹಿರಂಗವಾಗಿ ಹೇಳಿಕೊಂಡಿದ್ದರು. ಆದರೆ ನಂತರದ ದಿನಗಳಲ್ಲಿ ಬ್ರೇಕಪ್‌ ಮಾಡಿಕೊಂಡರು. ಆ ನೋವಿನಲ್ಲೇ ಕಿರುತೆರೆ ರಿಯಾಲಿಟಿ ಶೋ ವೇಳೆ ನೇಹಾ ಕುಸಿದು ಬಿದ್ದಿದ್ದರು. ಈಗ ಆ ನೋವನ್ನೆಲ್ಲ ಮರೆತು ಹೊಸ ಜೀವನ ನಡೆಸುತ್ತಿದ್ದಾರೆ.

ಮದ್ಯಪಾನ ತಪ್ಪಲ್ಲ; ಸೇವಿಸಿ ಕೆಟ್ಟ ಕೆಲಸ ಮಾಡುವುದು ತಪ್ಪು: ನೇಹಾ ಕಕ್ಕಡ್‌

ತಮ್ಮ ರೀತಿಯೇ ಬೇರೆ ಹೆಣ್ಣು ಮಕ್ಕಳಿಗೆ ಧೈರ್ಯ ತುಂಬುವ ಸಲುವಾಗಿ ನೇಹಾ ಈ ರೀತಿ #MoveOnChallenge ಆರಂಭಿಸಿದ್ದಾರೆ. ಇದಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಹಲವಾರು ಯುವತಿಯರು ಇದರಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ಸಿನಿಮಾ ವಿಚಾರಕ್ಕೆ ಬರುವುದಾದರೆ, ಬಾಲಿವುಡ್‌ ಸಿನಿಮಾಗಳ ಬಹುತೇಕ ಐಟಂ ಸಾಂಗ್‌ಗಳಿಗೆ ನೇಹಾ ಧ್ವನಿ ನೀಡುತ್ತಿದ್ದಾರೆ. ಅವರಿಗೆ ಸಿಕ್ಕಾಪಟ್ಟೆ ಬೇಡಿಕೆ ಇದೆ.