ಇದಕ್ಕಾಗಿ ತಿಂಗಳುಗಟ್ಟಲೆ ಬೆವರು ಹರಿಸಿದ್ದೇನೆ ಎಂದ ಕಿಚ್ಚ
'ಸಿನಿಮಾದ ಕ್ಲೈಮ್ಯಾಕ್ಸ್‌ನಲ್ಲಿ ನನ್ನ ಸಿಕ್ಸ್‌ಪ್ಯಾಕ್‌ ಅನಾವರಣಗೊಳ್ಳುತ್ತದೆ. ಇದಕ್ಕಾಗಿ ನಾನು ತಿಂಗಳುಗಟ್ಟಲೆ ಬೆವರು ಹರಿಸಿದ್ದೇನೆ. ಒಂದೇ ತಿಂಗಳಲ್ಲಿ ಬಾಡಿ ಬಂದು ಬಿಡುತ್ತದೆ, ಎರಡು ತಿಂಗಳಲ್ಲಿ ಬರುತ್ತದೆ ಎಂದು ಜನ ಅಂದುಕೊಳ್ಳುತ್ತಾರೆ. ಆದರೆ ಅದಕ್ಕಾಗಿ ಎಷ್ಟು ದಿನಗಳ ಶ್ರಮ ವಹಿಸಬೇಕು ಎಂಬುದು ನನಗೆ ಈಗ ಅರಿವಾಗಿದೆ. ಈ ಫೋಟೋದಲ್ಲಿ ಕಾಣಿಸುವ ದೃಶ್ಯ ಕ್ಲೈಮ್ಯಾಕ್ಸ್‌ನಲ್ಲಿ ಬರುತ್ತದೆ. ಅದೊಂದು ಪವರ್‌ಫುಲ್‌ ಸೀನ್‌. ಅದ್ಭುತವಾಗಿ ಮೂಡಿ ಬಂದಿದೆ. ಈ ಸಿನಿಮಾದಲ್ಲಿ ನಟಿಸುವುದರ ಜತೆಗೆ ಫಿಟ್ನೆಸ್‌ ಬಗ್ಗೆಯೂ ಹೆಚ್ಚು ತಿಳಿದುಕೊಂಡೆ' ಎನ್ನುತ್ತಾರೆ ಸುದೀಪ್.
'ದಬಾಂಗ್ 3' ಕನ್ನಡ ಟ್ರೇಲರ್; ಸಲ್ಲು ಕನ್ನಡಕ್ಕೆ, ಕಿಚ್ಚನ ಡೈಲಾಗ್‌‌ಗೆ ಲೈಕ್‌ಗಳ ಸುರಿಮಳೆ
ಸಿನಿಮಾ ಮೇಲಿನ ನಿರೀಕ್ಷೆ ದುಪ್ಪಟ್ಟಾಗಿದೆ
'ಈ ಸಿನಿಮಾ ಕನ್ನಡ ಭಾಷೆಗೂ ಡಬ್‌ ಆಗಿ ಬರಲಿದ್ದು, ಅದಕ್ಕಾಗಿ ನಾವು ಹೆಚ್ಚಿನ ತಯಾರಿ ಮಾಡಿಕೊಂಡಿದ್ದೇವೆ. ಈಗಾಗಲೇ ಕನ್ನಡದ ಕಲಾವಿದರ ಕೈಯಲ್ಲಿ ಹಿಂದಿ ಸಿನಿಮಾಗೆ ಡಬ್‌ ಮಾಡಿಸಿದ್ದಾರೆ. ದಿನೇದಿನೆ ಸುದೀಪ್ ಅವರ ಸ್ಟಿಲ್‌ಗಳು ರಿಲೀಸ್‌ ಆಗುತ್ತಿರುವುದರಿಂದ ಸಿನಿಮಾದ ಮೇಲಿನ ನಿರೀಕ್ಷೆ ದೊಡ್ಡದಾಗಿದೆ.
ಸಲ್ಮಾನ್ ಖಾನ್‌ ಜತೆಗೆ ರಾಮ್‌ ಚರಣ್-ಎನ್‌ಟಿಆರ್‌ಗೆ ಏನು ಕೆಲಸ?
ಕನ್ನಡ ದಬಾಂಗ್ 100ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ
'ಅಂಬಿ ನಿಂಗೆ ವಯಸ್ಸಾಯ್ತೋ' ನಿರ್ದೇಶಕ ಗುರುದತ್‌ ಗಾಣಿಗ, ಕನ್ನಡ ಸಂಭಾಷಣೆ ಬರೆದರೆ, ಹಾಡುಗಳನ್ನು ಅನೂಪ್‌ ಭಂಡಾರಿ ಬರೆದಿದ್ದಾರೆ. ಹಾಗಾಗಿ ಇದನ್ನು ಕನ್ನಡ ಸಿನಿಮಾದಂತೆಯೇ ರಿಲೀಸ್‌ ಮಾಡುತ್ತಿದ್ದೇವೆ. ಮತ್ತು ಜನರಿಗೆ ಖಂಡಿತ ಡಬ್ಬಿಂಗ್‌ ಕ್ವಾಲಿಟಿ ಇಷ್ಟವಾಗಲಿದೆ'ಎನ್ನುವುದು ವಿತರಕ ಜಾಕ್‌ ಮಂಜು ಅವರ ಅಭಿಪ್ರಾಯ. ಡಿಸೆಂಬರ್‌-20ಕ್ಕೆ ದೇಶಾದ್ಯಂತ ರಿಲೀಸ್‌ ಆಗಲಿರುವ ಈ ಸಿನಿಮಾ ಕನ್ನಡ ಭಾಷೆಯಲ್ಲಿ100ಕ್ಕೂ ಹೆಚ್ಚಿನ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.
ಪೈಲ್ವಾನ್ ಚಿತ್ರಕ್ಕೂ ಸುದೀಪ್ ಬೆವರು ಹರಿಸಿದ್ದರು
ಪೈಲ್ವಾನ್ ಪಾತ್ರಕ್ಕಾಗಿ ಕಿಚ್ಚ ಸುದೀಪ್ ತುಂಬಾ ಬೆವರು ಹರಿಸಿದ್ದರು. ಖಡಕ್ ವಿಲನ್ ಎದುರು ಹೀರೋ ಸಹ ಖಡಕ್ ಕಾಣಿಸಬೇಕಾಗುತ್ತದೆ. ಹಾಗಾಗಿ ಆ ಚಿತ್ರಕ್ಕಾಗಿಯೂ ಸಾಕಷ್ಟು ಕಸರತ್ತು ಮಾಡಿ ತಮ್ಮ ದೇಹವನ್ನು ಹುರಿಗೊಳಿಸಿದ್ದರು ಸುದೀಪ್.