ದರ್ಶನ್ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಕಿರುತೆರೆಯ ಜನಪ್ರಿಯ ನಟ; ಅವರಾರು?

'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಕನ್ನಡದ ಪ್ರಖ್ಯಾತ ಧಾರಾವಾಹಿಗಳಲ್ಲಿ ಒಂದು. ಈ ಧಾರಾವಾಹಿಯ ಚಂದನ್ ಅಂದರೆ ಚಂದು ಗೌಡ ಸಿನಿಮಾಗಳನ್ನು ಮಾಡುತ್ತಾರೆ. ಈ ಬಾರಿ ಅವರು ದರ್ಶನ್ ನಟನೆಯ 'ರಾಬರ್ಟ್' ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ, ಅವರ ಪಾತ್ರ ಹೇಗಿದೆ?

"ಲಕ್ಷ್ಮೀ ಬಾರಮ್ಮ ಧಾರಾವಾಹಿ ಮೂಲಕ ಜನರು ನನ್ನನ್ನು ಈವರೆಗೆ ಗುರುತಿಸಿದ್ದಾರೆ. ದರ್ಶನ್ ಅವರ ಜೊತೆ ಕೆಲಸ ಮಾಡುತ್ತಿರುವುದಕ್ಕೆ ತುಂಬ ಖುಷಿಯಿದೆ." ಎಂದಿದ್ದಾರೆ ಚಂದು. ಅಷ್ಟೇ ಅಲ್ಲದೆ ಚಂದನ್ ಕೈಯಲ್ಲಿ ಈಗಾಗಲೇ ಮೂರು ಸಿನಿಮಾಗಳಿವೆ. ಈ ಮೂರು ಸಿನಿಮಾದಲ್ಲೂ ಕೂಡ ಚಂದನ್ ಅವರು ಲೀಡ್ ಪಾತ್ರ ಮಾಡುತ್ತಿದ್ದಾರೆ. ಆದರೆ ರಾಬರ್ಟ್ ಸಿನಿಮಾದಲ್ಲಿ ಅವರ ಪಾತ್ರದ ಬಗ್ಗೆ ಚಂದು ಏನೂ ಹೇಳಿಲ್ಲ.

"ಧಾರಾವಾಹಿ ಮತ್ತು ಸಿನಿಮಾ ಎರಡೂ ಕೆಲಸದಲ್ಲಿ ತೊಡಗಿಕೊಂಡಿರೋದು ಚಾಲೆಂಜಿಂಗ್ ಆಗಿದೆ. ಆದರೆ ನನ್ನ ತಂಡ ನನಗೆ ತುಂಬ ಸಪೋರ್ಟ್ ಮಾಡ್ತಿದೆ" ಎಂದಿದ್ದಾರೆ ಚಂದನ್.

ಜನಪ್ರಿಯತೆ ತಂದುಕೊಟ್ಟ ಗೊಂಬೆ

'ಸಂಕಷ್ಟಕರ ಗಣಪತಿ, ಅಟೆಂಪ್ಟ್ ಟು ಮರ್ಡರ್' ಸಿನಿಮಾಗಳಲ್ಲಿ ಚಂದನ್ ನಟಿಸಿದ್ದರು. ಅವರ ಮುಂದಿನ ಸಿನಿಮಾವೊಂದರಲ್ಲಿ ಡೈನಾಮಿಕ್ ಡಿಸ್ಟ್ರಿಕ್ಟ್ ಕಲೆಕ್ಟರ್ ಆಗಿ ಕಾಣಿಸಿಕೊಳ್ಳಲಿದ್ದಾರಂತೆ. ಈ ಚಿತ್ರದ ಹೆಸರು 'ಶ್ರೀ'. ಈ ಚಿತ್ರದಲ್ಲಿ ತತ್ವ, ಆದರ್ಶದ ಮೇಲೆ ಬಯಸಿದ್ದನ್ನು ಪಡೆಯಲು ಇಷ್ಟಪಡುತ್ತಾರಂತೆ. ರೈತರಿಗೆ ಸಹಾಯ ಮಾಡುವ, ಅವರಿಗಾಗಿ ಕೆಲಸ ಮಾಡುವ ಪಾತ್ರ ಇದಾಗಿದೆಯಂತೆ. ಆದರೆ ಅವರು ರಾಜಕೀಯ ಒತ್ತಡವನ್ನು ಇಲ್ಲಿ ಎದುರಿಸಬೇಕಾಗುತ್ತದೆ. ಅಷ್ಟೇ ಅಲ್ಲದೆ ಈ ಚಿತ್ರಕ್ಕೆ ಕಮರ್ಷಿಯಲ್ ಟಚ್ ಕೂಡ ನೀಡಲಾಗಿದೆ.

''ಲಕ್ಷ್ಮಿಬಾರಮ್ಮ'' ಗೊಂಬೆಯ ಕಿಡ್ನಾಪ್
ರಾಘವೇಂದ್ರ ರಾಜ್‌ಕುಮಾರ್ ಇಲ್ಲಿ ಚಂದು ಅವರ ತಂದೆಯ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಡಾ.ರಾಜ್‌ಕುಮಾರ್ ಅವರ ಆದರ್ಶಗಳ ಕುರಿತು ಮತ್ತು ಅವರ ಒಡಹುಟ್ಟಿದವರಿಂದ ಸಂಗ್ರಹಿಸಿದ ಸುದ್ದಿ, ಕಥೆಗಳನ್ನು ಬಳಸಿಕೊಂಡು ಅವರ ಪಾತ್ರವನ್ನು ರೂಪಿಸಲಾಗಿದೆ ”ಎಂದು ಚಂದು ಹೇಳಿದ್ದಾರೆ. 'ರಾಬರ್ಟ್' ಚಾಲೆಂಜಿಂಗ್ ಸ್ಟಾರ್ ಅಭಿನಯದ ಬಹುನಿರೀಕ್ಷಿತ ಚಿತ್ರ. ಕೇವಲ ಫಸ್ಟ್ ಲುಕ್‌, ಟೈಟಲ್‌ನಿಂದಲೇ ಸಾಕಷ್ಟು ಹೈಪ್ ಸೃಷ್ಟಿಸಿದ್ದ ಚಿತ್ರವಿದು.