ಬ್ಯೂಟಿ ಪ್ರಾಡಕ್ಟ್‌ಗಳ ಬಗ್ಗೆ ನೇರ, ನಿಷ್ಠೂರವಾಗಿ ಮಾತನಾಡಿದ ನಟಿ ರಾಜಿಶಾ ವಿಜಯನ್!

ಎಲ್ಲರಿಗೂ ತಾನು ಚೆನ್ನಾಗಿ ಕಾಣಬೇಕು ಎಂದೆನಿಸುವುದು ಸಹಜ. ಹೀಗಾಗಿಯೇ ಹಲವರು ಬೆಳ್ಳಗೆ ಕಾಣಲು ಏನೇನೋ ಕ್ರಮಗಳನ್ನು ಅನುಸರಿಸುತ್ತಾರೆ, ಬ್ಯೂಟಿ ಪಾರ್ಲರ್ ಮೊರೆ ಹೋಗುತ್ತಾರೆ. ಇದರ ಬಗ್ಗೆ ನಟಿ ರಾಜಿಶಾ ವಿಜಯನ್ ಮಾತನಾಡಿದ್ದಾರೆ.

'ನಿಮ್ಮ ಹೆಸರು ಬದಲಾಯಿಸಿಕೊಳ್ಳಲು ಮೊದಲ ಹೆಜ್ಜೆ ಫೇರ್ & ಲವ್‌ಲೀ. ಎಲ್ಲ ಬ್ಯೂಟಿ ಪ್ರಾಡೆಕ್ಟ್‌ಗಳು ಮುಖದ ಕಾಂತಿ ನೀಡುತ್ತವೆ ಎಂದು ಕಿರುಚುತ್ತವೆ. ಈ ನರಕದಿಂದ ಹೊರಬನ್ನಿರಿ. ನಮ್ಮ ಚರ್ಮದಲ್ಲಿನ ಮೆಲನಿನ್ ನಮ್ಮ ಸೌಂದರ್ಯ ಅಥವಾ ನಮ್ಮಲ್ಲಿರುವ ಪ್ರತಿಭೆ ಅಥವಾ ನಮ್ಮ ಯಶಸ್ಸನ್ನು ವ್ಯಾಖ್ಯಾನಿಸುವುದಿಲ್ಲ. ಕಪ್ಪು ಬಣ್ಣ ಕೂಡ ಸುಂದರವಾಗಿರುತ್ತದೆ' ಎಂದು ರಾಜಿಶಾ ವಿಜಯನ್ ಹೇಳಿದ್ದಾರೆ.

ಜನಸಾಮಾನ್ಯರಿಗೆ ಸೆಲೆಬ್ರಿಟಿಗಳಂತೆ ಚೆನ್ನಾಗಿ ಕಾಣಬೇಕು, ಸುಂದರವಾದ ಕೂದಲು, ಮುಖದ ಕಾಂತಿ ಇರಬೇಕು ಎಂದಿರುತ್ತದೆ. ಸೆಲೆಬ್ರಿಟಿಗಳು ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಮಂದಿ ಫಾಲೋವರ್ಸ್ ಇರುತ್ತಾರೆ. ಹೀಗಾಗಿ ಇದನ್ನೇ ಬಳಸಿಕೊಂಡ ಕೆಲ ಸೆಲೆಬ್ರಿಟಿಗಳು ಬೇರೆ ಬೇರೆ ಪ್ರಾಡಕ್ಟ್‌ಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಪ್ರಮೋಟ್ ಮಾಡಿ, ದುಡ್ಡು ಮಾಡುತ್ತಾರೆ. ಇದನ್ನು ನಂಬಿಕೊಂಡು ಜನಸಾಮಾನ್ಯರು ವಿಧ ವಿಧದ ಪ್ರಾಡಕ್ಟ್‌ಗಳನ್ನು ಬಳಸಿ, ಕೆಲವೊಮ್ಮೆ ಮೋಸ ಹೋಗುವುದುಂಟು.

ನಟಿ ಸಾಯಿ ಪಲ್ಲವಿ ಅವರು 2 ಕೋಟಿ ರೂಪಾಯಿಯ ಸೌಂದರ್ಯ ವರ್ಧಕ ಜಾಹೀರಾತನ್ನು ನಿರಾಕರಿಸಿದ್ದರು. 'ಇದು ಭಾರತೀಯರ ಬಣ್ಣ. ನಾನು ವಿದೇಶಕ್ಕೆ ಹೋಗಿ ಅಲ್ಲಿನ ಜನರಲ್ಲಿ ನಿಮ್ಮ ಬಣ್ಣ ಯಾಕೆ ಬಿಳಿಯಾಗಿದೆ ಎಂದು ಕೇಳಲಿಕ್ಕೆ ಆಗೋದಿಲ್ಲ. ಅವರನ್ನು ನೋಡಿ ನಾವು ಬಿಳಿಯಾಗಿರಬೇಕೆಂದು ಯೋಚಿಸಲು ಅಸಾಧ್ಯ. ಅದು ಅವರ ಬಣ್ಣ, ಇದು ನಮ್ಮ ಬಣ್ಣ. ಆಫ್ರಿಕಾದವರಲ್ಲಿ ಅವರದ್ದೇ ಆದ ಬಣ್ಣವಿದ್ದು ಅವರೂ ಸುಂದರವಾಗಿದ್ದಾರೆ' ಎಂದು ಸಾಯಿ ಪಲ್ಲವಿ ಹೇಳಿ ಎಲ್ಲರ ಮನಸ್ಸನ್ನು ಗೆದ್ದಿದ್ದರು.
Also Read-ಅದು ಅವರ ಬಣ್ಣ, ಇದು ನಮ್ಮ ಬಣ್ಣ: ನಟಿ ಸಾಯಿ ಪಲ್ಲವಿ!