ಮದುವೆ ನಿಶ್ಚಯ ಆಗಿದ್ದರೂ 'ಡಾರ್ಲಿಂಗ್‌' ಕೃಷ್ಣ 'ಮಿಸ್ಟರ್‌ ಬ್ಯಾಚುಲರ್‌'! ಏನಂತಾರೆ ಮಿಲನಾ?

ಹರೀಶ್‌ ಬಸವರಾಜ್‌
'ಲವ್‌ ಮಾಕ್‌ಟೇಲ್‌' ಜೋಡಿ ಮಿಲನಾ ನಾಗರಾಜ್‌ ಮತ್ತು ಡಾರ್ಲಿಂಗ್‌ ಕೃಷ್ಣ ಫೆ.14ರಂದು ನಿಜ ಜೀವನದಲ್ಲಿ ಸತಿ-ಪತಿಗಳಾಗುತ್ತಿದ್ದಾರೆ. ಆದರೆ, ತೆರೆಯಲ್ಲಿ ಕೃಷ್ಣ 'ಬ್ಯಾಚುಲರ್‌' ಆಗಲು ತಯಾರಾಗಿದ್ದಾರೆ! ಹೌದು, 'ಮಿ. ಬ್ಯಾಚುಲರ್‌' ಹೆಸರಿನ ಚಿತ್ರದಲ್ಲಿ ಅವರಿಗೆ ಜೋಡಿಯಾಗಿ ನಿಜ ಜೀವನದಲ್ಲಿ ಪತ್ನಿಯಾಗುತ್ತಿರುವ ಮಿಲನಾ ನಾಗರಾಜ್‌ ಮತ್ತು ಇನ್ನೊಬ್ಬ ಇನ್ನೊಬ್ಬ ನಟಿ ನಿಮಿಕಾ ರತ್ನಾಕರ್‌ ನಾಯಕಿಯಾಗಿ ನಟಿಸಲಿದ್ದಾರೆ.

'ಕೃಷ್ಣ ಅವರು ಮದುವೆ ಬಗ್ಗೆ ತುಂಬಾ ಕನಸು ಕಟ್ಟಿಕೊಂಡಿರುತ್ತಾರೆ. ಆದರೆ ಅವರಿಗೆ ಮದುವೆ ಭಾಗ್ಯ ಕೂಡಿ ಬರುವುದಿಲ್ಲ. ಈ ಥೀಮ್‌ ಇಟ್ಟುಕೊಂಡು ಫನ್‌ ಮತ್ತು ಲವ್‌ ಎರಡನ್ನೂ ಮಿಕ್ಸ್‌ ಮಾಡಿ ಸಿನಿಮಾ ಮಾಡುತ್ತಿದ್ದೇವೆ. ಜತೆಗೆ ಮಿಲನಾ ಅವರದ್ದು ಸಂದೇಶ ಕೊಡುವಂತಹ ಪಾತ್ರ. ನಿಮಿಕಾ ರತ್ನಾಕರ್‌ ಟ್ರೆಂಡಿ ಹುಡುಗಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ' ಎಂದು ಮಾಹಿತಿ ನೀಡುತ್ತಾರೆ ನಿರ್ದೇಶಕ ನಾಯ್ಡು.

'ಸಿನಿಮಾದಲ್ಲಿ ನನಗೆ ಚಿಕ್ಕ ವಯಸ್ಸಿನಿಂದಲೂ ಮದುವೆ ಬಗ್ಗೆ ಕನಸುಗಳಿರುತ್ತವೆ ಮತ್ತು ಯಾವಾಗ ಮದುವೆ ಆಗುತ್ತೇನೋ ಎಂಬ ಕನವರಿಕೆಯಲ್ಲಿರುತ್ತೇನೆ. ಸಾಫ್ಟ್‌ವೇರ್‌ ಎಂಜಿನಿಯರ್‌ ಆಗಿರುತ್ತೇನೆ. ಆದರೆ ಹುಡುಗಿ ಮಾತ್ರ ಸಿಗುವುದಿಲ್ಲ. ಈ ಚಡಪಡಿಕೆಯೇ ಸಿನಿಮಾವಾಗಿದೆ. ಮಿಲನಾ ಅವರದ್ದು ಚಿತ್ರಕ್ಕೆ ಪ್ರಮುಖ ತಿರುವು ಕೊಡುವ ಪಾತ್ರವಾಗಿದೆ. ಈಗಾಗಲೇ ಕೆಲ ದೃಶ್ಯಗಳ ಚಿತ್ರೀಕರಣ ಕಂಪ್ಲೀಟ್‌ ಆಗಿದೆ. ಇನ್ನೂ ಒಂದಷ್ಟು ಬಾಕಿ ಇದ್ದು ಸದ್ಯದಲ್ಲೇ ಶೂಟಿಂಗ್‌ ಆರಂಭಿಸುತ್ತೇವೆ' ಎನ್ನುತ್ತಾರೆ ಡಾರ್ಲಿಂಗ್‌ ಕೃಷ್ಣ.

also read: 'ಲವ್‌ ಮಾಕ್‌ಟೇಲ್‌' ಕೃಷ್ಣ ಜೊತೆಗೆ 'ಶುಗರ್ ಫ್ಯಾಕ್ಟರಿ' ಸೇರಿಕೊಂಡ ನಟಿ ಅದ್ವಿತಿ ಶೆಟ್ಟಿ!

'ಈ ಸಿನಿಮಾದಲ್ಲಿ ನಿಮಿಕಾ ಅವರೇ ನಾಯಕಿ. ಹೊಸ ರೀತಿಯ ಕಥೆಯಾದ್ದರಿಂದ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದೇವೆ. ನನ್ನ ಪಾತ್ರದ ಬಗ್ಗೆ ಈಗಲೇ ಏನೂ ಹೇಳಲಾಗುವುದಿಲ್ಲ. ಚಿತ್ರ ಬಿಡುಗಡೆಯಾದ ಮೇಲೆ ತೆರೆ ಮೇಲೆ ನೋಡಬೇಕು. ಈಗ ಹೇಳಿದರೆ ಎಲ್ಲ ಸಸ್ಪೆನ್ಸ್‌ ರಿವೀಲ್‌ ಆಗುತ್ತದೆ' ಎಂದು ಹೇಳುತ್ತಾರೆ ಮಿಲನಾ. ವಿಶೇಷ ಪಾತ್ರವಾದರೇನು, ಇಬ್ಬರೂ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿರುವುದರಿಂದ 'ಲವ್‌ ಮಾಕ್‌ಟೇಲ್‌' ಅಭಿಮಾನಿಗಳು ಖುಷಿ ಆಗಿರುವುದಂತೂ ಸತ್ಯ. ಮಿಲನಾ ಸದ್ಯ 'ಫಾರ್‌ ರಿಜಿಸ್ಪ್ರೇಶನ್‌' ಚಿತ್ರದ ಚಿತ್ರೀಕರಣಕ್ಕಾಗಿ ಉಡುಪಿಯಲ್ಲಿದ್ದಾರೆ. ಕೃಷ್ಣ 'ಶುಗರ್‌ ಫ್ಯಾಕ್ಟರಿ' ಚಿತ್ರೀಕರಣಕ್ಕೆ ಸಜ್ಜಾಗುತ್ತಿದ್ದಾರೆ.

also read: 'ಡಾರ್ಲಿಂಗ್' ಕೃಷ್ಣ ಅಭಿನಯದ ಸಿನಿಮಾಕ್ಕೆ ಗ್ಲಾಮರ್ ಹೆಚ್ಚಿಸಲು ಬಂದ ಶಿಲ್ಪಾ ಶೆಟ್ಟಿ!