ಭಾವುಕರಾಗಿ ವೇದಿಕೆಯಲ್ಲೇ ಕಣ್ಣೀರು ಹಾಕಿದ 'ನವರಸ ನಾಯಕ' ಜಗ್ಗೇಶ್‌! ಇದಕ್ಕೆ ಕಾರಣ ಏನು?

ಸಾಮಾನ್ಯವಾಗಿ ನಟ ಜಗ್ಗೇಶ್‌ ಇದ್ದಲ್ಲಿ ಭರ್ಜರಿ ಮಾತು ಇರುತ್ತದೆ. ನಗು ತುಂಬಿ ತುಳುಕುತ್ತದೆ. ಹಾಸ್ಯದ ಹೊನಲು ಹರಿಯುತ್ತದೆ. ಆದರೆ ಇತ್ತೀಚೆಗೆ ಜಗ್ಗೇಶ್‌ ಮಾತಿಗೆ ಕುಳಿತಾಗ ತುಂಬಾ ಭಾವುಕರಾದರು. ಕೆಲವು ನಿಮಿಷಗಳ ಕಾಲ ಅವರಿಂದ ಮಾತುಗಳೇ ಹೊರಡಲಿಲ್ಲ. ಕಣ್ಣೀರು ಸುರಿಸುತ್ತ ಅವರು ಸಂಪೂರ್ಣ ಮೌನಕ್ಕೆ ಜಾರಿದರು!

ಬರೋಬ್ಬರಿ ನಾಲ್ಕು ದಶಕಗಳ ಹಿಂದೆ ಬಣ್ಣದ ಲೋಕಕ್ಕೆ ಕಾಲಿಟ್ಟವರು ಜಗ್ಗೇಶ್‌. 2020ರ ನವೆಂಬರ್‌ 17ಕ್ಕೆ ಅವರು ಬಣ್ಣದ ಲೋಕದಲ್ಲಿ 40 ವರ್ಷಗಳನ್ನು ಪೂರೈಸಿದ್ದಾರೆ. ಸಾಮಾನ್ಯ ಮಧ್ಯಮವರ್ಗದ ಕುಟುಂಬದಿಂದ ಬಂದು ಸ್ಯಾಂಡಲ್‌ವುಡ್‌ನಲ್ಲಿ ಸ್ಟಾರ್‌ ನಟನಾಗಿ ಬೆಳೆದು ನಿಂತ ಜಗ್ಗೇಶ್‌ ಈ ಮಟ್ಟಕ್ಕೆ ಏರುವಲ್ಲಿ ಅನೇಕ ಕಷ್ಟದ ದಿನಗಳನ್ನು ಕಂಡಿದ್ದಾರೆ. ಅದನ್ನೆಲ್ಲ ಅವರು ಈಗ ಮೆಲುಕು ಹಾಕಿದ್ದಾರೆ.

ನೋವು, ಅವಮಾನಗಳನ್ನೆಲ್ಲ ಎದುರಿಸಿ ಜಗ್ಗೇಶ್‌ ಸಾಧನೆ ಮಾಡಿದ್ದಾರೆ. ತಾವು ಈ ಮಟ್ಟಕ್ಕೆ ಬೆಳೆಯಲು ಕಾರಣರಾದ ಅನೇಕರನ್ನು ಅವರು ಈಗ ನೆನಪಿಸಿಕೊಂಡು ಭಾವುಕರಾದರು. ಎಲ್ಲರ ಎದುರು ವೇದಿಕೆ ಮೇಲೆಯೇ ಕಣ್ಣೀರು ಹಾಕಿದರು. ಸಾಮಾನ್ಯವಾಗಿ ಪಟಪಟ ಎಂದು ಮಾತನಾಡುವ ಅವರು ತಮ್ಮ ಹಳೇ ದಿನಗಳನ್ನು ನೆನಪಿಸಿಕೊಂಡು ಅತ್ತುಬಿಟ್ಟರು! ಎಲ್ಲರನ್ನೂ ಸದಾ ನಗಿಸುವ ಜಗ್ಗೇಶ್‌ ಓರ್ವ ಭಾವುಕ ಜೀವಿ ಎಂಬುದಕ್ಕೆ ಈ ಘಟನೆಯೇ ಸಾಕ್ಷಿ.

also read: ಬೇಕಾದ್ರೆ ವಿಷ ಕುಡಿತೀನಿ; ಅಂಥ ಕೆಲಸ ಮಾತ್ರ ಮಾಡಲ್ಲ: ನಟ ಜಗ್ಗೇಶ್‌ ಖಡಕ್‌ ಮಾತು!

'ಏರು-ಪೇರುಗಳನ್ನು ಕಂಡೆ. ಹತ್ತಿದೆ-ಬಿದ್ದೆ. ಏರುತ್ತಾ ಇಳಿಯುತ್ತ, ಹಿಟ್‌-ಫ್ಲಾಪ್‌ಗಳನ್ನು ಕಂಡು ಈ ಹಂತಕ್ಕೆ ಬಂದೆ. ನಂತರ ರಾಜಕೀಯಕ್ಕೂ ಬಂದೆ. ಅಲ್ಲಿಂದ ಇನ್ನೊಂದು ಜರ್ನಿ ಶುರುವಾಯಿತು. ಆಗುತ್ತ ಆಗುತ್ತ 40 ವರ್ಷ ಮುಗಿದೇ ಹೋಯಿತು. ಇದು ಯಾರಿಂದ ಸಾಧ್ಯವಾಯ್ತು? ಇದಕ್ಕೆಲ್ಲ ದೇವರಿಗೆ ಧನ್ಯವಾದ. ನಮ್ಮ ಸಂಬಂಧಿಕರಲ್ಲಿ ಇಂದಿಗೂ ಅನೇಕರು ಅದೇ ಮಧ್ಯಮ ವರ್ಗದ ಜೀವನ ನಡೆಸುತ್ತ, ಸಣ್ಣ ಪುಟ್ಟ ಕೆಲಸ ಮಾಡಿಕೊಂಡು ಕಷ್ಟಪಡುತ್ತಿದ್ದಾರೆ' ಎನ್ನುತ್ತ ಜಗ್ಗೇಶ್‌ ಕಂಬನಿ ಸುರಿಸಿದರು.

also read: ಡಾ. ರಾಜ್‌ಕುಮಾರ್‌ ಬಗ್ಗೆ ಹಲವರಿಗೆ ತಿಳಿದಿರದ ವಿಷಯ ಬಹಿರಂಗ ಮಾಡಿದ 'ನವರಸ ನಾಯಕ' ಜಗ್ಗೇಶ್‌!