ಜ.30ಕ್ಕೆ ಲಹರಿ ಸಂಸ್ಥೆಯ ಸಿನಿಮಾ
ಲಹರಿ ಸಂಸ್ಥೆ ನಿರ್ಮಾಣ ಮಾಡಲಿರುವ ನಿಖಿಲ್ ಸಿನಿಮಾದ ತಾಂತ್ರಿಕ ತಂಡ ಕನ್ಫರ್ಮ್ ಆಗಿದೆ. ಅಲ್ಲದೆ, ಚಿತ್ರದ ಕೆಲಸಗಳು ಯಾವಾಗ ಶುರುವಾಗಲಿವೆ ಎಂಬುದಕ್ಕೆ ಕಾರಣ ಕೂಡ ಸಿಕ್ಕಿದೆ. ಜನವರಿ 30ರಿಂದ ಈ ಸಿನಿಮಾದ ಶೂಟಿಂಗ್ ಶುರುವಾಗಲಿದ್ದು, ವಿಜಯ್ ಕುಮಾರ್ ಕೊಂಡ ನಿರ್ದೇಶನ ಚಿತ್ರಕ್ಕಿರಲಿದೆ. ಅರ್ಜುನ್ ಜನ್ಯ ಸಂಗೀತ ನಿರ್ದೇಶನ ಮಾಡಲಿದ್ದಾರೆ. ಜೊತೆಗೆ ಛಾಯಾಗ್ರಹಣದ ಹೊಣೆ ಶ್ರೀಶಾ ಕುದುವಳ್ಳಿ ಅವರದ್ದು. ಶೇಖರ್ ನೃತ್ಯ ನಿರ್ದೇಶನ ಮಾಡಲಿದ್ದು, ಪ್ರವೀಣ್‌ ಪುಡಿ ಸಂಕಲನದ ಜವಾಬ್ದಾರಿ ಹೊತ್ತಿದ್ದಾರೆ. ಇನ್ನು, ಇದೊಂದು ಸ್ಪೋರ್ಟ್ಸ್ ಕುರಿತ ಸಿನಿಮಾ ಇರಬಹುದು ಎಂಬ ಸುಳಿವು ಫಸ್ಟ್‌ಲುಕ್‌ನಿಂದ ಸಿಕ್ಕಿದೆ.
Twitter-Wishing Yuvaraja #NikhilKumar, a very Happy Birthd...
ಲೈಕಾ ಜೊತೆ ನಿಖಿಲ್ ಸಿನಿಮಾ ಕನ್ಫರ್ಮ್
ಈಗಾಗಲೇ ದಕ್ಷಿಣ ಭಾರತದಲ್ಲಿ ರಜನಿಕಾಂತ್‌, ಕಮಲ್‌ ಹಾಸನ್‌, ಚಿರಂಜೀವಿ, ವಿಜಯ್, ಸೂರ್ಯ ಅವರಂತಹ ಸ್ಟಾರ್ ನಟರ ಬಿಗ್‌ ಬಜೆಟ್ ಸಿನಿಮಾಗಳಿಗೆ ಬಂಡವಾಳ ಹೂಡಿ ಖ್ಯಾತರಾಗಿರುವ ಲೈಕಾ ಪ್ರೊಡಕ್ಷನ್ಸ್ ಸಂಸ್ಥೆಯೂ ನಿಖಿಲ್ ಜೊತೆ ಸಿನಿಮಾ ಮಾಡಲಿದೆ ಎಂಬ ಮಾತು ಬಹಳ ಹಿಂದೆಯೇ ಕೇಳಿಬಂದಿತ್ತು. ಇದೀಗ ಅದು ಕಾರ್ಯರೂಪಕ್ಕೆ ಬರುವ ಸೂಚನೆ ಸಿಕ್ಕಿದೆ. ಆ ಸಂಸ್ಥೆಯ 20ನೇ ಸಿನಿಮಾದಲ್ಲಿ ನಿಖಿಲ್ ನಟಿಸುವುದು ಖಚಿತವಾಗಿದೆ.
ಮೊದಲ ಬಾರಿಗೆ ಎ.ಪಿ. ಅರ್ಜುನ್ ಜೊತೆ ನಿಖಿಲ್ ಕೆಲಸ
'ಅಂಬಾರಿ', 'ಅದ್ದೂರಿ', 'ರಾಟೆ', 'ಐರಾವತ' ಖ್ಯಾತಿಯ ನಿರ್ದೇಶಕ ಎ.ಪಿ. ಅರ್ಜುನ್, ಈಗ ನಿಖಿಲ್‌ಗೆ ಸಿನಿಮಾ ಮಾಡಲಿದ್ದಾರೆ. ಎನ್‌ಕೆ ಎಂಟರ್‌ಟೇನ್‌ಮೆಂಟ್ಸ್ ಬ್ಯಾನರ್‌ನಡಿಯಲ್ಲಿ ಈ ಸಿನಿಮಾ ಶುರುವಾಗಲಿದ್ದು, ಜೂನ್‌ನಿಂದ ಚಿತ್ರೀಕರಣ ಆರಂಭಗೊಳ್ಳಲಿದೆ. 'ಕಿಸ್‌' ನಂತರ ಅರ್ಜುನ್ ಸದ್ದಿಲ್ಲದೆ, ನಿಖಿಲ್ ಜೊತೆ ಕೈಜೋಡಿಸಿದ್ದಾರೆ.
'ಕುರುಕ್ಷೇತ್ರ' ನಿರ್ಮಾಪಕರ ಸಿನಿಮಾದಲ್ಲಿ ನಟನೆ
ಮುನಿರತ್ನ ನಿರ್ಮಾಣದ 'ಕುರುಕ್ಷೇತ್ರ' ಸಿನಿಮಾದಲ್ಲಿ ಅಭಿಮನ್ಯು ಪಾತ್ರ ಮಾಡಿದ್ದ ನಿಖಿಲ್, ಈ ಬಾರಿ ಅವರ ನಿರ್ಮಾಣದ ಮತ್ತೊಂದು ಸಿನಿಮಾದಲ್ಲಿ ನಟಿಸಲಿದ್ದಾರೆ. 'ಧನುಷ್‌ ಐಪಿಎಸ್‌' ಎಂಬುದು ಸಿನಿಮಾದ ಶೀರ್ಷಿಕೆ. ಹಾಗಾದರೆ, ಈ ಬಾರಿ ನಿಖಿಲ್ ಪೊಲೀಸ್‌ ಅವತಾರದಲ್ಲಿ ಕಾಣಿಸಿಕೊಳ್ಳುವುದು ಪಕ್ಕಾ ಎನ್ನಲಾಗಿದೆ. ಆದರೆ, 'ಧನುಷ್‌..'ಗೆ ನಿರ್ದೇಶಕರು ಯಾರು ಎಂಬುದು ಇನ್ನೂ ಬಹಿರಂಗಗೊಂಡಿಲ್ಲ.
'ಪೈಲ್ವಾನ್‌' ಕೃಷ್ಣ ಜೊತೆ ಸಿನಿಮಾ ಯಾವಾಗ?
ಈ ಹಿಂದೆ ಸುದ್ದಿಯಾದಂತೆ ನಿರ್ದೇಶಕ 'ಪೈಲ್ವಾನ್‌' ಕೃಷ್ಣ ಜೊತೆ ನಿಖಿಲ್ ಒಂದು ಸಿನಿಮಾ ಮಾಡಬೇಕಿತ್ತು. ಆದರೆ, ಬರ್ತ್‌ಡೇಗೆ ಘೋಷಣೆ ಆಗಿರುವ ಸಿನಿಮಾಗಳ ಪಟ್ಟಿಯಲ್ಲಿ ಈ ಸಿನಿಮಾದ ಬಗ್ಗೆ ಮಾಹಿತಿ ಇಲ್ಲ. ಹಾಗಾದರೆ, ನಿಖಿಲ್-ಕೃಷ್ಣ ಕಾಂಬಿನೇಷನ್‌ನ ಸಿನಿಮಾ ಯಾವಾಗ ಶುರುವಾಗಲಿದೆ ಎಂಬುದಕ್ಕೆ ಸದ್ಯಕ್ಕೆ ಉತ್ತರವಿಲ್ಲ.