ನಿಖಿಲ್ ಕುಮಾರಸ್ವಾಮಿಗೆ ಕೂಡಿಬಂತಾ ಕಂಕಣಭಾಗ್ಯ? ಅವರು ಮದುವೆಯಾಗುವ ಹುಡುಗಿ ರೇವತಿ ಹಿನ್ನಲೆ ಏನು?

ವಿಜಯನಗರ ಶಾಸಕ ಎಂ.ಕೃಷ್ಣಪ್ಪ ಮೊಮ್ಮಗಳು ರೇವತಿ ಅವರನ್ನು ನಿಖಿಲ್ ಮದುವೆಯಾಗುತ್ತಿದ್ದಾರೆ ಎಂಬ ಮಾತು ಕೇಳಿಬರುತ್ತಿದೆ. ರೇವತಿ ಎಂಸಿಎ ಪದವೀಧರೆ. ಮೇ 17 ಮತ್ತು 18ರಂದು ಇವರಿಬ್ಬರ ಕಲ್ಯಾಣ ನೆರವೇರಲಿದೆ ಎಂಬ ಗಾಸಿಪ್ ಹರಡಿದ್ದು ದೇವೇಗೌಡರ ಕುಟುಂಬಸ್ಥರು ಈ ಬಗ್ಗೆ ಅಧಿಕೃತ ಮಾಹಿತಿ ನೀಡಬೇಕಿದೆ. ಬೆಂಗಳೂರಿನ ಮಲ್ಲತಳ್ಳಿಯಲ್ಲಿರುವ ವಧುವಿನ ಮನೆಗೆ ದೇವೇಗೌಡರು, ಅವರ ಪತ್ನಿ, ಕುಮಾರಸ್ವಾಮಿ, ನಿಖಿಲ್ ಕುಮಾರಸ್ವಾಮಿ, ದೇವೇಗೌಡರ ಪುತ್ರಿಯರಾದ ಅನುಸೂಯ, ಶೈನಜಾ ಇತರರು ಇಂದು ಭೇಟಿ ನೀಡಿ ಒಂದೂವರೆ ಗಂಟೆಗಳ ಕಾಲ ಮಾತನಾಡಿದ್ದಾರೆ.

ಕೆಸಿಎನ್ ಮೋಹನ್ ಅವರ ಪುತ್ರಿ ಸ್ವಾತಿಯೊಂದಿಗೆ ಈ ಹಿಂದೆಯೇ ನಿಖಿಲ್ ನಿಶ್ಚಿತಾರ್ಥ ಅದ್ದೂರಿಯಾಗಿ ನಡೆದಿತ್ತು. ಕಾಲೇಜ್‌ಮೆಂಟ್ಸ್ ಆಗಿದ್ದ ಇವರಿಬ್ಬರೂ ಪ್ರೀತಿಸಿದ್ದರು. ಇವರಿಬ್ಬರ ಪ್ರೀತಿಗೆ ಎರಡೂ ಕುಟುಂಬವು ಒಪ್ಪಿತ್ತಾದರೂ ಮದುವೆ ಮಾತ್ರ ಆಗಿರಲಿಲ್ಲ. ಜೊತೆಗೆ ಆಂಧ್ರದ ಉದ್ಯಮಿ ಮಗಳ ಜೊತೆ ನಿಖಿಲ್ ಮದುವೆ ನಡೆಯಲಿದೆ ಎಂಬ ಮಾತು ಕೇಳಿಬಂದಿತ್ತು. ಇದಕ್ಕೆ ಚಂದ್ರಬಾಬು ನಾಯ್ಡು ಮಧ್ಯಸ್ಥಿಕೆ ವಹಿಸಲಿದ್ದಾರಂತೆ ಎನ್ನಲಾಗಿತ್ತು.

"ಸದ್ಯದಲ್ಲೇ ಮದುವೆ ಬಗ್ಗೆ ಅನೌನ್ಸ್‌ ಮಾಡುತ್ತೇವೆ. ಎಲ್ಲ ಗಾಸಿಪ್‌ಗಳಿಗೂ ನಮ್ಮ ಅನೌನ್ಸ್‌ಮೆಂಟ್‌ ಉತ್ತರವಾಗಿರುತ್ತದೆ. ಕಳೆದ ಒಂದು ವರ್ಷದಿಂದ ಸೀರಿಯಸ್‌ ಆಗಿ ಮನೆಯಲ್ಲಿ ಹುಡುಗಿ ನೋಡುತ್ತಿದ್ದಾರೆ. ಒಬ್ಬಳು ಹುಡುಗಿಯನ್ನು ಸದ್ಯದಲ್ಲೇ ಫೈನಲ್‌ ಮಾಡಲಿದ್ದೇವೆ. ಅವರು ಯಾರು? ಅವರ ಕುಟುಂಬದ ಬಗ್ಗೆ ಮದುವೆ ಬಗ್ಗೆ ಅನೌನ್ಸ್‌ ಮಾಡುವ ದಿನವೇ ಹೇಳುತ್ತೇನೆ. ನಾನು ಮದುವೆ ಆಗುವ ಹುಡುಗಿ ಕನ್ನಡತಿ, ನಮ್ಮ ಸಂಸ್ಕೃತಿ ಆಚಾರ ವಿಚಾರಗಳನ್ನು ತಿಳಿದುಕೊಂಡಿರುವಂಥ ಹುಡುಗಿ ಅವಳು. ಎಲ್ಲದಕ್ಕಿಂತ ಹೆಚ್ಚಾಗಿ ಸಿನಿಮಾ ಇಂಡಸ್ಟ್ರಿಯಿಂದ ಕಂಪ್ಲೀಟ್‌ ಹೊರಗಿನವರು ಅವರು. ಜತೆಗೆ ಅವರಿಗೆ ಇಂಡಸ್ಟ್ರಿ ಬಗ್ಗೆ ಅಷ್ಟೇನೂ ಗೊತ್ತಿಲ್ಲ. ನನ್ನ ಮದುವೆ ವಿಚಾರದಲ್ಲಿ ಪಾಲಕರ ನಿರ್ಧಾರವೇ ಅಂತಿಮ ಎನ್ನುವುದು ನಿಖಿಲ್‌ ಅವರ ಮಾತಾಗಿದೆ" ಎಂದು ನಿಖಿಲ್ ಇತ್ತೀಚೆಗಷ್ಟೇ 'ವಿಜಯ ಕರ್ನಾಟಕದ ಲವಲvk'ಗೆ ನೀಡಿದ್ದ ಸಂದರ್ಶನದಲ್ಲಿ ಹೇಳಿದ್ದರು ನಿಖಿಲ್.