ಕುತೂಹಲ ಕೆರಳಿಸಿರುವ ಡಾಲಿ ಧನಂಜರ್ ಹೊಸ 'ಪಾಪ್‍ಕಾರ್ನ್' ಲುಕ್!

ಡಾಲಿ ಧನಂಜಯ ನಟನೆಯ ಪಾಪ್‌ ಕಾರ್ನ್‌ ಮಂಕಿ ಟೈಗರ್‌ ಸಿನಿಮಾದ ಪೋಸ್ಟರ್‌ಗಳು ಸೋಷಿಯಲ್‌ ಮೀಡಿಯಾದಲ್ಲಿ ಸದ್ದು ಮಾಡುತ್ತಿವೆ. ಅದರಲ್ಲೂ ಮಂಕಿ ಎಂದು ತೆಲೆಯ ಮೇಲೆ ಬರೆದಿರುವ ಲುಕ್‌ ಎಲ್ಲರನ್ನು ನಿಬ್ಬೆರಗಾಗಿಸಿದೆ.

'ಬೋಳು ತಲೆಯ ಲುಕ್‌ ರಿಲೀಸ್‌ ಆದಾಗ ಸಾಕಷ್ಟು ಜನ ಮೆಸೇಜ್‌ ಮಾಡಿದ್ದರು. ಈ ಲುಕ್‌ನಲ್ಲಿನೀವು ಅದ್ಭುತವಾಗಿ ಕಾಣುತ್ತೀರ, ಈ ಲುಕ್‌ನಲ್ಲಿಖದರ್‌ ಎದ್ದು ಕಾಣುತ್ತಿದೆ' ಇಂತಹ ಮೆಸೇಜ್‌ಗಳು ಮತ್ತು ಕಮೆಂಟ್‌ಗಳು ಸೋಶಿಯಲ್‌ ಮೀಡಿಯಾದಲ್ಲಿಬಂದವು. ಕೆಲ ಅಭಿಮಾನಿಗಳು ಇನ್ನು ಮುಂದಕ್ಕೆ ಹೋಗಿ ಜೋಕರ್‌ ಚಿತ್ರದ ಪೋಸ್ಟರ್‌ ಅನ್ನು ಎಡಿಟ್‌ ಮಾಡಿದ್ದರು. ಜತೆಗೆ ಸಿನಿಮಾದಲ್ಲಿ ಇನ್ನೂ ಎರಡು ವಿಭಿನ್ನ ಲುಕ್‌ಗಳಿದ್ದು, ಅದು ಕೂಡಾ ಎಲ್ಲರಿಗೂ ಇಷ್ಟವಾಗಿದೆ'ಎನ್ನುತ್ತಾರೆ ಡಾಲಿ ಧನಂಜಯ.

ಶೀಘ್ರದಲ್ಲೇ ತಮಿಳು ಚಿತ್ರರಂಗಕ್ಕೆ ಡಾಲಿ ಧನಂಜಯ ಪದಾರ್ಪಣೆ

ಟಗರು ಚಿತ್ರದ ನಂತರ ಸೂರಿ ನಿರ್ದೇಶನ ಮಾಡುತ್ತಿರುವ ಸಿನಿಮಾ ಇದಾಗಿದೆ. ಹಾಗಾಗಿ ಚಿತ್ರದ ಮೇಲೆ ಅಭಿಮಾನಿಗಳಿಗೆ ನಿರೀಕ್ಷೆ ಇದೆ. ಇದಕ್ಕೆ ಇಂಬು ನೀಡುವಂತೆ ಫಸ್ಟ್‌ ಲುಕ್‌ ಮತ್ತು ಪೋಸ್ಟರ್‌ಗಳು ವೈರಲ್‌ ಆಗುತ್ತಿವೆ.

ದುನಿಯಾ ಸೂರಿ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ 10ನೇ ಸಿನಿಮಾ ಇದಾಗಿದ್ದು, ಕಥೆ ಏನು ಎಂದು ಸೂರಿ ಅವರನ್ನು ಕೇಳಿದರೆ, "ಇದನ್ನು ಎರಡು ಸಾಲುಗಳಲ್ಲಿ ಹೇಳಲಿಕ್ಕೆ ಆಗಲ್ಲ. ಈ ಕಥೆ ಏನು ಎಂದು ಗೊತ್ತಾಗಬೇಕಾದರೆ ಏನಿಲ್ಲ ಎಂದರೂ ಎರಡು ಗಂಟೆ ಬೇಕು" ಎನ್ನುತ್ತಾರೆ. ದೇವಿ ಹಾಗೂ ಸೀನಾ ಎಂಬ ಎರಡು ಪಾತ್ರಗಳ ಸುತ್ತ ಸುತ್ತುವ ಕಥೆ ಇದು.

ಸ್ಯಾಂಡಲ್‌ವುಡ್‌ನಲ್ಲಿ ಮರುಕಳಿಸಿದ ಖಾಕಿ ಖದರ್‌!
ಚಿತ್ರದ ಶೀರ್ಷಿಕೆ ನಿರ್ದಿಷ್ಟವಾದ ವ್ಯಕ್ತಿಗಳಿಗೆ ಸಂಬಂಧಿಸಿದ್ದಲ್ಲ, ಇದು ಜೀವನದ ಮೂರು ಆಯಾಮಗಳಿಗೆ ಸಂಬಂಧಿಸಿದ್ದು. ಪಾತ್ರಗಳ ಮೂಲಕ ಅದನ್ನು ಹೇಳಿದ್ದೇನೆ. ಇದನ್ನು ನಾನು ಹೇಳುವುದಕ್ಕಿಂತ ದೃಶ್ಯರೂಪದಲ್ಲಿ ಅದನ್ನು ಅನುಭವಿಸಿದರೇನೇ ಚೆಂದ. ಪದಗಳಲ್ಲಿ ಇದನ್ನು ಹೇಳುವುದು ಅಸಾಧ್ಯವಾದ ಕೆಲಸ ಎಂದಿದ್ದಾರೆ ಸೂರಿ.