ಯುರೋಪ್‌ನಲ್ಲಿ ಅಪ್ಪು
'ಯುವರತ್ನ' ಚಿತ್ರದ ಹಾಡುಗಳ ಚಿತ್ರೀಕರಣಕ್ಕಾಗಿ ಚಿತ್ರತಂಡ ಮಾರ್ಚ್ 2ರಿಂದ ಯುರೋಪ್‌ಗೆ ಹೊರಡಲಿದೆ. ಅಲ್ಲಿನ ಸುಂದರ ಲೊಕೇಷನ್‌ಗಳಲ್ಲಿ ರೊಮ್ಯಾಂಟಿಕ್ ಗೀತೆಯೊಂದನ್ನು ಚಿತ್ರೀಕರಿಸುವ ಯೋಜನೆ ಚಿತ್ರತಂಡದ್ದು. ಪುನೀತ್ ಹಾಗೂ ಚಿತ್ರದ ನಾಯಕಿ ಸಾಯೇಷಾ ಭಾಗಿಯಾಗಲಿರುವ ಈ ಹಾಡನ್ನು ಖ್ಯಾತ ನೃತ್ಯ ನಿರ್ದೇಶಕ ಚಿನ್ನಿ ಪ್ರಕಾಶ್ ಇದರ ಕೊರಿಯೋಗ್ರಫಿ ಮಾಡಲಿದ್ಧಾರೆ. ಅಲ್ಲಿ ಒಟ್ಟು ನಾಲ್ಕು ದಿನಗಳ ಚಿತ್ರೀಕರಣ ನಡೆಯಲಿದೆ.
ಕೊನೇ ಹಂತದ ಚಿತ್ರದ ಚಿತ್ರೀಕರಣ ಬಾಕಿ
'ಯುವರತ್ನ' ಚಿತ್ರದ ಬಹುತೇಕ ಚಿತ್ರೀಕರಣ ಮುಕ್ತಾಯವಾಗಿದ್ದು, ಕೊನೇ ಹಂತದ ಶೂಟಿಂಗ್ ಮಾತ್ರ ಬಾಕಿ ಇದೆ. ಯುರೋಪ್‌ನಿಂದ ಚಿತ್ರತಂಡ ಮರಳುತ್ತಿದ್ದಂತೆಯೇ ಬಾಕಿರುವ ಕೆಲಸಗಳನ್ನು ಮುಗಿಸಿಕೊಳ್ಳಲಿದೆಯಂತೆ. ವಿಶೇಷವೆಂದರೆ, ಈ ಸಿನಿಮಾದಲ್ಲಿ ಸಾಕಷ್ಟು ಅನುಭವಿ ಕಲಾವಿದರು ಬಣ್ಣ ಹಚ್ಚಿದ್ದಾರೆ. ಧನಂಜಯ, ಪ್ರಕಾಶ್ ರೈ, ಸೋನು ಗೌಡ, ವಸಿಷ್ಠ ಸಿಂಹ, ದಿಗಂತ್‌ ಸೇರಿ ಅನೇಕರು ನಟಿಸಿದ್ದಾರೆ. ಹೊಂಬಾಳೆ ಫಿಲ್ಮ್ಸ್‌ನ ವಿಜಯ್‌ ಕಿರಗಂದೂರು ಬಂಡವಾಳ ಹೂಡಿದ್ದಾರೆ.
'ಮಾಯಾಬಜಾರ್'ನಲ್ಲಿ 'ಪವರ್ ಸ್ಟಾರ್' ಪುನೀತ್ ರಾಜ್‌ಕುಮಾರ್! ಚಿತ್ರದಲ್ಲಿ ಅವರ ಪಾತ್ರವೇನು?
ಅಪ್ಪು ನಿರ್ಮಾಣದ 'ಮಾಯಾಬಜಾರ್' ರಿಲೀಸ್
ಅತ್ತ 'ಯುವರತ್ನ' ಸಿನಿಮಾವು ಕೊನೇ ಹಂತದ ಶೂಟಿಂಗ್ ಮಾಡುತ್ತಿದ್ದರೆ, ಇತ್ತ ಪುನೀತ್ ರಾಜ್‌ಕುಮಾರ್ ನಿರ್ಮಾಣದ 2ನೇ ಸಿನಿಮಾ 'ಮಾಯಾಬಜಾರ್' ಇದೇ ವಾರ ತೆರೆಗೆ ಬರುತ್ತಿದೆ. ಈಗಾಗಲೇ ರಿಲೀಸ್ ಆಗಿರುವ ಚಿತ್ರದ ಟ್ರೇಲರ್ ಸಾಕಷ್ಟು ನಿರೀಕ್ಷೆ ಹುಟ್ಟುಹಾಕಿದೆ. ರಾಜ್ ಬಿ. ಶೆಟ್ಟಿ, ಪ್ರಕಾಶ್ ರೈ, ಅಚ್ಯುತ್‌ಕುಮಾರ್, ಸುಧಾರಾಣಿ, ಚೈತ್ರಾ ರಾವ್, ವಸಿಷ್ಠ ಸಿಂಹ ಸಾಧು ಕೋಕಿಲ ಮುಂತಾದವರು ಚಿತ್ರದಲ್ಲಿ ನಟಿಸಿದ್ದಾರೆ.
'ರುದ್ರಿ' ಫಸ್ಟ್ ಲುಕ್ ಅನಾವರಣಗೊಳಿಸಿದ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್
ಒಂದು ಹಾಡಿನಲ್ಲಿ ಪುನೀತ್ ನಟನೆ
ತೆರೆಮೇಲೆ ಪುನೀತ್ ರಾಜ್‌ಕುಮಾರ್ ಅವರನ್ನು ಮಿಸ್ ಮಾಡಿಕೊಂಡಿರುವ ಅಭಿಮಾನಿಗಳಿಗೆ 'ಮಾಯಾಬಜಾರ್' ಕೊಂಚಮಟ್ಟಿಗೆ ಆ ಬೇಸರವನ್ನು ನೀಗಿಸಲಿದೆ. ಯಾಕೆಂದರೆ, ಈ ಚಿತ್ರದ ಟೈಟಲ್‌ ಟ್ರ್ಯಾಕ್‌ನಲ್ಲಿ ಅಪ್ಪು ನಟಿಸಿದ್ದಾರೆ. ಭರ್ಜರಿಯಾಗಿ ಸ್ಟೆಪ್‌ ಹಾಕಿದ್ದಾರೆ. ಅಲ್ಲದೆ, ಪಿಆರ್‌ಕೆ ಪ್ರೋಡಕ್ಷನ್ಸ್‌ನಲ್ಲಿ ನಿರ್ಮಾಣಗೊಂಡ ಸಿನಿಮಾದಲ್ಲಿ ಪುನೀತ್ ನಟಿಸಿದ್ದು ಇದೇ ಮೊದಲು. ರಾಧಕೃಷ್ಣ ರೆಡ್ಡಿ ಈ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ.
-----------------------------
ಈ ಕೆಳಗಿನ ಪ್ರಶ್ನೆಗೆ ಸರಿಯಾದ ಉತ್ತರವನ್ನು ಕಾಮೆಂಟ್‌ ಬಾಕ್ಸ್‌ನಲ್ಲಿ ಬರೆಯಿರಿ.
1. ಯುವರತ್ನ ಚಿತ್ರದದಲ್ಲಿ ಪುನೀತ್ ರಾಜ್‌ಕುಮಾರ್ ಎದುರು ನಾಯಕಿಯಾಗಿ ನಟಿಸಿರುವ ನಟಿ ಯಾರು?