ಪುನೀತ್ 'ಯುವರತ್ನ' ಟೀಸರ್ ರಿಲೀಸ್; ಪಂಚಿಂಗ್ ಡೈಲಾಗ್‌ಗೆ ಫ್ಯಾನ್ಸ್ ಫಿದಾ

ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ಅಭಿನಯದ 'ಯುವರತ್ನ' ಸಿನಿಮಾದ ಟೀಸರ್ ದಸರಾ ಹಬ್ಬಕ್ಕೆ ರಿಲೀಸ್ ಆಗಿದ್ದು ಪಂಚಿಂಗ್ ಡೈಲಾಗ್ ಮೂಲಕ ಗಮನಸೆಳೆದಿದ್ದಾರೆ ಪವರ್ ಸ್ಟಾರ್. ಅಭಿಮಾನಿಗಳು ಅಷ್ಟೇ ಕಾಮೆಂಟ್ ಮಾಡುವ ಮೂಲಕ ಡೈಲಾಗನ್ನು ಎಂಜಾಯ್ ಮಾಡುತ್ತಿದ್ದಾರೆ.

ಸಂತೋಷ್ ಆನಂದರಾಮ್ ನಿರ್ದೇಶನದ ಈ ಚಿತ್ರವನ್ನು ಹೊಂಬಾಳೆ ಫಿಲಂಸ್ ಲಾಂಛನದಲ್ಲಿ ನಿರ್ಮಿಸಲಾಗಿದೆ. ಪಾತ್ರವರ್ಗದಲ್ಲಿ ಸಾಯೇಷಾ ಸೈಗಲ್, ಸೋನು ಗೌಡ, ಧನಂಜಯ್, ವಸಿಷ್ಠ ಎನ್ ಸಿಂಹ, ಬೋಮನ್ ಇರಾನಿ, ಪ್ರಕಾಶ್ ರೈ ಮುಂತಾದವರಿದ್ದಾರೆ. ನಂದಿ ಬೆಟ್ಟದಲ್ಲಿ ಮಿನಿ ಕೂಪರ್‌ ರೈಡ್‌ ಮಾಡಿದ ಪುನೀತ್‌

ರಗ್ಬಿ ಆಟಗಾರನಾಗಿ ಪುನೀತ್ ರಾಜ್‍ಕುಮಾರ್ ಕಾಣಿಸಿಕೊಂಡಿದ್ದು ಟಿ-ಶರ್ಟ್ ಮೇಲೆ 'ಆರ್‌ಕೆ' ಎಂದಿರುವುದನ್ನು ಅಭಿಮಾನಿಗಳು ಅರ್ಥೈಸಿ ಕಾಮೆಂಟ್ ಮಾಡುತ್ತಿದ್ದಾರೆ. ಆರ್‌ಕೆ ಎಂದರೆ ರಾಜ್‍ಕುಮಾರ್ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಯುವರತ್ನಕ್ಕೆ ಬಂದ ಗ್ಲಾಮರ್‌ ಬೆಡಗಿಯರು

ಇನ್ನು ಟ್ರೇಲರ್‌ನಲ್ಲಿ ಪುನೀತ್ ಹೊಡೆದಿರುವ ಡೈಲಾಗ್ ಈ ರೀತಿ ಇದೆ, "ಈ ದುನಿಯಾದಲ್ಲಿ ಮೂರು ತರಹ ಗಂಡಸರು ಇದ್ದಾರೆ, ಒಂದು ರೂಲ್‌ನ ಫಾಲೋ ಮಾಡೋರು, ಎರಡು ರೂಲ್‌ನ ಬ್ರೇಕ್ ಮಾಡೋರು ಇನ್ನು ಮೂರನೇ ಅವರು ನನ್ ತರಹ.... ರೂಲ್ ಮಾಡೋರು" ಎಂಬ ಡೈಲಾಗ್‌ಗೆ ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ.

ಕೆಜಿಎಫ್‌ ಸಿನಿಮಾಗೆ ಬಂಡವಾಳ ಹೂಡಿದ್ದ ವಿಜಯ್ ಕಿರಗಂದೂರು ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಶಿಕ್ಷಣ, ಡ್ರಗ್ಸ್ ಮಾಫಿಯಾ ಕುರಿತ ಕಥೆ ಈ ಸಿನಿಮಾದಲ್ಲಿದೆ. ಸಾಯಿಕುಮಾರ್, ಸೋನು ಗೌಡ, ಸಾಯೇಷಾ ಸೈಗಲ್, ರವಿಶಂಕರ್, ಸಾಧುಕೋಕಿಲ, ಕುರಿಪ್ರತಾಪ,ಡಾಲಿ ಧನಂಜಯ್, ರಾಧಿಕಾ ಶರತ್‌ಕುಮಾರ್, ಪ್ರಕಾಶ್ ರಾಜ್, ಅಚ್ಯುತ್ ಕುಮಾರ್, ಗುರುದತ್, ಆರು ಗೌಡ, ತ್ರಿವೇಣಿ, ವಸಿಷ್ಠ ಸಿಂಹ, ರಂಗಾಯಣ ರಘು ಮುಂತಾದವರು ಈ ಚಿತ್ರದಲ್ಲಿ ನಟಿಸಿದ್ದಾರೆ. ಸುಧಾರಾಣಿ ಕೂಡ ಈ ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದಾರೆ. ಪುನೀತ್ ರಾಜ್‍ಕುಮಾರ್ 'ಯುವರತ್ನ'ಕ್ಕೆ ತಮನ್‌ ಸಂಗೀತ

2019ರ ಡಿಸೆಂಬರ್ ಅಥವಾ ಮಾರ್ಚ್ 2020ರಲ್ಲಿ ಚಿತ್ರ ತೆರೆಗೆ ಬರಬಹುದು ಎಂದು ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿ ಹಬ್ಬಿಸಿದ್ದರು. ಹೀಗಾಗಿ ಸಿನಿಮಾ ವಿತರಕ ಕಾರ್ತಿಕ್ ಗೌಡ ಟ್ವೀಟ್ ಮಾಡಿ ಉತ್ತರ ನೀಡಿದ್ದಾರೆ. ಸಿನಿಮಾ ರಿಲೀಸ್ ಡೇಟ್ ನೀವೇ ಊಹಿಸಿ ನಿಗದಿ ಮಾಡಬೇಡಿ. ಚಿತ್ರತಂಡದೊಂದಿಗೆ ಕುಳಿತು ಚರ್ಚಿಸಿ ಸದ್ಯದಲ್ಲೇ ಸಿನಿಮಾ ರಿಲೀಸ್ ಡೇಟ್ ಫೈನಲ್ ಮಾಡೋದಾಗಿ ಹೇಳಿದ್ದಾರೆ. ಈ ಚಿತ್ರ ಕನ್ನಡದಲ್ಲಿ ಮಾತ್ರ ರಿಲೀಸ್ ಆಗ್ತಿದೆ, ಆದರೆ ಫ್ಯಾನ್ ಇಂಡಿಯಾಮಟ್ಟದಲ್ಲಿ ಇದರ ಸೌಂಡ್ ಕೇಳಲೇಬೇಕು ಎಂದು ಅಭಿಮಾನಿಗಳು ಅಂದುಕೊಂಡಂತಿದೆ. ಈಗಾಗಲೇ 65%ದಷ್ಟು ಸಿನಿಮಾ ಚಿತ್ರೀಕರಣವಾಗಿದೆ.