ರಶ್ಮಿಕಾ ಮಂದಣ್ಣ ಚೀಟ್‌ ಮಾಡುವುದು ಈ ಎರಡು ವಿಚಾರಗಳಲ್ಲಿ ಮಾತ್ರ! ಯಾವುದು ಅದು?

ಕೊರೊನಾ ವೈರಸ್‌ ಹಾವಳಿ ಶುರುವಾದಾಗಿನಿಂದ ನಟಿ ರಶ್ಮಿಕಾ ಮಂದಣ್ಣ ಮನೆಯಲ್ಲೇ ಲಾಕ್‌ ಆಗಿದ್ದರು. ಶೂಟಿಂಗ್‌, ಡಬ್ಬಿಂಗ್‌, ರಿಹರ್ಸಲ್‌ ಏನೂ ಇಲ್ಲದ ಕಾರಣ ಅವರ ಸೋಶಿಯಲ್‌ ಮೀಡಿಯಾ ಬಳಕೆ ಕೂಡ ಹೆಚ್ಚಾಗಿತ್ತು. ಆ ಮೂಲಕ ತಮ್ಮ ಖಾಸಗಿ ಬದುಕಿನ ಕೆಲವು ಇಂಟರೆಸ್ಟಿಂಗ್‌ ವಿಷಯಗಳನ್ನು ರಶ್ಮಿಕಾ ಹಂಚಿಕೊಳ್ಳಲು ಆರಂಭಿಸಿದ್ದರು.

ಕೆಲವೇ ದಿನಗಳ ಹಿಂದೆ ಅವರು ತಮ್ಮ ಕಾಂತಿಯುತವಾದ ಚರ್ಮದ ರಹಸ್ಯವೇನು ಎಂಬುದನ್ನು ಬಹಿರಂಗ ಪಡಿಸಿದ್ದರು. ಚರ್ಮದ ಅಲರ್ಜಿ, ಮೊಡವೆ, ತೇವಾಂಶ, ವಿಟಮಿನ್‌ ಸಿ ಚಿಕಿತ್ಸೆ, ಫೇಸ್‌ ವಾಶ್‌ ಕ್ರೀಮ್‌ ಸೇರಿದಂತೆ ಅನೇಕ ಅಂಶಗಳ ಬಗ್ಗೆ ಅವರು ಅಭಿಮಾನಿಗಳಿಗೆ ಟಿಪ್ಸ್‌ ನೀಡಿದ್ದರು. ಅದಕ್ಕೆ ನೆಟ್ಟಿಗರಿಂದ ಉತ್ತಮ ಪ್ರತಿಕ್ರಿಯೆ ಕೂಡ ವ್ಯಕ್ತವಾಗಿತ್ತು. ಒಂದೂವರೆ ಮಿಲಿಯನ್‌ ಲೈಕ್ಸ್‌ ಸಿಕ್ಕಿತ್ತು.

ಈಗ ರಶ್ಮಿಕಾ ಮಂದಣ್ಣ ಮತ್ತೊಂದು ಪ್ರಮುಖ ವಿಷಯದ ಬಗ್ಗೆ ಹೇಳಿಕೊಂಡಿದ್ದಾರೆ. ಈ ಬಾರಿ ಅವರು ಬಹಿರಂಗಪಡಿಸಿರುವುದು ಡಯಟ್‌ ಪ್ಲ್ಯಾನ್‌ ಬಗ್ಗೆ. ಹೌದು, ಫಿಟ್ನೆಸ್‌ ಬಗ್ಗೆ ಅಪಾರ ಕಾಳಜಿ ಹೊಂದಿರುವ ರಶ್ಮಿಕಾ ಅವರು ತಮ್ಮ ಆಹಾರ ಪದ್ದತಿ ಕುರಿತು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ. ಎಷ್ಟೇ ವರ್ಕೌಟ್‌ ಮಾಡಿದರೂ ಆಹಾರ ಪದ್ಧತಿ ತುಂಬ ಮುಖ್ಯವಾಗುತ್ತದೆ. ಆ ಬಗ್ಗೆ 'ಕಿರಿಕ್‌ ಬ್ಯೂಟ್‌' ಸುಳಿವು ನೀಡಿದ್ದಾರೆ.

also read: ಮುಖ ಕಾಂತಿಯುತವಾಗಿ ಕಾಣಲು ರಶ್ಮಿಕಾ ಮಂದಣ್ಣ ಏನೇನು ಮಾಡಿದ್ರು?

ಒಂದು ಬಟ್ಟಲಿನಲ್ಲಿ ಬಗೆ ಬಗೆಯ ಹಣ್ಣಿನ ಚೂರುಗಳನ್ನು ಹಾಕಿಕೊಂಡು, ಆ ಬಟ್ಟಲನ್ನು ಕೈಯಲ್ಲಿ ಹಿಡಿದು ಪೋಸ್‌ ನೀಡಿದ್ದಾರೆ ರಶ್ಮಿಕಾ. 'ಪ್ಯಾನ್‌ಕೇಕ್‌ ನನಗೆ ಆರೋಗ್ಯಕರ ಮತ್ತು ತೃಪ್ತಿ ನೀಡುವ ಡಯಟ್‌' ಎಂದು ಅವರು ಹೇಳಿದ್ದಾರೆ. ಜೊತೆಗೆ ತಾವು ಯಾವ ವಿಚಾರದಲ್ಲಿ ಚೀಟ್‌ ಮಾಡುತ್ತೇವೆ ಎಂಬುದನ್ನೂ ಬಾಯಿ ಬಿಟ್ಟಿದ್ದಾರೆ. 'ಚಾಕೊಲೇಟ್‌ ಕೇಕ್‌ ಮತ್ತು ಐಸ್‌ಕ್ರೀಮ್‌ ನನ್ನ ಚೀಟ್‌ ಮೀಲ್‌ಗಳು. ನಿಮ್ಮ ಚೀಟ್‌ ಮೀಲ್ ಯಾವುದು?' ಎಂದು ಅಭಿಮಾನಿಗಳಿಗೆ ರಶ್ಮಿಕಾ ಪ್ರಶ್ನೆ ಕೇಳಿದ್ದಾರೆ. ಅಲ್ಲು ಅರ್ಜುನ್‌ ನಟನೆಯ 'ಪುಷ್ಪ' ಚಿತ್ರಕ್ಕೆ ಅವರು ನಾಯಕಿ ಆಗಿದ್ದು, ಕೊರೊನಾ ಕಾಟ ಕಮ್ಮಿ ಆದ ಬಳಿಕ ಚಿತ್ರೀಕರಣದಲ್ಲಿ ಭಾಗಿ ಆಗಲಿದ್ದಾರೆ.

also read: ರಶ್ಮಿಕಾ ಮಂದಣ್ಣ ಜೊತೆ ಕಳೆದ ಆ ದಿನಗಳನ್ನು ಮನಸಾರೆ ನೆನೆದ ನಟ ವಿಜಯ್‌ ದೇವರಕೊಂಡ!