ಹೇಗಿವೆ ಗೊತ್ತಾ ಎರಡೂ ಪೋಸ್ಟರ್‌ಗಳು?
'ಏಪ್ರಿಲ್‌' ಚಿತ್ರದಲ್ಲಿ ರಚಿತಾ ರಾಮ್‌ ಜೊತೆಗೆ ಚಿರಂಜೀವಿ ಸರ್ಜಾ ಮುಖ್ಯಭೂಮಿಕೆ ನಿಭಾಯಿಸುತ್ತಿದ್ದಾರೆ. ಮೊನ್ನೆ ತಾನೇ ಸಂಕ್ರಾಂತಿ ಸಂಭ್ರಮದಲ್ಲಿ ಈ ಸಿನಿಮಾದ ಹೊಸ ಪೋಸ್ಟರ್‌ ಅನ್ನು ಅವರು ಟ್ವಿಟರ್‌ನಲ್ಲಿ ಹಂಚಿಕೊಂಡರು. ಒಂದು ಫೋಟೋದೊಳಗೆ ಮತ್ತೊಂದು ಫೋಟೋ ಇರುವಂತಹ ಥೀಮ್‌ನಲ್ಲಿ ಈ ಪೋಸ್ಟರ್‌ ವಿನ್ಯಾಸಗೊಳಿಸಲಾಗಿದೆ. ಒಟ್ಟು ಮೂರು ಫೋಟೋಫ್ರೇಮ್‌ನಲ್ಲಿ ನಾಯಕ, ನಾಯಕಿ ಮತ್ತು ಚಿಕ್ಕ ಹುಡುಗಿ ಇದ್ದಾಳೆ. 'ಐ ಆ್ಯಮ್‌ ಪ್ರೆಗ್ನೆಂಟ್‌' ಚಿತ್ರದ ಪೋಸ್ಟರ್‌ ಕೂಡ ಬಹುತೇಕ ಅದೇ ರೀತಿ ಇದೆ.
'ಐ ಆ್ಯಮ್‌ ಪ್ರೆಗ್ನೆಂಟ್‌' ಚಿತ್ರತಂಡದಿಂದ ಆರೋಪ
ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಚರ್ಚೆ ಶುರುವಾಗಿದೆ. ಎರಡೂ ಚಿತ್ರದ ಪೋಸ್ಟರ್‌ಗಳನ್ನು ಅಕ್ಕಪಕ್ಕ ಇಟ್ಟುಕೊಂಡು ಹೋಲಿಕೆ ಮಾಡಲಾಗುತ್ತಿದೆ. ಬೇರೆ ಸಿನಿಮಾ ಇಂಡಸ್ಟ್ರಿಯಿಂದ ಪೋಸ್ಟರ್‌ ಕಾಪಿ ಮಾಡುವುದನ್ನು ನೋಡಿದ್ದೇವೆ. ಆದರೆ ನಮ್ಮ ಇಂಡಸ್ಟ್ರಿಯವರೇ ಹೀಗೆ ಮಾಡುತ್ತಾರಲ್ಲ ಎಂದು ಕೆಲವರು ಅಭಿಪ್ರಾಯ ಪಟ್ಟಿದ್ದಾರೆ. ಇನ್ಸ್‌ಟಾಗ್ರಾಮ್‌ನಲ್ಲಿ ಈ ಬಗ್ಗೆ 'ಐ ಆ್ಯಮ್‌ ಪ್ರೆಗ್ನೆಂಟ್‌' ಚಿತ್ರತಂಡದವರು ಅಸಮಾಧಾನ ತೋಡಿಕೊಂಡಿದ್ದಾರೆ.
ಡಿಗ್ಲಾಮರ್ ಲುಕ್‌ನಲ್ಲಿ ರಚಿತಾ ರಾಮ್‌
ಸಿನಿಪ್ರಿಯರಿಗೆ 'ಏಪ್ರಿಲ್‌' ಬಗ್ಗೆ ಕುತೂಹಲ ಮೂಡಲು ಮೊದಲ ಕಾರಣವೇ ನಾಯಕಿ ರಚಿತಾ ರಾಮ್‌ ಲುಕ್‌. ಮೊದಲಿನಿಂದಲೂ ಕಮರ್ಷಿಯಲ್‌ ಸಿನಿಮಾಗಳಲ್ಲಿ ಹೀರೋಯಿನ್‌ ಆಗಿ ನಟಿಸುವ ಅವಕಾಶ ಪಡೆಯುತ್ತ ಬಂದ ಅವರು ಹೆಚ್ಚಾಗಿ ಕಾಣಿಸಿಕೊಂಡಿದ್ದೇ ಗ್ಲಾಮರಸ್‌ ಪಾತ್ರಗಳಲ್ಲಿ. ಅಭಿಮಾನಿಗಳು ಕೂಡ ಅವರನ್ನು ಹಾಗೆಯೇ ಇಷ್ಟ ಪಟ್ಟಿದ್ದಾರೆ. ಆದರೆ ವೃತ್ತಿಜೀವನದಲ್ಲಿ ಕೊಂಚ ಬದಲಾವಣೆ ಇರಲಿ ಎಂಬ ಕಾರಣಕ್ಕೆ ಡಿಗ್ಲಾಮರ್ ಪಾತ್ರವಿರುವ 'ಏಪ್ರಿಲ್‌' ಚಿತ್ರವನ್ನು ರಚಿತಾ ಆಯ್ದುಕೊಂಡರು.
'ಏಪ್ರಿಲ್‌'ಗೆ ಚಿರು ಹೊಸ ಎಂಟ್ರಿ
ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ರಚಿತಾ ರಾಮ್‌ ಅವರ 'ಏಪ್ರಿಲ್‌' ಸಿನಿಮಾ ಕೆಲಸಗಳು ಇಷ್ಟು ಹೊತ್ತಿಗಾಗಲೇ ಮುಗಿದಿರಬೇಕಿತ್ತು. ಆದರೆ ಕಾರಣಾಂತರಗಳಿಂದ ತಡವಾಗುತ್ತಲೇ ಬಂತು. ಅಚ್ಚರಿ ಎಂದರೆ ಈ ಸಿನಿಮಾ ಸೆಟ್ಟೇರಿದಾಗ ಚಿತ್ರತಂಡದಲ್ಲಿ ಚಿರಂಜೀವಿ ಸರ್ಜಾ ಇರಲಿಲ್ಲ. ರಚಿತಾ ಮಾತ್ರವೇ ಭೂಮಿಕೆಯಲ್ಲಿರುತ್ತಾರೆ ಎನ್ನಲಾಗಿತ್ತು. ಕೆಲವು ತಿಂಗಳ ಕಾಲ ಚಿತ್ರದ ಕೆಲಸಗಳು ತಡವಾದವು. ನಂತರ ಚಿರಂಜೀವಿ ಸರ್ಜಾ ಕೂಡ ಪಾತ್ರವರ್ಗ ಸೇರಿಕೊಂಡರು. ಅವರ ಆಗಮನದ ನಂತರ ಕಥೆಯಲ್ಲಿ ಕೊಂಚ ಬದಲಾವಣೆ ಕೂಡ ಮಾಡಿಕೊಳ್ಳಲಾಯಿತು. ಈಗ ಹೊಸ ಪೋಸ್ಟರ್‌ ಮೂಲಕ ಚಿತ್ರದ ಬಗ್ಗೆ ಇದ್ದ ನಿರೀಕ್ಷೆಯನ್ನು ಹೆಚ್ಚು ಮಾಡಲಾಗಿದೆ.