ಎಲ್ಲರ ಸಂಬಳಕ್ಕೂ ಕತ್ತರಿ; ಆದ್ರೆ ಪೂಜಾ ಹೆಗ್ಡೆ ಸಂಭಾವನೆ ಮಾತ್ರ ಬಹು ಕೋಟಿ! ಕಾರಣ ಏನು?

ಮೂಲತಃ ಕರ್ನಾಟಕದವರಾದ ಪೂಜಾ ಹೆಗ್ಡೆ ಪರಭಾಷೆಯಲ್ಲಿ ಸಖತ್‌ ಬೇಡಿಕೆ ಸೃಷ್ಟಿಸಿಕೊಂಡಿದ್ದಾರೆ. ತೆಲುಗು ಚಿತ್ರರಂಗ ಮಾತ್ರವಲ್ಲದೆ, ಬಾಲಿವುಡ್‌ ಮಂದಿಗೂ ಪೂಜಾ ಮೇಲೆ ಕಣ್ಣು. ದಿನದಿಂದ ದಿನಕ್ಕೆ ಅವರ ಚಾರ್ಮ್‌ ಹೆಚ್ಚುತ್ತಲೇ ಇದೆ. ಅವರು ಕೇಳಿದಷ್ಟು ಸಂಭಾವನೆ ನೀಡಲು ನಿರ್ಮಾಪಕರು ಕೂಡ ಸಿದ್ಧರಾಗಿದ್ದಾರೆ. ಲಾಕ್‌ಡೌನ್‌ ಎಫೆಕ್ಟ್‌ನಿಂದಾಗಿ ಬೇರೆ ಕಲಾವಿದರ ಸಂಭಾವನೆಗೆ ಕತ್ತರಿ ಬೀಳುತ್ತಿದ್ದರೆ, ಪೂಜಾ ಸಂಭಾವನೆ ಮಾತ್ರ ಏರಿಕೆ ಆಗುತ್ತಿದೆ.

2012ರಲ್ಲಿಯೇ ಚಿತ್ರರಂಗಕ್ಕೆ ಕಾಲಿಟ್ಟ ಪೂಜಾ ಈವರೆಗೂ ಮಾಡಿರುವುದು ಬೆರಳೆಣಿಕೆಯಷ್ಟು ಸಿನಿಮಾ ಮಾತ್ರ. ಅದರಲ್ಲಿ ಎಲ್ಲವೂ ಯಶಸ್ಸು ಕಂಡಿದೆ ಅಂತೇನಿಲ್ಲ. ಅವರ ಖಾತೆಯಲ್ಲೂ ಸೋಲುಗಳಿವೆ. ಹಾಗಿದ್ದರೂ ಅವರ ಡಿಮ್ಯಾಂಡ್‌ ಮಾತ್ರ ಕಮ್ಮಿ ಆಗುತ್ತಿಲ್ಲ. ಈ ವರ್ಷ ತೆರೆಕಂಡ 'ಅಲಾ ವೈಕುಂಠಾಪುರಮುಲೋ' ಸಿನಿಮಾ ಮೂಲಕ ಅವರಿಗೆ ಭರ್ಜರಿ ಹಿಟ್‌ ಸಿಕ್ಕಿದೆ. ಅದರ ಬೆನ್ನಲ್ಲೇ ಅವರು ಸಂಭಾವನೆ ಹೆಚ್ಚಿಸಿಕೊಂಡಿದ್ದಾರೆ.

ಟಾಲಿವುಡ್‌ ಮೂಲಗಳ ಪ್ರಕಾರ, 'ಅಲಾ ವೈಕುಂಠಾಪುರಮುಲೋ' ಸಿನಿಮಾದಲ್ಲಿ ಅಲ್ಲು ಅರ್ಜುನ್‌ ಜೊತೆ ನಟಿಸಿದ್ದಕ್ಕಾಗಿ ಪೂಜಾ ಹೆಗ್ಡೆಗೆ ಸಿಕ್ಕಿರುವುದು 1.40 ಕೋಟಿ ರೂ. ಸಂಭಾವನೆ. ಆ ಮೂಲಕ ಸದ್ಯಕ್ಕೆ ಟಾಲಿವುಡ್‌ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿರುವ ನಟಿ ಎಂಬ ಖ್ಯಾತಿ ಅವರದ್ದು. ಹಾಗಂತ ಅವರು ಅಷ್ಟಕ್ಕೇ ಸಮಾಧಾನ ಪಟ್ಟುಕೊಳ್ಳುತ್ತಿಲ್ಲ. ಈಗ ಅವರು ಸಂಭಾವನೆ ಹೆಚ್ಚಿಸಿಕೊಂಡಿದ್ದು, ಬರೋಬ್ಬರಿ 2 ಕೋಟಿ ರೂ. ಡಿಮ್ಯಾಂಡ್‌ ಮಾಡುತ್ತಿದ್ದಾರೆ ಎನ್ನಲಾಗುತ್ತಿದೆ.

also read: ಕಾಲಿನಲ್ಲೇ ಸಿಗ್ನಲ್‌ ಕೊಟ್ಟ ನಟಿ ಪೂಜಾ ಹೆಗ್ಡೆ; ಅಭಿಮಾನಿಗಳಿಗೆ ಇದು ಅರ್ಥ ಆಯ್ತಾ?

ಸಿನಿಮಾ ಆಯ್ಕೆ ವಿಚಾರದಲ್ಲೂ ಸಿಕ್ಕಾಪಟ್ಟೆ ಚ್ಯೂಸಿ ಆಗಿರುವ ಪೂಜಾ ಸದ್ಯ ಅಖಿಲ್‌ ಅಕ್ಕಿನೇನಿ ಜೊತೆ 'ಮೋಸ್ಟ್‌ ಎಲಿಜಬಲ್‌ ಬ್ಯಾಚುಲರ್‌' ಹಾಗೂ ಪ್ರಭಾಸ್‌ ಜೊತೆ 'ರಾಧೆ ಶ್ಯಾಮ್‌' ಸಿನಿಮಾಗಳಿಗೆ ನಾಯಕಿ ಆಗಿದ್ದಾರೆ. 'ರಾಧೆ ಶ್ಯಾಮ್‌' ಚಿತ್ರ ತೆಲುಗು ಮಾತ್ರವಲ್ಲದೆ ಹಿಂದಿಯಲ್ಲೂ ಮೂಡಿಬರುತ್ತಿದೆ. ಈ ಚಿತ್ರಕ್ಕೆ ಅವರು 2 ಕೋಟಿ ರೂ. ಸಂಭಾವನೆ ಪಡೆಯಲಿದ್ದಾರೆ ಎಂಬ ಗಾಸಿಪ್‌ ಟಾಲಿವುಡ್‌ ಅಂಗಳದಲ್ಲಿ ಹರಿದಾಡುತ್ತಿದ್ದೆ. ಈ ದುಡ್ಡುಕಾಸಿನ ವ್ಯವಹಾರದ ಬಗ್ಗೆ ಪೂಜಾ ಹೆಗ್ಡೆ ಆಗಲಿ ಅಥವಾ ನಿರ್ಮಾಪಕರಾಗಲಿ ಅಧಿಕೃತವಾಗಿ ಎಲ್ಲಯೂ ಬಾಯಿ ಬಿಟ್ಟಿಲ್ಲ.

also read: ನಟಿ ಪೂಜಾ ಹೆಗಡೆ ಮೇಲೆ ಕಿಡಿಗೇಡಿಗಳ ಕಣ್ಣು: ಮಾಡದ ತಪ್ಪಿಗೆ ಕ್ಷಮೆ ಕೇಳ್ತಾರಾ ಪೂಜಾ?