ನೈಜ ಘಟನೆಗಳನ್ನು ಆಧರಿಸಿದ 'ಕ್ವೀನ್' ವೆಬ್‌ ಸಿರೀಸ್‌‌ನಲ್ಲಿ ರಮ್ಯಕೃಷ್ಣ

*ಹರೀಶ್ ಬಸವರಾಜು

Vijaya Karnataka Web

ರಮ್ಯಕೃಷ್ಣ ನಟನೆಯ 'ಕ್ವೀನ್‌' ವೆಬ್‌ ಸಿರೀಸ್‌ MX PLAYER ನಲ್ಲಿ ಸ್ಟ್ರೀಮಿಂಗ್‌ ಆಗಲಿದೆ. ಕೊನೆಯವರೆಗೂ ರಾಜಕಾರಣವನ್ನು ಇಷ್ಟಪಡದ 'ಶಕ್ತಿ ಶೇಷಾದ್ರಿ' ಎಂಬ ಮಗು ಆಳುವುದಕ್ಕೆಂದೇ ಹುಟ್ಟಿದ್ದು ಅನಿಸುತ್ತದೆ. ಆಕೆ ಬಯಸದೇ ನಟಿಯಾದರು, ಅಂದುಕೊಳ್ಳದೇ ರಾಜಕಾರಣಿಯಾದರು. ಹಾಗಾಗಿ ಈಕೆಯ ಕಥೆ ಬಹಳ ರೋಚಕ.

ಕೆಲವರ ಕಥೆಗಳು ಬೇರೆಯವರಿಗೆ ಹೇಳುವುದಕ್ಕೆಂದೇ ಹುಟ್ಟಿಕೊಂಡಿ ರುತ್ತವೆ. ಅಂತಹ ಕಥೆಯೇ 'ಕ್ವೀನ್‌'. ದಕ್ಷಿಣ ಭಾರತದ ಅತ್ಯುದ್ಭುತ ನಟಿ ರಮ್ಯಕೃಷ್ಣ ನಟನೆಯ ಎಂಎಕ್ಸ್‌ ಪ್ಲೇಯರ್‌ ಒರಿಜಿನಲ್‌ ಸಿರೀಸ್‌ನಲ್ಲಿ ಶಕ್ತಿಯ ಬದುಕಿನ ಅನಾವರಣವಿದೆ. 15 ವರ್ಷಕ್ಕೇ ಇಷ್ಟವಿಲ್ಲದೇ ಹೋದರೂ ನಟಿಯಾದ ಆಕೆ ಜನರ ಮನಸ್ಸಿನಲ್ಲಿ ರಾಣಿಯಾಗಿ ಮೆರೆದರು.

'ಇದು ಮಹಿಳೆಯೊಬ್ಬಳ ಬದುಕಿನ ಏರಿಳಿತವನ್ನು ತಿಳಿಸುತ್ತದೆ. ಆಕೆ ಅಧಿಕಾರಕ್ಕೆ ಬಂದ ಬಗೆ, ಬೆಳೆದಿದ್ದು ಸೇರಿದಂತೆ ಆಕೆಯ ಬದುಕಿನ ಒಟ್ಟಾರೆ ಪಯಣವನ್ನು ಜನರ ಮುಂದೆ ಬಿಚ್ಚಿಡುತ್ತದೆ. ಈ ಕಥೆ ನನಗಾಗಿಯೇ ಬರೆದದ್ದು ಎನಿಸುತ್ತದೆ. ಜತೆಗೆ ನನ್ನ ಎಲ್ಲಅಭಿನಯದ ಶಕ್ತಿಯನ್ನು ಈ ಪಾತ್ರಕ್ಕೆ ಧಾರೆ ಎರೆದಿದ್ದೇನೆ. ನಿಜಕ್ಕೂ ಈ ಕಥೆ ಅದ್ಭುತವಾದ ನಿರೂಪಣೆಯನ್ನು ಹೊಂದಿದೆ. ಈ ಪ್ರಾಜೆಕ್ಟ್ ಭಾಗವಾಗಿದ್ದಕ್ಕೆ ನಾನು ಹೆಮ್ಮೆಪಡುತ್ತೇನೆ' ಎನ್ನುತ್ತಾರೆ ರಮ್ಯಕೃಷ್ಣ.

Ramya Krishna:ಕೆಜಿಎಫ್ ಚಾಪ್ಟರ್-2ಗೆ 'ಶಿವಗಾಮಿ' ರಮ್ಯಕೃಷ್ಣ
ನೈಜ ಘಟನೆಗಳನ್ನು ಆಧರಿಸಿದ ಈ ವೆಬ್‌ ಸಿರೀಸ್‌ ತಾನು ಯಾವುದನ್ನು ಬಯಸಿದಳೋ ಅದಾವುದೂ ಸಿಗದ, ಏನೇನು ಬಯಸಲಿಲ್ಲವೋ ಅವೆಲ್ಲವನ್ನೂ ಕೊಂಚ ಹೆಚ್ಚೇ ಎಂಬಷ್ಟು ಪಡೆದ ಮಹಿಳೆಯ ಕಥೆ. ಇಂದು MX PLAYERನಲ್ಲಿಈ ಸಿರೀಸ್‌ನ 11 ಎಪಿಸೋಡ್‌ಗಳೂ ಪ್ರೀಮಿಯರ್‌ ಆಗಲಿವೆ. ಇದನ್ನು ಉಚಿತವಾಗಿ ನೋಡಬಹುದು.