ರಾಣಾ ತೆಲುಗು ಚಿತ್ರರಂಗದ ದೊಡ್ಡ ಮನೆತನಕ್ಕೆ ಸೇರಿದವರು. ಅವರ ತಾತ ಡಿ. ರಾಮಾನಾಯ್ಡು ಅವರಿಗೆ ಟಾಲಿವುಡ್‌ನಲ್ಲಿ ದೊಡ್ಡ ಹೆಸರು ಇತ್ತು. ತಮ್ಮ ಸುರೇಶ್ ಪ್ರೊಡಕ್ಷನ್ಸ್ ಮೂಲಕ ಅನೇಕ ಸಿನಿಮಾಗಳನ್ನು ಅವರು ನಿರ್ಮಿಸಿದ್ದರು. ಇದೀಗ ರಾಣಾ ಅವರ ತಂದೆ ಸುರೇಶ್ ಬಾಬು ಅದನ್ನು ಮುನ್ನಡೆಸಿಕೊಂಡು ಹೋಗುತ್ತಿದ್ದಾರೆ. ಇನ್ನು, ರಾಣಾ ಚಿಕ್ಕಪ್ಪ 'ವಿಕ್ಟರಿ' ವೆಂಕಟೇಶ್‌ ತೆಲುಗಿನ ಹಿರಿಯ ನಟರಲ್ಲಿ ಒಬ್ಬರು. ಹೀಗಿರುವಾಗ ರಾಣಾ ಮದುವೆ ಅದ್ದೂರಿಯಾಗಿಯೇ ನಡೆಯಬೇಕಿತ್ತು. ಆದರೆ, ಕೊರೊನಾ ವೈರಸ್‌ ಎಲ್ಲದಕ್ಕೂ ಅಡ್ಡಗಾಲು ಹಾಕಿದೆ. ಹಾಗಾಗಿ, ರಾಣಾ ಮದುವೆ ತುಂಬ ಸರಳವಾಗಿ ನಡೆಯುತ್ತಿದೆ. ಅದಕ್ಕಾಗಿ ಸಾಕಷ್ಟು ಮುನ್ನೆಚ್ಚರಿಕೆಯನ್ನು ವಹಿಸಲಾಗಿದೆ. ಆ ಕುರಿತು ಸುರೇಶ್ ಬಾಬು ಮಾಹಿತಿ ನೀಡಿದ್ದಾರೆ
ಮದುವೆಗೆ 30 ಜನರಿಗೆ ಮಾತ್ರ ಪ್ರವೇಶ
ರಾಣಾ ಮತ್ತು ಮಿಹೀಕಾ ಮದುವೆಯನ್ನು ಖಾಸಗಿಯಾಗಿ ಮಾಡಲು ನಿರ್ಧಾರ ಮಾಡಲಾಗಿದೆ. ಅದಕ್ಕಾಗಿ ಹೈದರಾಬಾದ್‌ನ ಒಂದು ಹೋಟೆಲ್‌ ಅನ್ನು ಬುಕ್ ಮಾಡಲಾಗಿದೆ. 'ಈ ಮದುವೆಗೆ 30ಕ್ಕಿಂತ ಅಧಿಕ ಜನರು ಭಾಗವಹಿಸುವುದಿಲ್ಲ. ಅತಿಥಿಗಳ ಸಂಖ್ಯೆಯನ್ನು ಕಡಿಮೆ ಮಾಡಿದ್ದೇವೆ. ಕೇವಲ ಕುಟುಂಬದವರು ಮಾತ್ರ ಈ ಮದುವೆಗೆ ಭಾಗವಹಿಸಲಿದ್ದಾರೆ. ನಮ್ಮ ಆಪ್ತ ಸ್ನೇಹಿತರನ್ನೂ ನಾವು ಮದುವೆಗೆ ಆಹ್ವಾನಿಸುತ್ತಿಲ್ಲ. ಚಿತ್ರರಂಗದ ಗಣ್ಯರು ಕೂಡ ಆಗಮಿಸುವುದಿಲ್ಲ. ಈಗ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ. ನಮ್ಮ ಸಮಾರಂಭವು ಯಾರ ಆರೋಗ್ಯಕ್ಕೂ ಹಾನಿ ಉಂಟು ಮಾಡುವುದನ್ನು ನಾವು ಇಷ್ಟಪಡುವುದಿಲ್ಲ. ಈ ಸಮಾರಂಭ ಚಿಕ್ಕದಾಗಿ, ಸುಂದರವಾಗಿರಲಿದೆ' ಎಂದು ದಗ್ಗುಬಾಟಿ ಸುರೇಶ್ ಬಾಬು ತಿಳಿಸಿದ್ದಾರೆ.
ನಿಶ್ಚಿತಾರ್ಥ ಮಾಡಿಕೊಂಡ 'ಬಾಹುಬಲಿ' ಸಿನಿಮಾ ನಟ ರಾಣಾ ದಗ್ಗುಬಾಟಿ ಮತ್ತು ಮಿಹೀಕಾ ಬಜಾಜ್!
ಮದುವೆಗೆ ಹಾಜರಾಗುವವರಿಗೆ ಕೊರೊನಾ ಟೆಸ್ಟ್
ಖಾಸಗಿ ಹೋಟೆಲ್‌ನಲ್ಲಿ ಮದುವೆ ಸಮಾರಂಭ ನಡೆಯಲಿದ್ದು, ಅದಕ್ಕಾಗಿ ಸೂಕ್ತ ಮುಂಜಾಗ್ರತ ಕ್ರಮಗಳನ್ನು ತೆಗೆದುಕೊಳ್ಳುವುದಕ್ಕೆ ಸುರೇಶ್ ಬಾಬು ನಿರ್ಧಾರ ಮಾಡಿದ್ದಾರೆ. ಈಗಾಗಲೇ ಅದಕ್ಕಾಗಿ ಅವರು ಯೋಜನೆ ರೂಪಿಸಿದ್ದಾರೆ. 'ಮದುವೆಗೆ ಹಾಜರಾಗುವ ಎಲ್ಲರಿಗೂ ಮೊದಲೇ ಕೊರೊನಾ ಪರೀಕ್ಷೆ ಮಾಡಿಸಲಾಗುವುದು. ಮದುವೆ ನಡೆಯುವ ಸ್ಥಳವನ್ನು ಸಂಪೂರ್ಣವಾಗಿ ಸ್ಯಾನಿಟೈಸ್ ಮಾಡಲಾಗುತ್ತದೆ. ಜೊತೆಗೆ ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳಲಾಗುವುದು. ಇದೊಂದು ಸಂಭ್ರಮದ ಗಳಿಗೆ. ಅದರ, ಜೊತೆಗೆ ಇದನ್ನು ಸುರಕ್ಷಿತವಾಗಿ ನೆರವೇರಿಸುವುದು ನಮ್ಮ ಉದ್ದೇಶ' ಎಂದು ಸುರೇಶ್ ಬಾಬು ಮಾಹಿತಿ ನೀಡಿದ್ದಾರೆ.
ಅಂದು ಡಾ. ರಾಜ್, ಇಂದು ರಾಣಾ! 'ಹಿರಣ್ಯ ಕಶ್ಯಪ'ನಾಗಿ ಅಬ್ಬರಿಸಲಿದ್ದಾರೆ ಬಲ್ಲಾಳದೇವ!
ನಮ್ಮ ಮಕ್ಕಳು ಏನನ್ನೂ ಮಿಸ್ ಮಾಡಿಕೊಳ್ಳಬಾರದು!
ಈ ಮದುವೆ ಕುರಿತು ಮಿಹೀಕಾ ತಾಯಿ ಬಂಟಿ ಬಜಾಜ್ ಕೂಡ ಮಾತನಾಡಿದ್ದಾರೆ. 'ನಮಗೆಲ್ಲ ಇದು ವಿಶೇಷ ದಿನ. ಹಾಗಾಗಿ, ಈ ದಿನವನ್ನು ನಾವೆಲ್ಲ ಸರಿಯಾದ ಮಾರ್ಗದಲ್ಲಿ ಸಂಭ್ರಮಿಸಬೇಕು. ಆದರೆ, ಅದೆಲ್ಲದಕ್ಕಿಂತ ಸುರಕ್ಷತೆ ಮುಖ್ಯ. ಹಾಗಾಗಿ, ಅದರೊಂದಿಗೆ ನಾವು ಯಾವುದೇ ಚೌಕಾಸಿ ಮಾಡುವುದಿಲ್ಲ. ಇಡೀ ಮದುವೆಯ ಎಲ್ಲ ಕಾರ್ಯಕ್ರಮಗಳು ತೆಲುಗು ಮತ್ತು ಮಾರವಾಡಿ ಸಂಪ್ರದಾಯದಂತೆ ನಡೆಯಲಿದೆ. ಬಾಕಿ ಮದುವೆಯಂತೆ ಈ ಮದುವೆಯಲ್ಲೂ ಎಲ್ಲ ಶಾಸ್ತ್ರಗಳನ್ನು ಮಾಡಬೇಕು ಎಂದುಕೊಂಡಿದ್ದೇವೆ. ಯಾಕೆಂದರೆ, ನಮ್ಮ ಮಕ್ಕಳು ಯಾವುದನ್ನು ಮಿಸ್ ಮಾಡಿಕೊಳ್ಳವುದನ್ನು ನಾವು ಇಷ್ಟಪಡುವುದಿಲ್ಲ. ಈ ಹಿಂದೆ ನಡೆಯುತ್ತಿದ್ದ ಮದುವೆಗಳಿಗೂ ಈ ಮದುವೆಗೂ ಒಂದೇ ವ್ಯತ್ಯಾಸ, ಅದು ಅತಿಥಿಗಳ ಸಂಖ್ಯೆ ಕಡಿಮೆ ಇರಲಿದೆ' ಎಂದು ಅವರು ತಿಳಿಸಿದ್ದಾರೆ.
'ಬಾಹುಬಲಿ' ರಾಣಾ-ಮಿಹೀಕಾ ಮದುವೆ ಡಿಸೆಂಬರ್‌ನಲ್ಲಿ ಅಲ್ಲ! ಹಾಗಾದರೆ, ಮತ್ತೆ ಯಾವಾಗ?
ಮದುವೆಗೆ ಥೀಮ್ ಸಿದ್ಧಪಡಿಸಿದ ಮಿಹೀಕಾ
ಮಿಹೀಕಾ ವೃತ್ತಿಯಲ್ಲಿ ಒಳಾಂಗಣ ವಿನ್ಯಾಸಕಿ ಆಗಿರುವುದರಿಂದ ಈ ಮದುವೆಯ ಥೀಮ್ ಅನ್ನೂ ಅವರೇ ವಿನ್ಯಾಸ ಮಾಡಿದ್ದಾರಂತೆ. 'ಮಿಹೀಕಾ ಮತ್ತು ನಾನು ಸೇರಿಕೊಂಡು ಈ ಮದುವೆ ಥೀಮ್ ಅನ್ನು ವಿನ್ಯಾಸ ಮಾಡಿದ್ದೇವೆ. ಅದಕ್ಕಾಗಿ ದೆಹಲಿಯಿಂದ ಬಂದಿರುವ ಒಂದು ತಂಡ ಕೆಲಸ ಮಾಡಲಿದೆ. ಆ ಥೀಮ್ ಹೇಗಿರಲಿದೆ ಎಂದು ಈಗಲೇ ಹೇಳುವುದಿಲ್ಲ. ಅದು ವಿಶೇಷವಾಗಿದೆ. ಆದ್ದರಿಂದ ಅದನ್ನು ಸರ್ಪ್ರೈಸ್ ಆಗಿ ಇಟ್ಟಿದ್ದೇವೆ. ಮದುವೆ ಬಗ್ಗೆ ಪ್ರತಿಯೊಬ್ಬ ಹುಡುಗಿಯು ಸಾಕಷ್ಟು ಕನಸುಗಳನ್ನು ಕಂಡಿರುತ್ತಾಳೆ. ಹಾಗಾಗಿ, ನಾನು ಸಾಧ್ಯವಾದಷ್ಟು ನನ್ನ ಮಗಳ ಮದುವೆಯನ್ನು ವಿಶೇಷವಾಗಿರಿಸಬೇಕು ಎಂದು ನಿರ್ಧರಿಸಿದ್ದೇನೆ. ನಾನು ಅವಳಿಗಾಗಿ ಒಂದೆರಡು ಸರ್ಪ್ರೈಸ್ ನೀಡಲಿದ್ದೇನೆ. ಆ ಕ್ಷಣದಲ್ಲಿ ಅವಳ ಪ್ರತಿಕ್ರಿಯೆಯನ್ನು ನೋಡಲು ಕಾದಿದ್ದೇನೆ' ಎಂದು ಮಾಹಿತಿ ನೀಡಿದ್ದಾರೆ ಬಂಟಿ ಬಜಾಜ್.
'ಬಾಹುಬಲಿ' ದಾಖಲೆ ಬರೆದು ಇಂದಿಗೆ 5 ವರ್ಷ! ವಿಶೇಷ ದಿನವನ್ನು ನೆನೆದು ಸಂಭ್ರಮಿಸಿದ ಚಿತ್ರತಂಡ