ಹೂ, ಹೂಗಿಡಗಳೇ ಉಡುಗೆಗಳಾದವು: ನಟಿ ಆದಾ ಶರ್ಮಾ, ರಶ್ಮಿ ದೇಸಾಯಿ ಫೋಟೋಶೂಟ್ ವೈರಲ್!

ಈಗಿನ ಕಾಲದಲ್ಲಿ ನಟ-ನಟಿಯರ ಫೋಟೋಶೂಟ್ ನಿಜಕ್ಕೂ ಅಚ್ಚರಿ ಹುಟ್ಟುಹಾಕುತ್ತಿವೆ. ಅದರಲ್ಲೂ ಹುಡುಗಿಯರ ಫೋಟೋಶೂಟ್ ಬಗ್ಗೆ ಕೇಳೋದೇ ಬೇಡ. ಕ್ರಿಯಾತ್ಮಕವಾಗಿ ಫೋಟೊ ತೆಗೆಸಿಕೊಳ್ಳಬೇಕು ಎನ್ನುವ ಕಾರಣಕ್ಕೆ ನಟಿಯರು ಏನೇನೋ ಹುಚ್ಚು ಸಾಹಸಕ್ಕೆ ಕೈ ಹಾಕುವುದುಂಟು. ಈಗಾಗಲೇ ಸಾಕಷ್ಟು ರೀತಿಯ ಫೋಟೋಶೂಟ್‌ ನಡೆದಿವೆ. ನಟಿ ಆದಾ ಶರ್ಮಾ ಈಗ ಹೊಸ ಫೋಟೋಶೂಟ್ ಮೂಲಕ ಎಲ್ಲರ ಹುಬ್ಬೇರಿಸುವಂತೆ ಮಾಡಿದ್ದಾರೆ.

ಏನಿದು ಹೊಸ ಫೋಟೋಶೂಟ್?
ಫ್ಯಾಷನ್ ಐಕಾನ್ ಆಗಿರುವ ನಟಿ ಆದಾ ಶರ್ಮಾ ಅವರು ಮೀನ್ಸ್ ಫಾರ್ಥೇನಿಯಂ ಗಿಡವನ್ನೇ ಉಡುಗೆ ಮಾಡಿಕೊಂಡು ಫೋಟೋಶೂಟ್ ಮಾಡಿಸಿದ್ದಾರೆ. ಕೂದಲನ್ನು ನೀಲಿ ಮಾಡಿಕೊಂಡು, ದೊಡ್ಡ ದೊಡ್ಡ ಬಂಗಾರದ ಬಣ್ಣದ ಕಿವಿ ಓಲೆ, ತಲೆ ಬೊಟ್ಟು, ಬಳೆ ಹಾಕಿಕೊಂಡು ಅದಾ ತುಂಬ ಹೊಸತಾಗಿ ಕಾಣುತ್ತಿದ್ದಾರೆ. 100 years of Adah Sharma ಹೆಸರಿನಲ್ಲಿ ಆದಾ ಶರ್ಮಾ ಸಾಕಷ್ಟು ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಅಪ್‌ಲೋಡ್ ಮಾಡಿದ್ದಾರೆ.

'ರಣವಿಕ್ರಮ' ಸಿನಿಮಾ ನಟಿ ಆದಾ ಶರ್ಮಾ!
ಸಾಮಾಜಿಕ ಮಾಧ್ಯಮಗಳಲ್ಲಿ ಸಕ್ರಿಯರಾಗಿರುವ ಆದಾ ಶರ್ಮಾ ಹಾಟ್ ಹಾಗೂ ಬೋಲ್ಡ್ ಫೋಟೋ, ವಿಡಿಯೋಗಳ ಮೂಲಕ ಆಗಾಗ ಸುದ್ದಿಯಲ್ಲಿರುತ್ತಾರೆ. ಆಗಾಗ ವಿಭಿನ್ನವಾದ ಡ್ಯಾನ್ಸ್‌ಗಳ ಮೂಲಕ ಅದಾ ಪ್ರೇಕ್ಷಕರಿಗೆ ಅಚ್ಚರಿ ಮೂಡಿಸುತ್ತಾರೆ. ಸದ್ಯಕ್ಕೆ ಆದಾ ಶರ್ಮಾ 'ಮ್ಯಾನ್ ಟು ಮ್ಯಾನ್' ಎಂಬ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಪುನೀತ್ ರಾಜ್‌ಕುಮಾರ್ ನಟನೆಯ 'ರಣವಿಕ್ರಮ' ಸಿನಿಮಾದಲ್ಲಿ ಆದಾ ನಾಯಕಿಯಾಗಿದ್ದರು. ಸ್ಯಾಂಡಲ್‌ವುಡ್, ಕಾಲಿವುಡ್, ಬಾಲಿವುಡ್, ಟಾಲಿವುಡ್‌ನಲ್ಲಿ ಕ್ರೇಜ್ ಹುಟ್ಟು ಹಾಕಿರುವ ಆದಾ ಶರ್ಮಾ ದಕ್ಷಿಣದ ಒಂದಷ್ಟು ಸಿನಿಮಾಗಳಲ್ಲಿ ಅಭಿನಯಿಸಿದರೂ ನೆಲೆಕಂಡುಕೊಳ್ಳುವಲ್ಲಿ ಮಾತ್ರ ವಿಫಲರಾದರು.

ALos Read-ಜಿಂಗಲ್ ಬೆಲ್ಸ್‌ಗೆ ಕಥಕ್ ಡ್ಯಾನ್ಸ್ ಮಾಡಿ ಟ್ರೋಲ್ ಆದ ಆದಾ ಶರ್ಮಾ

ಸೂರ್ಯಕಾಂತಿ ಹೂವಿನಲ್ಲಿ ರಶ್ಮಿ ಫೋಟೋಶೂಟ್
ಬಿಗ್ ಬಾಸ್ 13ರ ಫೈನಲಿಸ್ಟ್ ರಶ್ಮಿ ದೇಸಾಯಿ ಅವರು ಸೂರ್ಯಕಾಂತಿ ಹೂಗಳಿರುವ ಡ್ರೆಸ್ ತೊಟ್ಟು ಫೋಟೋಕ್ಕೆ ಫೋಸ್ ಕೊಟ್ಟಿದ್ದಾರೆ. ಈ ಫೋಟೋಗಳು ಸಿಕ್ಕಾಪಟ್ಟೆ ಗ್ಲಾಮರಸ್ ಆಗಿ ಮೂಡಿಬಂದಿವೆ. ಬಾಳೆಎಲೆ, ಎಲೆ, ಪೇಪರ್, ತಲೆದಿಂಬು ಮುಂತಾದವುಗಳಿಂದ ಮಾನ ಮುಚ್ಚಿಕೊಂಡು ನಟಿಯರು ಫೋಟೋಶೂಟ್ ಮಾಡಿಸಿಕೊಂಡಿದ್ದಾರೆ. ಮುಂದಿನ ದಿನಗಳಲ್ಲಿ ಇದೆಲ್ಲ ಯಾವ ಹಂತಕ್ಕೆ ತಲುಪಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

Also Read-ವಿಡಿಯೋ ಮೂಲಕ ಅಭಿಮಾನಿಗಳಿಗೆ ಶಾಕ್ ಕೊಟ್ಟ ಆದಾ ಶರ್ಮಾ