ರಿಷಬ್‌ ಶೆಟ್ಟಿ ಮಗನ 'ಹ್ಯಾಂಡ್ಸಪ್‌' ಡಾನ್ಸ್ ನೋಡಿದ್ರಾ? 9 ತಿಂಗಳ ರಣ್‌ವಿತ್‌ನ ಕ್ಯೂಟ್‌ ವಿಡಿಯೋ ಇಲ್ಲಿದೆ

ರಕ್ಷಿತ್ ಶೆಟ್ಟಿ ನಾಯಕತ್ವದ 'ಅವನೇ ಶ್ರೀಮನ್ನಾರಾಯಣ' ಚಿತ್ರ ರಾಜ್ಯಾದ್ಯಂತ ಅದ್ದೂರಿ ಪ್ರದರ್ಶನ ಕಾಣುತ್ತಿದೆ. ಭಾನುವಾರವೂ ರಾಜ್ಯದೆಲ್ಲೆಡೆ ಹೌಸ್‌ಫುಲ್ ಪ್ರದರ್ಶನ ಕಂಡಿರುವುದು ಈ ಸಿನಿಮಾದ ಹೆಗ್ಗಳಿಕೆ. '..ಶ್ರೀಮನ್ನಾರಾಯಣ'ದ ಹ್ಯಾಂಡ್ಸಪ್‌ ಹಾಡಂತೂ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಅನೇಕರು ಅದರ ಸ್ಟೆಪ್‌ ಅನ್ನು ಹಾಕಿ, ವಿಡಿಯೋ ಮಾಡಿದ್ದರು. ಈಗ ಆ ಸಾಲಿಗೆ ರಿಷಬ್‌ ಶೆಟ್ಟಿ ಮಗ ಕೂಡ ಸೇರಿಕೊಂಡಿದ್ದಾನೆ.

ರಣ್‌ವಿತ್ ಶೆಟ್ಟಿಯ ಕ್ಯೂಟ್‌ ಸ್ಟೆಪ್‌
ರಿಷಬ್‌ ಮತ್ತು ಪ್ರಗತಿ ಶೆಟ್ಟಿಯ 9 ತಿಂಗಳ ಪ್ರಾಯದ ಮಗ ರಣ್‌ವಿತ್ ಶೆಟ್ಟಿ 'ಹ್ಯಾಂಡ್ಸಪ್‌' ಹಾಡಿಗೆ ಸ್ಟೆಪ್ ಹಾಕಿದ್ದಾನೆ. '9 ತಿಂಗಳ ಮಗು ಅದೇಗೆ ಡಾನ್ಸ್ ಮಾಡಲು ಸಾಧ್ಯ?' ಅನ್ನೋದು ನಿಮ್ಮ ಪ್ರಶ್ನೆಯಾಗಿದ್ದರೆ, ಅದಕ್ಕೂ ಉತ್ತರವಿದೆ. ರಣ್‌ವಿತ್‌ಗೆ ಡಾನ್ಸ್ ಮಾಡಲು ಸಹಾಯ ಮಾಡಿರುವುದು ತಂದೆ ರಿಷಬ್‌ ಶೆಟ್ಟಿ. ಅವರು ಡಾನ್ಸ್ ಮಾಡಿಸಿದಂತೆ ರಣ್‌ವಿತ್ ಡಾನ್ಸ್ ಮಾಡಿದ್ದಾನೆ.

ವೈರಲ್ ಆಗಿದೆ ಈ ವಿಡಿಯೋ
ರಣ್‌ವಿತ್ ಡಾನ್ಸ್ ಮಾಡಿರುವ ಈ ವಿಡಿಯೋ ಈಗ ಸಖತ್ ವೈರಲ್ ಆಗಿದೆ. ರಿಷಬ್‌ ಮಾಡಿರುವ ಟ್ವೀಟ್‌ ಅನ್ನು ಅನೇಕರು ರಿ-ಟ್ವೀಟ್ ಮಾಡುತ್ತಿದ್ದಾರೆ. ಜೊತೆಗೆ ಸಾಕಷ್ಟು ಜನ ಕಾಮೆಂಟ್ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. 'ಬೆಲ್‌ ಬಾಟಂ' ಮತ್ತು 'ಅವನೇ ಶ್ರೀಮನ್ನಾರಾಯಣ' ಸಿನಿಮಾಗಳನ್ನು ಮಿಕ್ಸ್ ಮಾಡಿ, ರಿಷಬ್‌ ಪುತ್ರನಿಗೆ 'ಡಿಟೆಕ್ವೀವ್ ನಾರಾಯಣ' ಹೊಸ ಹೆಸರು ನೀಡಿದ್ದಾರೆ.

ಭರ್ಜರಿ ಪ್ರದರ್ಶನ
ರಕ್ಷಿತ್‌-ಶಾನ್ವಿ ಶ್ರೀವಾಸ್ತವ ಮುಖ್ಯಭೂಮಿಕೆಯ 'ಅವನೇ ಶ್ರೀಮನ್ನಾರಾಯಣ' ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಈಗಾಗಲೇ 20 ಕೋಟಿ ರೂ.ಗಳಿಗೂ ಅಧಿಕ ಹಣ ಗಳಿಸಿದ್ದಾನೆ. ಭಾನುವಾರ ಹೌಸ್‌ಫುಲ್‌ ಪ್ರದರ್ಶನ ಕಂಡಿರುವುದರಿಂದ ವಾರಾಂತ್ಯಕ್ಕೆ 35 ಕೋಟಿ ರೂ. ಖಚಿತ ಎನ್ನುವುದು ಬಾಕ್ಸ್ ಆಫೀಸ್‌ ಪಂಡಿತರ ಲೆಕ್ಕಾಚಾರ ಆಗಿದೆ.

ಅವನೇ ಶ್ರೀಮನ್ನಾರಾಯಣ ಬಾಕ್ಸ್ ಆಫೀಸ್‌ನಲ್ಲೂ ದಾಖಲೆ! ಮೊದಲ ದಿನ ಆಗಿದ್ದು ಎಷ್ಟು ಕೋಟಿ?

ಹೊಸ ವರ್ಷಕ್ಕೆ ತೆಲುಗು ವರ್ಷನ್ ರಿಲೀಸ್‌
'ಅವನೇ ಶ್ರೀಮನ್ನಾರಾಯಣ' ಚಿತ್ರದ ತೆಲುಗು ವರ್ಷನ್‌ 2020ರ ಜನವರಿ 1ರಂದು ತೆಲುಗಿನಲ್ಲಿ ರಿಲೀಸ್‌ ಆಗಲಿದೆ. ಜನವರಿ 3ರಂದು ತಮಿಳು ಮತ್ತು ಮಲಯಾಳಂ ವರ್ಷನ್‌ ತೆರೆಗೆ ಬರಲಿದೆ. ಹಿಂದಿಯಲ್ಲಿ ಜನವರಿ 16ರಂದು ಈ ಸಿನಿಮಾ ರಿಲೀಸ್ ಆಗಲಿದ್ದು, ಈಗಾಗಲೇ ಕನ್ನಡ ವರ್ಷನ್‌ ದೇಶಾದ್ಯಂತ ಪ್ರದರ್ಶನ ಕಾಣುತ್ತಿದೆ.