ಟ್ರ್ಯಾಕ್ಟರ್‌ ಚಲಾಯಿಸುತ್ತ ರಸ್ತೆಗಿಳಿದ 'ಡಿ ಬಾಸ್‌' ದರ್ಶನ್! ವೈರಲ್ ಆಯ್ತು ಫೋಟೋ

ನಟ ದರ್ಶನ್ ಅವರಿಗೆ ವಾಹನಗಳ ಬಗ್ಗೆ ಎಂಥ ಕ್ರೇಜ್‌ ಇದೆ ಅನ್ನೋದು ಎಲ್ಲರಿಗೂ ಗೊತ್ತಿದೆ. ಲೂನಾದಿಂದಿಡಿದು ವಿದೇಶಿ ಬೈಕ್‌ಗಳವರೆಗೆ, ಸಣ್ಣ ಕಾರುಗಳಿಂದಿಡಿದು ಕೋಟಿ ಕೋಟಿ ಬೆಲೆಬಾಳುವ ದುಬಾರಿ ಕಾರುಗಳು ಅವರ ಬಳಿ ಇವೆ. ಆಯುಧ ಪೂಜೆ ದಿನ ಅವರ ಮನೆ ಮುಂದೆ ನಿಲ್ಲುವ ವಾಹನಗಳನ್ನು ನೋಡುವುದೇ ಒಂದು ಹಬ್ಬ. ಅಷ್ಟೊಂದು ಥರ ಥರದ ವಾಹನಗಳು ಡಿ ಬಾಸ್ ಮನೆ ಮುಂದೆ ನಿಂತಿರುತ್ತವೆ. ಅಂದಹಾಗೆ, ದರ್ಶನ್ ಬಳಿ ಇರುವ ವಾಹನಗಳ ಬಗ್ಗೆ ಈಗೇಕೆ ಮಾತು ಅಂತೀರಾ? ಅದಕ್ಕೂ ಕಾರಣವಿದೆ. ಅವರ ಫಾರ್ಮ್‌ಹೌಸ್‌ಗೆ ಹೊಸ ವಾಹನವೊಂದು ಎಂಟ್ರಿ ಕೊಟ್ಟಿದೆ.

ತಮ್ಮ ಫಾರ್ಮ್‌ಹೌಸ್‌ನ ಕೆಲಸಗಳಿಗೆ ಅನುಕೂಲವಾಗಲಿ ಎಂದು ನಟ ದರ್ಶನ್ ಅವರು ಒಂದು ಹೊಸ ಟ್ರ್ಯಾಕ್ಟರ್ ಕೊಂಡುಕೊಂಡಿದ್ದಾರೆ. ಅಷ್ಟೇ ಅಲ್ಲ, ಅವರೇ ಖುದ್ದಾಗಿ ಅದನ್ನು ಚಲಾಯಿಸಿಕೊಂಡು ರಸ್ತೆಗಿಳಿದಿದ್ದಾರೆ. ಈಚೆಗೆ ಟ್ರ್ಯಾಕ್ಟರ್ ಚಲಾಯಿಸಿಕೊಂಡು ಬಂಕ್‌ಗೆ ಹೋಗಿ ಡಿಸೇಲ್‌ ಹಾಕಿಸಿಕೊಂಡು ಬಂದಿದ್ದಾರೆ. ಸದ್ಯ ಈ ಫೋಟೋಗಳೆಲ್ಲ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ. ದರ್ಶನ್‌ ಬಳಿ ಕೋಟಿ ಬೆಲೆಬಾಳುವ ಲ್ಯಾಂಬೋರ್ಗಿನಿ ಕಾರು ಇದೆ. ಈಗ ರಸ್ತೆಯಲ್ಲಿ ಸಾಮಾನ್ಯನಂತೆ ಟ್ರ್ಯಾಕ್ಟರ್ ಡ್ರೈವ್ ಮಾಡಿಕೊಂಡು ಹೋಗಿರುವುದನ್ನು ಕಂಡು ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ. ಎಷ್ಟೇ ದುಡ್ಡು, ಜನಪ್ರಿಯತೆ ಇದ್ದರೂ, ಸಾಮಾನ್ಯನಂತೆ ಬದುಕುವ ಅವರನ್ನು ಕಂಡು ಫ್ಯಾನ್ಸ್ ಖುಷಿ ವ್ಯಕ್ತಪಡಿಸಿದ್ದಾರೆ.

ಅಂದಹಾಗೆ, ಕಳೆದ ನಾಲ್ಕು ತಿಂಗಳಿಂದ ಸಿನಿಮಾ ಚಟುವಟಿಕೆಗಳು ಬಂದ್ ಆಗಿವೆ. ಹಾಗಾಗಿ, ಹೆಚ್ಚಿನ ಸಮಯವನ್ನು ದರ್ಶನ್‌ ಅವರು ತಮ್ಮ ಫಾರ್ಮ್‌ಹೌಸ್‌ನಲ್ಲೇ ಕಳೆಯುತ್ತಿದ್ದಾರೆ. ಅಲ್ಲಿಯೇ ಕುದುರೆ, ಹಸುಗಳ ಆರೈಕೆ ಮಾಡುತ್ತ, ಅಲ್ಲಿಯೇ ಕೆಲಸ ಮಾಡಿಕೊಂಡಿದ್ದಾರೆ. ತೋಟದಲ್ಲಿ ಕೆಲಸ ಮಾಡುತ್ತಿರುವ ಅವರ ವಿಡಿಯೋ ಮತ್ತು ಫೋಟೋಗಳು ಆಗಾಗ ವೈರಲ್ ಆಗುತ್ತಲೇ ಇರುತ್ತವೆ.

'ಥಿಯೇಟರ್ ಓಪನ್ ಆದಮೇಲೆ ಸಿನಿಮಾ ಶೂಟಿಂಗ್ ಮಾಡ್ತೀವಿ' ಅಂತ ನಟ ದರ್ಶನ್‌ ಹೇಳೋದಕ್ಕೂ ಕಾರಣ ಇದೆ!

ಇನ್ನು, ಅವರ ನಟನೆಯ 'ರಾಬರ್ಟ್‌' ಚಿತ್ರವು ರಿಲೀಸ್‌ಗೆ ರೆಡಿ ಇದೆ. ಆದರೆ, ಲಾಕ್‌ಡೌನ್‌ನಿಂದಾಗಿ ಆ ಸಿನಿಮಾ ಬಿಡುಗಡೆ ಆಗಿಲ್ಲ. ಅಲ್ಲದೆ, ಬಹುನಿರೀಕ್ಷಿತ 'ರಾಜಾ ವೀರ ಮದಕರಿ ನಾಯಕ' ಚಿತ್ರದ ಚಿತ್ರೀಕರಣಕ್ಕೆ ಮಾರ್ಚ್‌ನಲ್ಲಿ ಚಾಲನೆ ನೀಡಲಾಗಿತ್ತು. ಕೊರೊನಾ ಕಾರಣದಿಂದಾಗಿ ಅದರ ಶೂಟಿಂಗ್ ಕೂಡ ನಿಂತುಹೋಗಿದೆ.

ನಾಡದೇವತೆಯ ದರ್ಶನ ಪಡೆದ 'ಚಾಲೆಂಜಿಂಗ್ ಸ್ಟಾರ್‌'; ಚಾಮುಂಡಿ ಬೆಟ್ಟದಲ್ಲಿ 'ಡಿ ಬಾಸ್‌'