ಸಾಯಿ ಪಲ್ಲವಿ-ನಾಗಚೈತನ್ಯ ಲವ್‌ ಸ್ಟೋರಿಗೆ 16 ಕೋಟಿ ರೂ. ಡಿಮ್ಯಾಂಡ್‌! ಏನಿದು ಅಚ್ಚರಿ?

ಲಾಕ್‌ಡೌನ್‌ ಸಂದರ್ಭದಲ್ಲಿ ಸಿನಿಮಾಗಳ ವ್ಯಪಾರ-ವಹಿವಾಟು ಕುಸಿದಿದೆ ಎಂಬುದು ನಿಜ. ಆದರೆ ಅದರ ನಡುವೆಯೂ ಕೆಲವು ಆಶಾದಾಯಕ ಸುದ್ದಿಗಳು ಕೇಳಿಬರುತ್ತಲೇ ಇವೆ. ಇತ್ತೀಚೆಗಷ್ಟೇ ಕಿರುತೆರೆ ಧಾರಾವಾಹಿಗಳ ಶೂಟಿಂಗ್‌ಗೆ ಅನುಮತಿ ಸಿಕ್ಕಿದೆ. ಸಿನಿಮಾ ಚಿತ್ರೀಕರಣ ಕೂಡ ಇನ್ನೇನು ಕೆಲವೇ ದಿನಗಳಲ್ಲಿ ಶುರುವಾಗುವ ನಿರೀಕ್ಷೆ ಇದೆ. ಇದರ ಜೊತೆಗೆ ನಟಿ ಸಾಯಿ ಪಲ್ಲವಿ ಅಭಿಮಾನಿಗಳು ಅಚ್ಚರಿ ಪಡುವಂತಹ ಸುದ್ದಿ ಕೇಳಿಬಂದಿದೆ.

ತೆಲುಗು-ತಮಿಳು ಮತ್ತು ಮಲಯಾಳಂ ಚಿತ್ರರಂಗದಲ್ಲಿ ಸದ್ದು ಮಾಡಿರುವ ಸಾಯಿ ಪಲ್ಲವಿ ರಿಯಲ್‌ ಲೈಫ್‌ನಲ್ಲಿ ಲವ್‌, ಡೇಟಿಂಗ್‌ ಮುಂತಾದ ವಿಚಾರಕ್ಕೆ ಗಾಸಿಪ್‌ ಮಾಡಿಕೊಂಡಿದ್ದು ಕಡಿಮೆ. ಈಗ ಅವರ ಮತ್ತು ನಾಗಚೈತನ್ಯ ನಡುವಿನ ಲವ್‌ಸ್ಟೋರಿ ಬಗ್ಗೆ ಟಾಲಿವುಡ್‌ನಲ್ಲಿ ಒಂದು ಫ್ರೆಶ್‌ ನ್ಯೂಸ್‌ ಹರಿದಾಡುತ್ತಿದೆ. ಹಾಗಂತ ಇದು ನೀವಂದುಕೊಂಡ ಲವ್‌ಸ್ಟೋರಿ ಅಲ್ಲ. ಇದು ರೀಲ್‌ ಕಥೆ.

ಹೌದು, ಸಾಯಿ ಪಲ್ಲವಿ ಮತ್ತು ನಾಗಚೈತನ್ಯ ಜೊತೆಯಾಗಿ ನಟಿಸುತ್ತಿರುವ 'ಲವ್‌ ಸ್ಟೋರಿ' ಚಿತ್ರದ ಶೂಟಿಂಗ್‌ ಬಹುತೇಕ ಮುಗಿದಿದೆ. ಈ ಚಿತ್ರಕ್ಕೆ ಶೇಖರ್‌ ಕಮ್ಮುಲ ನಿರ್ದೇಶನ ಮಾಡುತ್ತಿದ್ದಾರೆ. ಮೂಲಗಳ ಪ್ರಕಾರ 'ಲವ್‌ ಸ್ಟೋರಿ' ಸಿನಿಮಾದಲ್ಲಿ ಮರ್ಯಾದಾ ಹತ್ಯೆಯ ಬಗ್ಗೆ ಕಥೆ ಇದೆಯಂತೆ. ಹಾಗಾಗಿ ಈ ಸಿನಿಮಾ ಮೇಲೆ ಅಭಿಮಾನಿಗಳು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಆದರೆ ಕೊರೊನಾ ವೈರಸ್‌ ಭೀತಿ ಇರುವುದರಿಂದ ಚಿತ್ರದ ಬಿಡುಗಡೆ ಇನ್ನೂ ತಡವಾಗಲಿದೆ.

also read: ನಾಗಚೈತನ್ಯ ಜೊತೆ ನಟಿಸಿದ 'ಪ್ರೇಮಂ' ಸಾಯಿ ಪಲ್ಲವಿ ಬಗ್ಗೆ ಸಮಂತಾ ಹಿಂಗ್ಯಾಕೆ ಹೇಳಿದ್ರು?

'ಲವ್‌ ಸ್ಟೋರಿ' ಚಿತ್ರೀಕರಣ ಇನ್ನೂ ಬಾಕಿ ಇರುವಾಗಲೇ ಟಿವಿ ಪ್ರಸಾರ ಹಕ್ಕುಗಳ ಮಾರಾಟದ ಬಗ್ಗೆ ಮಾತುಕಥೆ ನಡೆದಿದೆಯಂತೆ. ಮೂಲಗಳ ಪ್ರಕಾರ, 16 ಕೋಟಿ ರೂ.ಗಳಿಗೆ ಮಾರಾಟ ಆಗಿದೆ ಎಂದು ಹೇಳಲಾಗುತ್ತಿದೆ. ಇದರಲ್ಲಿ ಡಿಜಿಟಲ್ ಮತ್ತು ಹಿಂದಿ ಡಬ್ಬಿಂಗ್‌ ರೈಟ್ಸ್‌ ಕೂಡ ಸೇರಿಕೊಂಡಿದೆ ಎನ್ನಲಾಗಿದೆ. ಆದರೆ ಈ ಬಗ್ಗೆ ಚಿತ್ರತಂಡ ಏನನ್ನೂ ಅಧಿಕೃತವಾಗಿ ಹೇಳಿಕೊಂಡಿಲ್ಲ.

also read: ಸಾಯಿ ಪಲ್ಲವಿ ಅವಕಾಶವನ್ನು ಕಿತ್ಕೊಂಡ್ರಾ ರಶ್ಮಿಕಾ? ಇದು 'ಸರಿಲೇರು ನೀಕೆವ್ವರು' ತೆರೆ ಹಿಂದಿನ ಕಥೆ!

----------------
ಈ ಪ್ರಶ್ನೆಗೆ ಕಾಮೆಂಟ್‌ ಬಾಕ್ಸ್‌ನಲ್ಲಿ ಉತ್ತರಿಸಿ
1. ಸಾಯಿ ಪಲ್ಲವಿ ಮತ್ತು ನಾಗಚೈತನ್ಯ ಜೋಡಿ ಬಗ್ಗೆ ನಿಮ್ಮ ಅಭಿಪ್ರಾಯ ಏನು?

also read: 'ಪ್ರೇಮಂ' ಸಾಯಿ ಪಲ್ಲವಿಗೆ 'ಆ ಒಂದು ದೃಶ್ಯ'ದಲ್ಲಿ ನಟಿಸೋದಕ್ಕೆ ತುಂಬ ಕಷ್ಟವಾಗಿತ್ತಂತೆ!