ದಬಾಂಗ್‌ 3: ಕನ್ನಡ ಕಲಿಯುತ್ತಿದ್ದಾರೆ ಸಲ್ಮಾನ್‌ ಖಾನ್‌

*ಹರೀಶ್‌ ಬಸವರಾಜ್‌

Vijaya Karnataka Web

ಬಾಲಿವುಡ್‌ನ ದಬಾಂಗ್‌ -3 ಕನ್ನಡದಲ್ಲಿಯೂ ಬಿಡುಗಡೆಯಾಗಲಿದ್ದು, ಅದರ ಕನ್ನಡ ವರ್ಷನ್‌ಗೆ ಸ್ವತಃ ಸಲ್ಮಾನ್‌ ಖಾನ್‌ ಅವರೇ ಧ್ವನಿ ನೀಡಲಿದ್ದಾರೆ ಎಂಬ ಮಾಹಿತಿ ಲವಲವಿಕೆಗೆ ಸಿಕ್ಕಿದೆ.

ಕೆಲ ದಿನಗಳ ಹಿಂದೆ ಬಿಡುಗಡೆಯಾಗಿದ್ದ 'ದಬಾಂಗ್‌' ಸಿನಿಮಾದ ಸಣ್ಣ ಟೀಸರ್‌ಗೆ ಸಲ್ಮಾನ್‌ ಧ್ವನಿ ನೀಡಿದ್ದರು. ಅದು ಸೋಷಿಯಲ್‌ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್‌ ಆಗಿತ್ತು. ಜತೆಗೆ ಸಲ್ಮಾನ್‌ ಅವರ ಕನ್ನಡ ಕೂಡ ಎಲ್ಲರಿಗೂ ಇಷ್ಟವಾಗಿತ್ತು. ಹಾಗಾಗಿ ಸಿನಿಮಾಗೆ ಬೇರೆಯವರಿಂದ ಡಬ್ಬಿಂಗ್‌ ಮಾಡಿಸುವ ಬದಲಿಗೆ ನೀವೆ ಮಾಡಿ ಎಂದು ಸ್ವತಃ ಸುದೀಪ್‌ ಅವರೇ ಸಲ್ಮಾನ್‌ಖಾನ್‌ಗೆ ಹೇಳಿದ್ದಾರೆ. ಇದಕ್ಕೆ ಒಪ್ಪಿರುವ ಸಲ್ಲು ಈಗ ಬಿಡುಗಡೆಯಾಗಲಿರುವ ಟ್ರೇಲರ್‌ಗೆ ತಮ್ಮದೇ ಧ್ವನಿ ನೀಡಲಿದ್ದಾರೆ. ಕಿಚ್ಚನ 'ದಬಾಂಗ್' ಲುಕ್ ರಿವೀಲ್ ಮಾಡಿದ ಚುಲ್‌ಬುಲ್ ಪಾಂಡೆ

ಈ ಬಗ್ಗೆ ಲವಲವಿಕೆ ಜತೆ ಮಾನತಾಡಿದ ಸುದೀಪ್‌ ಆಪ್ತ ಮತ್ತು ಅದನ್ನು ಕನ್ನಡಕ್ಕೆ ವಿತರಣೆ ಮಾಡುತ್ತಿರುವ ಮಂಜುನಾಥ್‌ಗೌಡ, 'ಸಲ್ಮಾನ್‌ ಖಾನ್‌ ಅವರೇ ಡಬ್ಬಿಂಗ್‌ ಮಾಡಿದರೆ ಒಳ್ಳೆಯದು ಎಂಬುದು ನಮ್ಮೆಲ್ಲರ ಅಭಿಪ್ರಾಯ. ಏಕೆಂದರೆ ಅವರು ಟೀಸರ್‌ಗೆ ಡಬ್‌ ಮಾಡಿ ಬಿಡುಗಡೆಯಾದಾಗ ಅದಕ್ಕೆ ಉತ್ತಮ ರೆಸ್ಪಾನ್ಸ್‌ ಸಿಕ್ಕಿದೆ. ಸಲ್ಮಾನ್‌ ಅವರೂ ಅದರ ಬಗ್ಗೆ ಉತ್ಸಾಹ ತೋರಿದ್ದು, ಟ್ರೇಲರ್‌ಗಾಗಿ ಕನ್ನಡ ಡೈಲಾಗ್‌ಗಳನ್ನು ಪ್ರಾಕ್ಟೀಸ್‌ ಮಾಡುತ್ತಿದ್ದಾರೆ. ಜತೆಗೆ ಸುದೀಪ್‌ ಅವರು ಸಿಕ್ಕಿದಾಗ ಕನ್ನಡದಲ್ಲೇ ಮಾತನಾಡುತ್ತಾ, ಕನ್ನಡ ಪದಗಳ ಅರ್ಥವನ್ನು ತಿಳಿದುಕೊಳ್ಳುತ್ತಿದ್ದಾರೆ. ಆಮೇಲೆ ಸಿನಿಮಾಗೂ ಅವರೇ ತಮ್ಮ ಧ್ವನಿ ನೀಡಲಿದ್ದಾರೆ'ಎಂದು ತಿಳಿಸಿದ್ದಾರೆ. ವಿಡಿಯೋ ಮೂಲಕ ಕಿಚ್ಚನಿಗೆ ವಿಶೇಷ ಸಂದೇಶ ಕಳಿಸಿದ ಸಲ್ಮಾನ್

ಈ ಮೂಲಕ ಡಬ್ಬಿಂಗ್‌ ಸಿನಿಮಾಗಳ ಕ್ವಾಲಿಟಿ ದಿನೇ ದಿನೇ ಹೆಚ್ಚಾಗುತ್ತಿದೆ. ಇತ್ತೀಚೆಗೆ ಬಿಡುಗಡೆಯಾಗಿದ್ದ 'ಸೈರಾ ನರಸಿಂಹರೆಡ್ಡಿ' ಕನ್ನಡ ವರ್ಷನ್‌ಗೆ ಪ್ರೇಕ್ಷಕರು ಉತ್ತಮ ಬೆಂಬಲ ಸೂಚಿಸಿದ್ದರು. ಸದ್ಯದ ಮಾಹಿತಿ ಪ್ರಕಾರ 'ಸೈರಾ' ಕನ್ನಡ ವರ್ಷನ್‌ನಿಂದ ಒಂದು ಕೋಟಿಯಷ್ಟು ಶೇರ್‌ ಬಂದಿದೆಯಂತೆ. ಈಗ ಸಲ್ಮಾನ್‌ಖಾನ್‌ ಕನ್ನಡಕ್ಕೆ ಡಬ್ಬಿಂಗ್‌ ಮಾಡಿದರೆ ಆ ಸಿನಿಮಾಗೂ ಜನ ಬೆಂಬಲ ಸಿಗುತ್ತದೆ. ಕನ್ನಡಕ್ಕೆ ದಬಾಂಗ್‌-3: ತಮ್ಮ ಪಾತ್ರಕ್ಕೆ ತಾವೇ ಡಬ್‌ ಮಾಡಲಿದ್ದಾರೆ ಸುದೀಪ್‌