ಉದ್ಘರ್ಷ
ಸುನೀಲ್‌ ಕುಮಾರ್ ದೇಸಾಯಿ ಬಹಳ ದಿನಗಳ ನಂತರ 'ಉದ್ಘರ್ಷ' ಸಿನಿಮಾ ನಿರ್ದೇಶನ ಮಾಡಿದ್ದರು. ಬಹುಭಾಷೆಯಲ್ಲಿ ಸಿನಿಮಾ ತೆರೆಕಂಡಿತ್ತು. ಅನೇಕ ಕಲಾವಿದರು ನಟಿಸಿದ್ದರು. ಆದರೆ, ಸಿನಿಮಾ ಮಾತ್ರ ದೊಡ್ಡ ಮಟ್ಟದ ಹಿಟ್ ಎನಿಸಿಕೊಳ್ಳಲಿಲ್ಲ.
ಗಿಮಿಕ್
'ಗೋಲ್ಡನ್ ಸ್ಟಾರ್' ಗಣೇಶ್‌ ಅಭಿನಯದ 'ಗಿಮಿಕ್' ತಮಿಳಿನ 'ಧಿಲ್ಲುಕು ದುಡ್ಡು' ಚಿತ್ರದ ರಿಮೇಕ್ ಆಗಿತ್ತು. ನಾಗಣ್ಣ ನಿರ್ದೇಶನದಲ್ಲಿ ಸಿನಿಮಾ ಮೂಡಿಬಂದಿತ್ತು. ಆದರೆ, ಸಿನಿಮಾ ಅಂದುಕೊಂಡ ಮಟ್ಟಕ್ಕೆ ಯಶಸ್ಸು ಕಾಣಲಿಲ್ಲ.
ದಶರಥ
'ದಶರಥ' ಚಿತ್ರದಲ್ಲಿ ರವಿಚಂದ್ರನ್ ವಕೀಲನಾಗಿ ಕಾಣಿಸಿಕೊಂಡಿದ್ದರು. ಅನೇಕ ತಾರೆಯರು ಸಿನಿಮಾದಲ್ಲಿದ್ದರು. ಆದರೂ ಈ ಚಿತ್ರ ಹಿಟ್ ಎನಿಸಿಕೊಳ್ಳಲಿಲ್ಲ. ಬಾಕ್ಸ್ ಆಫೀಸ್‌ನಲ್ಲಿ ಸೋಲು ಕಂಡಿತು.
ಕೆಂಪೇಗೌಡ 2
ಬಹಳ ವರ್ಷಗಳ ನಂತರ ಕೋಮಲ್‌ ಕುಮಾರ್ 'ಕೆಂಪೇಗೌಡ 2' ಚಿತ್ರದ ಮೂಲಕ ಕಮ್‌ಬ್ಯಾಕ್ ಮಾಡಿದ್ದರು. ಕಾಮಿಡಿ ಜಾನರ್ ಬಿಟ್ಟು ಖಡಕ್‌ ಪೊಲೀಸ್ ಅಧಿಕಾರಿ ಪಾತ್ರದಲ್ಲಿ ನಟಿಸಿದ್ದರು. ಆದರೆ, ಸಿನಿಮಾ ತೆರೆಕಂಡ ಮೇಲೆ ದೊಡ್ಡ ಯಶಸ್ಸು ಕಾಣಲಿಲ್ಲ.
ಆದಿ ಲಕ್ಷ್ಮೀ ಪುರಾಣ
ರಾಧಿಕಾ ಪಂಡಿತ್ ಮದುವೆಯಾದ ಮೇಲೆ ನಟಿಸಿದ ಸಿನಿಮಾ 'ಆದಿ ಲಕ್ಷ್ಮೀ ಪುರಾಣ'. ಅವರಿಗೆ ಜೋಡಿಯಾಗಿ ನಿರೂಪ್ ಭಂಡಾರಿ ನಟಿಸಿದ್ದರು. ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಾಣದ ಹೊಣೆ ಹೊತ್ತಿದ್ದರು. ಸಿನಿಮಾದ ಮೇಲೆ ದೊಡ್ಡ ನಿರೀಕ್ಷೆ ಇತ್ತು. ಕಥೆಯಲ್ಲಿ ಅಂತಹ ವಿಶೇಷತೆ ಏನಿರಲಿಲ್ಲ. ಹಾಗಾಗಿ, ಚಿತ್ರ ಹೆಚ್ಚು ದಿನ ಚಿತ್ರಮಂದಿರದಲ್ಲಿ ಉಳಿಯಲಿಲ್ಲ.
ಅಮರ್
ಅಂಬರೀಷ್‌ ಪುತ್ರ ಅಭಿಷೇಕ್‌ ನಟನೆಯ ಚೊಚ್ಚಲ ಚಿತ್ರ ಎಂಬ ಕಾರಣಕ್ಕೆ 'ಅಮರ್' ಮೇಲೆ ಇಡೀ ಚಿತ್ರರಂಗವೇ ನಿರೀಕ್ಷೆ ಇಟ್ಟುಕೊಂಡಿತ್ತು. ದರ್ಶನ್‌-ರಚಿತಾ ರಾಮ್‌ ಅತಿಥಿ ಪಾತ್ರ ಮಾಡಿದ್ದರು. ಹೀಗಿದ್ದರೂ ಸಿನಿಮಾ ಮಾತ್ರ ದೊಡ್ಡ ಸೋಲು ಕಂಡಿತು.
99
ಗಣೇಶ್‌ ಅಭಿನಯದ ಈ ವರ್ಷದ ಮತ್ತೊಂದು ರಿಮೇಕ್ ಸಿನಿಮಾ '99'. ಇದು ಕೂಡ ತಮಿಳಿನ '96' ಚಿತ್ರದ ರಿಮೇಕ್ ಆಗಿತ್ತು. ಗಣೇಶ್‌ ಕೂಡ ಪಾತ್ರಕ್ಕಾಗಿ ತಯಾರಿ ಮಾಡಿಕೊಂಡು, ಬೇರೆ ರೀತಿಯಲ್ಲಿ ಕಾಣಿಸಿಕೊಂಡಿದ್ದರು. ಆ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಸೋತಿತು.
ಪಡ್ಡೆಹುಲಿ
'ಪಡ್ಡೆಹುಲಿ' ಚಿತ್ರದ ಮೂಲಕ ನಿರ್ಮಾಪಕ ಕೆ. ಮಂಜು ಪುತ್ರ ಶ್ರೇಯಸ್‌ ಅವರನ್ನು ಅದ್ದೂರಿಯಾಗಿ ಲಾಂಚ್ ಮಾಡಲಾಗಿತ್ತು. ಆದರೆ, ಸಿನಿಮಾ ಹೇಳಿಕೊಳ್ಳುವಂತಹ ಗೆಲುವು ಕಾಣಲಿಲ್ಲ. ಶ್ರೇಯಸ್‌ ಗಮನಸೆಳೆದರು.
ಸೂಜಿದಾರ
ಮೌನೇಶ್‌ ಬಡಿಗೇರ್‌ ಚೊಚ್ಚಲ ಬಾರಿಗೆ ನಿರ್ದೇಶಿಸಿದ 'ಸೂಜಿದಾರ'ದಲ್ಲಿ ಹರಿಪ್ರಿಯಾ ನಟಿಸಿದ್ದರು. ಡಿಗ್ಲಾಮ್‌ ಲುಕ್‌ನಲ್ಲಿ ಅವರು ನಟಿಸಿದ್ದರಿಂದ ಅಭಿಮಾನಿಗಳಿಗೂ ನಿರೀಕ್ಷೆ ಇತ್ತು. ಆದರೆ, ಚಿತ್ರದಲ್ಲಿ ನಟಿಸಿದ್ದಕ್ಕಾಗಿ ಅಭಿಮಾನಿಗಳ ಕ್ಷಮೆ ಕೇಳಿದ್ದರು. ಅದು ವಿವಾದಕ್ಕೂ ಕಾರಣವಾಯಿತು. ಜೊತೆಗೆ ಸಿನಿಮಾ ಕೂಡ ಸೋಲುಂಡಿತು.
ರುಸ್ತುಂ
ಶಿವರಾಜ್‌ಕುಮಾರ್‌ ಅಭಿನಯದ 'ರುಸ್ತುಂ' ಸಿನಿಮಾವು ದೊಡ್ಡ ಮಟ್ಟದಲ್ಲಿ ಹವಾ ಕ್ರಿಯೆಟ್ ಮಾಡಿತ್ತು. ವಿವೇಕ್‌ ಓಬೆರಾಯ್ ಈ ಸಿನಿಮಾದಲ್ಲಿ ನಟಿಸಿದ್ದರಿಂದ ನಿರೀಕ್ಷೆ ಹೆಚ್ಚಾಗಿತ್ತು. ಆದರೆ, 'ರುಸ್ತುಂ' ಹೆಚ್ಚು ದಿನ ಪ್ರದರ್ಶನಗೊಳ್ಳಲಿಲ್ಲ.