ಸುಮನ್ ರಂಗನಾಥನ್ ಮದುವೆ
ಕನ್ನಡದ ಮೋಸ್ಟ್‌ ಗ್ಲಾಮರಸ್‌ ನಟಿ ಸುಮನ್ ರಂಗನಾಥನ್ ಜೂನ್ 7ರಂದು ಮನೆಯರು, ಆಪ್ತರ ಸಮ್ಮುಖದಲ್ಲಿ ಕೊಡಗು ಮೂಲದ ಸಜನ್‌ ಅವರನ್ನು ಮದುವೆಯಾಗಿದ್ದಾರೆ. ಸಜನ್‌ ಸದ್ಯಕ್ಕೆ ಅಮೆರಿಕ ಕಂಪನಿಯೊಂದರಲ್ಲಿ ಉದ್ಯೋಗಿಯಾಗಿದ್ದು ಬೆಂಗಳೂರಿನಲ್ಲೇ ನೆಲೆಸಿದ್ದಾರೆ.
ರಿಷಿ ಸ್ವಾತಿ ಮದುವೆ
ಕವಲುದಾರಿ ಹಾಗೂ ಆಪರೇಷನ ಅಲಮೇಲಮ್ಮ ಚಿತ್ರಗಳಲ್ಲಿ ನಟಿಸಿರುವ ನಟ ರಿಷಿ ನವೆಂಬರ್ 10ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಬರಹಗಾರ್ತಿಯಾಗಿರುವ ಸ್ವಾತಿ ಕೈಹಿಡಿದಿದ್ದಾರೆ ರಿಷಿ. ಇವರ ಮದುವೆ ಚೆನ್ನೈನಲ್ಲಿ ನೆರವೇರಿತ್ತು.
ರವಿಚಂದ್ರನ್ ಮಗಳ ಮದುವೆ
ಕ್ರೇಜಿ ಸ್ಟಾರ್ ರವಿಚಂದ್ರನ್ ಮಗಳ ಮದುವೆ ಅರಮನೆ ಮೈದಾನದಲ್ಲಿ ಗ್ರಾಂಡ್‌ ಆಗಿ ನಡೆದಿತ್ತು. ರವಿಚಂದ್ರನ್ ಮಗಳು ಗೀತಾಂಜಲಿ ಮತ್ತು ಅಜಯ್ ಮದುವೆಗೆ ಸ್ಯಾಂಡಲ್‌ವುಡ್ ತಾರಗೆಳೂ ಸೇರಿದಂತೆ ಸೌತ್ ಇಂಡಿಯಾ ಹಾಗೂ ಬಾಲಿವುಡ್ ಘಟಾನುಘಟಿ ತಾರೆಗಳು ಆಗಮಿಸಿ ಶುಭ ಕೋರಿದ್ದರು.
ಯುವ ರಾಜ್‌ಕುಮಾರ್ ಮದುವೆ
ಡಾ.ರಾಜ್‌ ಕುಮಾರ್‌ ಮೊಮ್ಮಗ ಯುವರಾಜ್‌ ಕುಮಾರ್‌ ಮದುವೆ ಬೆಂಗಳೂರಿನ ಅರಮನೆಯಲ್ಲಿ ನಡೆದಿತ್ತು. ಮೈಸೂರಿನ ಹುಡುಗಿ ಶ್ರೀದೇವಿ ಜತೆ ಯುವರಾಜ್‌ ಸಪ್ತಪದಿ ತುಳಿದಿದ್ದಾರೆ. ರಾಘವೇಂದ್ರ ರಾಜ್‌ಕುಮಾರ್‌ರ ಕಿರಿಯ ಪುತ್ರ ಯುವರಾಜ್‌ ಕುಮಾರ್‌, ಮೈಸೂರು ಮೂಲದ ಶ್ರೀದೇವಿ ಜತೆ ಮೇ 26ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು.
ಯಜ್ಞಾ ಶೆಟ್ಟಿ ಮದುವೆ
ಮಂಗಳೂರು ಮೂಲದ ನಟಿ ಯಜ್ಞಾ ಶೆಟ್ಟಿ ದಾಂಪತ್ಯ ಜೀವನಕ್ಕೆ ಕಾಲಿರಿಸಿ ಎಲ್ಲರಿಗೂ ಅಚ್ಚರಿ ನೀಡಿದ್ದರು. ಸಂದೀಪ್‌ ಶೆಟ್ಟಿ ಅವರನ್ನು ಮಂಗಳೂರಿನಲ್ಲಿ ಅಕ್ಟೋಬರ್ 29ರಂದು ಅದ್ದೂರಿಯಾಗಿ ವಿವಾಹವಾಗಿದ್ದರು. ಸಂದೀಪ್‌ ಶೆಟ್ಟಿ ಕೂಡ ಮಂಗಳೂರು ಮೂಲದವರು. ಉದ್ಯಮಿಯಾಗಿ ಮುಂಬಯಿಯಲ್ಲಿ ನೆಲೆಸಿದ್ದಾರೆ. ಹೋಟೆಲ್‌ ಮತ್ತು ಕಾರ್ಖಾನೆಗಳ ಒಡೆಯರಾಗಿದ್ದಾರೆ.
ನೇಹಾ ಪಾಟೀಲ್ ಪ್ರಣವ್ ಮದುವೆ
ಕನ್ನಡದ ಸಿನಿಮಾ, ಧಾರಾವಾಹಿಗಳಲ್ಲಿ ನಟಿಸಿದ್ದ ನಟಿ ನೇಹಾ ಪಾಟೀಲ ಅವರು ಇಂಜಿನಿಯರ್ ಪ್ರಣವ್ ಎಂಬುವವರನ್ನು ಫೆಬ್ರವರಿ 22ರಂದು ಮದುವೆಯಾಗಿದ್ದರು. 2018ರಲ್ಲಿ ಇವರಿಬ್ಬರ ನಿಶ್ಚಿತಾರ್ಥ ಮಾಡಿಕೊಂಡಿತ್ತು.
ಧ್ರುವ ಸರ್ಜಾ ಪ್ರೇರಣಾ ಶಂಕರ್ ಮದುವೆ
‘ಅದ್ಧೂರಿ’ ಸಿನಿಮಾದ ಮೂಲಕ ಸ್ಯಾಂಡಲ್‌ವುಡ್‌ಗೆ ಪದಾರ್ಪಣೆ ಮಾಡಿದ ಧ್ರುವ ಸರ್ಜಾ ಬಾಲ್ಯದ ಗೆಳತಿ ಪ್ರೇರಣಾ ಶಂಕರ್ ಜೊತೆ ಸಪ್ತಪದಿ ತುಳಿದಿದ್ದಾರೆ. ನವೆಂಬರ್ 24ರಂದು ಅವರು ವೈವಾಹಿಕ ಜೀವನಕ್ಕೆ ಅದ್ದೂರಿಯಾಗಿ ಕಾಲಿಟ್ಟಿದ್ದಾರೆ. ಹಲವು ವರ್ಷಗಳಿಂದ ಈ ಜೋಡಿ ಪ್ರೀತಿಸುತ್ತಿತ್ತು.
ಅರ್ಚನಾ ಶರ್ಮಾ ಮದುವೆ
ಆ ದಿನಗಳು ಖ್ಯಾತಿಯ ನಟಿ ಅರ್ಚನಾ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ನವೆಂಬರ್ 13ಕ್ಕೆ ಅರ್ಚನಾ ವೇದಾ ಅಲಿಯಾಸ್ ಅರ್ಚನಾ ಶಾಸ್ತ್ರಿ ಹೈದರಾಬಾದ್‌ನಲ್ಲಿ ಜಗದೀಶ್ ಜೊತೆ ಮದುವೆಯಾಗಿದ್ದಾರೆ.