ಅವನೇ ಶ್ರೀಮನ್ನಾರಾಯಣ ಚಿತ್ರದಲ್ಲಿ ರಕ್ಷಿತ್‌ ಭರ್ಜರಿ ಫೈಟ್‌ ದೃಶ್ಯಗಳಲ್ಲಿ ನಟಿಸಿದ್ದಾರೆ. ಮೊದಲ ಬಾರಿಗೆ ಅವರು ಬಿಗ್‌ ಆ್ಯಕ್ಷನ್‌ ಸಿನಿಮಾದಲ್ಲಿ ನಟಿಸಿದ್ದು, ಫೈಟ್‌ ಸೀನ್‌ಗಳಲ್ಲಿ ನಟಿಸುವಾಗ ಭಯವಿತ್ತು ಎಂದಿದ್ದಾರೆ. ಸಚಿನ್‌ ರವಿ ನಿರ್ದೇಶನದ ಈ ಚಿತ್ರವು ಫ್ಯಾಂಟಸಿ ಲೋಕವನ್ನೇ ಪ್ರೇಕ್ಷಕರ ಎದುರು ತೆರೆದಿಡಲಿದ್ದು, ಆ್ಯಕ್ಷನ್‌ ದೃಶ್ಯಗಳನ್ನೂ ವಿಶೇಷವಾಗಿ ಚಿತ್ರೀಕರಿಸಲಾಗಿದೆ ಎಂದಿದ್ದಾರೆ ಅವರು.

'ನಾನು ಇಲ್ಲಿಯವರೆಗೆ ಈ ರೀತಿಯ ಫೈಟ್‌ ಮಾಡಿಲ್ಲ. ಈ ಚಿತ್ರದಲ್ಲಿ ಐದು ಫೈಟ್‌ಗಳಿವೆ. ಇದನ್ನು ಹೇಗೆ ಮಾಡ್ತೀನೋ ಎಂಬ ಭಯ ನನಗೆ ಮೊದಲಿನಿಂದಲೂ ಇತ್ತು' ಎಂದಿದ್ದಾರೆ ರಕ್ಷಿತ್‌. ಪ್ರತಿಯೊಂದು ಫೈಟ್‌ ಕೂಡ ಡಿಫರೆಂಟ್‌ ಎಮೋಷನ್ಸ್‌ನಿಂದ ಕೂಡಿದೆ. ಬೇರೆಬೇರೆ ರೀತಿ ಫೈಟ್‌ ಕಂಪೋಸ್‌ ಮಾಡಲಾಗಿದೆ. ಒಂದು ಫೈಟ್‌ ಕಾಮಿಡಿ ಸ್ಟೈಲ್‌ನಲ್ಲಿ, ಇನ್ನೊಂದು ಫೈಟ್‌ ಅಡ್ವೆಂಚರಸ್‌ ಆಗಿ, ಹೀಗೆ ಐದೂ ಫೈಟ್‌ಗಳನ್ನು ವಿಭಿನ್ನವಾಗಿ ಚಿತ್ರೀಕರಿಸಬೇಕು ಅಂತ ಅಂದುಕೊಂಡಿದ್ದೆವು.

ಇವೆಲ್ಲಾ ನಮ್ಮ ತಲೆಯಲ್ಲಿದ್ದವು. ಆದರೆ, ಹೇಗೆ ಎಕ್ಸಿಕ್ಯೂಟ್‌ ಮಾಡಬಹುದು ಅನ್ನುವ ಐಡಿಯಾ ಇರಲಿಲ್ಲ. ಊಹೆ ಮಾಡಿಕೊಳ್ಳುವುದು ಸುಲಭ. ಅದೇ ರೀತಿ ಮೂಡಿಬರುತ್ತಾ ಅನ್ನುವ ಅನುಮಾನ ಇತ್ತು. ಫೈಟ್‌ ಮಾಸ್ಟರ್‌ ವಿಕ್ರಮ್‌ ಅವರಿಗೂ ಈ ಹಿಂದೆ ಇಂಥ ಫೈಟ್‌ ಶೂಟ್‌ ಮಾಡಿದ ಅನುಭವ ಇರಲಿಲ್ಲವಂತೆ. ಆದರೆ, ನಾವು ಅಂದುಕೊಂಡಿದ್ದಕ್ಕಿಂತ ಅದ್ಭುತವಾಗಿ ಅವರು ಶೂಟ್‌ ಮಾಡಿಕೊಟ್ಟಿದ್ದಾರೆ' ಎಂದು ರಕ್ಷಿತ್‌ ತಿಳಿಸಿದ್ದಾರೆ.

ಐದು ಭಾಷೆಗಳಲ್ಲಿ ರಕ್ಷಿತ್ ಶೆಟ್ಟಿ ಸಿನಿಮಾ ಅವನೇ ಶ್ರೀಮನ್ನಾರಾಯಣ

ರಕ್ಷಿತ್‌ ಆ್ಯಕ್ಷನ್‌ ಸೀನ್‌ಗಾಗಿ ತಯಾರಿಯನ್ನೂ ಮಾಡಿಕೊಂಡಿದ್ದರಂತೆ. 'ಹೇಗೆ ಶೂಟ್‌ ಮಾಡಬೇಕು ಅಂತ ಪ್ಲಾನ್‌ ಮಾಡಿದ ಮೇಲೂ ಪ್ರತಿದಿನ ಶೂಟ್‌ಗೆ ಹೋಗುವಾಗಲೂ ಭಯ. ನನ್ನಿಂದ ಇದು ಆಗುತ್ತದಾ ಅಂತ ಪ್ರಶ್ನೆ ಮೂಡುತ್ತಿತ್ತು. ವಿಕ್ರಮ್‌ ಅವರಿಗೆ ದೊಡ್ಡ ಹೆಸರಿದೆ. ಅವರು ನಿರೀಕ್ಷಿಸುವಂತೆ ಮಾಡಲು ನನಗೆ ಆಗುತ್ತಾ ಅನ್ನುವ ಅನುಮಾನ ಬರ್ತಿತ್ತು. ಚಿಕ್ಕಂದಿನಿಂದ ನಾನು ಕರಾಟೆ ಕಲಿತಿದ್ದೆ. ಸ್ಪೋರ್ಟ್ಸ್‌ನಲ್ಲಿದ್ದೆ. ಹಾಗಾಗಿ ನನ್ನ ಬಾಡಿ ಫ್ಲೆಕ್ಸಿಬಲ್‌ ಇರುತ್ತೆ ಎನ್ನುವ ವಿಶ್ವಾಸವೂ ಇತ್ತು. ಇಲ್ಲಿವರೆಗೆ ನಾನು ಯಾವ ಸಿನಿಮಾದಲ್ಲೂ ಫೈಟ್‌ ಮಾಡಿ ತೋರಿಸಿರಲಿಲ್ಲ. ಶೂಟ್‌ಗೆ ಮೊದಲು ಎರಡು ದಿನ ಪ್ರಾಕ್ಟೀಸ್‌ ಮಾಡೋಣ ಅಂದುಕೊಂಡೆ. ಅಲ್ಲಿ ವಿಕ್ರಮ್‌ ಜತೆ ಪ್ರಾಕ್ಟೀಸ್‌ ಮಾಡುವಾಗ ಸುಲಭ ಎನಿಸಿತು. ಕಾನ್ಫಿಡೆನ್ಸ್‌ ಬಂತು. ಭಯ ಹೋಯ್ತು' ಎಂದಿದ್ದಾರೆ ಅವರು.

ಬಿಗ್ ಬಾಸ್ ಮನೆಯಲ್ಲಿ ಇನ್ನೂ ಇದ್ದಿದ್ದರೆ ಖಿನ್ನತೆಗೆ ಜಾರುತ್ತಿದ್ದೆ

'ಬೇರೆ ಸಿನಿಮಾಗಳಲ್ಲಿ ಇರುವಂತೆ ಈ ಸಿನಿಮಾದಲ್ಲಿ ಫೈಟ್‌ ಇಲ್ಲ. ಪ್ರತಿಯೊಂದು ಫೈಟ್‌ ಕೂಡ ವಿಚಿತ್ರವಾಗಿದೆ. ಹೊಸ ಫೀಲ್‌ ಕೊಡುತ್ತದೆ. ಸರ್‌ಪ್ರೈಸ್‌ ನೀಡುತ್ತೆ. ನನಗಂತೂ ಚಿತ್ರದಲ್ಲಿ ಇದು ಬಹಳ ಇಷ್ಟವಾದ ಅಂಶ' ಎನ್ನುತ್ತಾರೆ ರಕ್ಷಿತ್‌ ಶೆಟ್ಟಿ.