ಬಾಲನಟಿಯಾಗಿ ನಟಿಸಿದ್ದ ಸಿನಿಮಾದ ಅಶ್ಲೀಲ ದೃಶ್ಯ ಈಗ ವೈರಲ್: ವಿದ್ಯಾರ್ಥಿನಿ ಆತ್ಮಹತ್ಯೆಗೆ ಯತ್ನ!

ಬಾಲನಟಿಯಾಗಿ ನಟಿಸಿದ್ದಾಗಿನ ಸಿನಿಮಾದಲ್ಲಿ ನಟಿಸಿದ್ದರ ಒಂದು ಅತ್ಯಾಚಾರ ದೃಶ್ಯವೊಂದು ಈಗ ಕೆಲ ಅಶ್ಲೀಲ ಪ್ಲಾಟ್‌ಫಾರ್ಮ್‌ಗಳಲ್ಲಿ ವೈರಲ್ ಆಗಿರುವುದನ್ನು ಕಂಡು ಕಾನೂನು ವಿದ್ಯಾರ್ಥಿನಿ ಸೋನಾ ಎಂ ಅಬ್ರಾಹಂ ಬೇಸರ ಹೊರಹಾಕಿದ್ದಾರೆ.

7 ವರ್ಷದ ಹಿಂದೆ ನಟಿಸಿದ್ದ ಸಿನಿಮಾ!
ಈ ಸಿನಿಮಾ ದೃಶ್ಯವು ಸೋನಾ ಮನಸ್ಸನ್ನು ಕಲುಕಿದೆಯಂತೆ. ಕೆಲ ವರ್ಷಗಳ ಹಿಂದೆ ಸೋನಾ ನಟಿಸಿದ ಚಿತ್ರದ ಅತ್ಯಾಚಾರದ ದೃಶ್ಯವನ್ನು ಕಿಡಿಗೇಡಿಗಳು ಅಶ್ಲೀಲ ಪ್ಲಾಟ್‌ಫಾರ್ಮ್‌ಗಳಲ್ಲಿ ಅಪ್‌ಲೋಡ್ ಮಾಡಿದ್ದಾರೆ. 14 ವರ್ಷವಿದ್ದಾಗ ಸೋನಾ 'ಫಾರ್ ಸೇಲ್' ಸಿನಿಮಾದಲ್ಲಿ ನಟಿಸಿದ್ದರು. ಅದು ಕಾದಲ್ ಸಂಧಿಯಾ ಹಾಗೂ ಐಶ್ವರ್ಯಾ ಮುಖ್ಯ ಪಾತ್ರದಲ್ಲಿ ನಟಿಸಿದ ಸಿನಿಮಾವಾಗಿತ್ತು. ಈ ಚಿತ್ರದಲ್ಲಿ ನಟಿಸಿದ ನಂತರದಲ್ಲಿ ಸೋನಾಗೆ ಅನೇಕ ಸಮಸ್ಯೆಗಳಾಗಿದ್ದವಂತೆ. ಸ್ನೇಹಿತರು, ಸಂಬಂಧಿಕರು ಸೋನಾ ಜೊತೆಗೆ ಮಾತನಾಡಲು ಹೆದರುತ್ತಿದ್ದರು ಎನ್ನಲಾಗಿದೆ.

ಸಮಾಜಕ್ಕೆ ಹೆದರುತ್ತೇನೆ: ಸೋನಾ
'ನಿರ್ದೇಶಕರು 150 ಜನರ ಮುಂದೆ ಅತಿ ಚಿಕ್ಕ ವಯಸ್ಸಿನಲ್ಲಿ ಅತ್ಯಾಚಾರಕ್ಕೆ ಸಂಬಂಧಪಟ್ಟ ದೃಶ್ಯ ಮಾಡು ಅಂದಾಗ ನನಗೆ ತುಂಬ ಕಷ್ಟವಾಯ್ತು. ಆರಂಭದಲ್ಲಿ ನಾನು ಒಲ್ಲೆ ಎಂದೆ. ಆಮೇಲೆ ನಿರ್ದೇಶಕರೇ ನನ್ನನ್ನು ಒಪ್ಪಿಸಿದರು. ನಿಜಕ್ಕೂ ನನಗೆ ಆಗ ಅತ್ಯಾಚಾರದ ಬಗ್ಗೆ ಅರಿವೆಯೇ ಇರಲಿಲ್ಲ. ನಾನು ಯಾವಾಗಲೂ ಸಮಾಜಕ್ಕೆ ಹೆದರುತ್ತೇನೆ. ನಿಜಕ್ಕೂ ನಾನು ತಪ್ಪು ಮಾಡಿದ್ದರೆ ಶಿಕ್ಷೆಯಾಗಲಿ. ಆದರೆ ಇಷ್ಟು ವರ್ಷ ಏನೂ ತಪ್ಪು ಮಾಡಿಲ್ಲ. ನನ್ನ ಬಗ್ಗೆ ನನಗೆ ಹೆಮ್ಮೆಯಿದೆ. ಈ ರೀತಿ ಕೆಟ್ಟ ಕೆಲಸ ಮಾಡಿದವರಿಗೆ ಶಿಕ್ಷೆ ಆಗಬೇಕು. #refusetheabuse ಅಭಿಯಾನ ನನಗೆ ಇನ್ನಷ್ಟು ಶಕ್ತಿ ನೀಡಿದೆ. ಅಮಾನವೀಯ ವರ್ತನೆಗೆ ಕಡಿವಾಣ ಬೀಳುತ್ತದೆ ಎಂದು ಭಾವಿಸುತ್ತೇನೆ' ಎಂದು ಸೋನಾ ವಿಡಿಯೋದಲ್ಲಿ ಹೇಳಿದ್ದು, ಅದು ಅವರ ಫೇಸ್‌ಬುಕ್‌ ಖಾತೆಯಲ್ಲಿ ಅಪ್‌ಲೋಡ್ ಆಗಿದೆ.

Also Read-ಚಿಕ್ಕಪ್ಪನಿಂದ ಅಣ್ಣನ ಮಗಳ ಮೇಲೆಯೇ ಅತ್ಯಾಚಾರ, ಕೊಲೆ: ಆರೋಪಿ ಬಂಧನ

ಕ್ರಮ ಕೈಗೊಳ್ಳದ ಅಧಿಕಾರಿಗಳು!
ಇನ್ನು ಈ ವಿಡಿಯೋ ಡಿಲಿಟ್ ಮಾಡಿಸಲು ಸೋನಾ ಕುಟುಂಬ ದೂರು ನೀಡಿದರೂ ಕೂಡ ಯಾವುದೇ ಅಧಿಕಾರಿಗಳು ಕ್ರಮ ಕೈಗೊಂಡಿಲ್ಲ, ಸೋನಾ ಮನವಿಗೆ ಸ್ಪಂದಿಸುತ್ತಿಲ್ಲ. ಮಧ್ಯಮ ವರ್ಗದಲ್ಲಿ ಹುಟ್ಟಿದ ಸೋನಾ ಮನೆಯಲ್ಲಿ ಆರ್ಥಿಕ ಶಕ್ತಿಯೂ ಸಬಲವಾಗಿರಲಿಲ್ಲ. ಹೀಗಾಗಿ ಸೋನಾ ಇನ್ನಷ್ಟು ನೋವು ಅನುಭವಿಸಬೇಕಾಗಿ ಬಂತು. ಆ ಸಿನಿಮಾದಲ್ಲಿ ಆ ದೃಶ್ಯದಲ್ಲಿ ನಟಿಸಿದ್ದರ ಬಗ್ಗೆ ಸೋನಾಗೆ ಇನ್ನೂ ನೋವಿದೆಯಂತೆ. ಇದರ ಜೊತೆಗೆ ಸೋನಾ ಮೇಲೆ ಈಗ ಕೆಲವರು ಕಾಳಜಿ ತೋರಿಸುತ್ತಿದ್ದರೆ, ಇನ್ನೂ ಕೆಲವರು ಇವರದ್ದೇ ತಪ್ಪು ಅಂತ ಬಿಂಬಿಸುತ್ತಿದ್ದಾರಂತೆ.